Frjáls verslun - 01.05.2013, Blaðsíða 22

22 FRJÁLS VERSLUN 5. 2013
SkoðUN
þau hafa orðið
Sigurður B. Stefánsson segir að umskipti hafi orðið á alþjóðlegum hlutabréfamarkaði í
júní. Hann bendir á að frá því
síðsumars árið 2011 til þriðju
viku í júní 2013 hafi helstu kaup­
hallir greinst í tvær fylkingar.
„Bandaríkin, Þýskaland, Bret-
land og Indland voru leiðandi.
Þrjú fyrrnefndu löndin brutust
upp fyrir viðnám vegna hágilda
ársins 2007 og mynduðu ný
söguleg hágildi. Hlutabréf í
öðrum löndum eru langt á eftir
svo að nemur tugum prósenta.“
Lækkun hófst á hlutabréfum
um miðjan maí á þessu ári þar
sem markaður er veikastur. Frá
þeim tíma til fjórðu viku í júní
var lækkun allt að 15%, mest í
Brasilíu, á Ítalíu, í Hong Kong,
Japan, Rússlandi og á Spáni.
„Í þriðju viku júní hélt Ben Bern-
anke, seðlabankastjóri Bandaríkj-
anna, ræðu og skýrði hvernig
batamerki í þjóðbúskapnum
leiddu af sér að seðlabankinn
gæti hægt á kaupum sínum á
ríkisskuldabréfum – peninga-
prentun – jafnvel fyrir lok árs
2013. Viðbrögð fjárfesta voru
mikil sala á ríkisskuldabréfum.
Verð á skuldabréfum lækkar
skarpt og vextir af tíu ára skulda -
bréfum hækka úr 2,2% í 2,5%.“
Sigurður segir að hlutabréf á
Wall Street hafi þá tekið að falla
í verði. „Fyrstu þrjá viðskipta-
daga eftir ræðu Bernankes
lækkaði S&P 500 um 5,5% en
aðrar vísitölur, einkum þær sem
tengjast hrávörum, olíu eða
málmum, lækkuðu enn meira.
Að líkindum er að losna úr læð -
ingi spenna sem myndast á
hlutabréfamarkaði við að verð í
bestu löndum – Bandaríkjunum,
Þýskalandi, Bretlandi og Ind­
landi – hækkar um tugi prósenta
umfram hlutabréf í lökustu
kauphöllum. Í síðustu viku júní
lækkaði verð í nær öllum kaup-
höllum samtímis.“
Lækkandi verð á
hlutabréfum
SiGurður B. STEFÁNSSoN
– sjóðstjóri hjá Eignastýringu Landsbankans
ERLEND
HLUTABRÉF
Ingibjörg Þórðardóttir segir að staðan á fasteignamarkaði sé svipuð og verið hefur síðustu
vikur. Enn sé biðstaða vegna
þess að fólk bíði eftir skýrari
út listun á því hvað ríkisstjórnin
hyggst gera varðandi lánaleiðrétt-
ingar í tengslum við forsendu-
brest sem varð í hruninu.
„Kaupendur eru tilbúnir til að
festa kaup á góðum eignum en
það eru frekar seljendurnir sem
hafa verið hikandi og sérstak-
lega þeir sem eru með talsvert
veðsettar eignir. Seljendur eru
brenndir af almennum yfirlýsing-
um þar sem hver yfirlýsingin er
í mótsögn við aðra, almenning-
ur gerir þá kröfu að það sem
ráðamenn láta frá sér standi.
Yfirlýsingar frá þingmönnum
stjórnarflokkanna hafa verið á
þá leið að leiðrétting verði gerð
með þeim hætti að fólk þurfi ekki
að hafa áhyggjur af því að hún
muni ekki skila sér á réttan stað.
Ég tel að fasteignamarkaðurinn
eigi töluvert mikið inni. Verð
hefur verið á svipuðu róli síðustu
mánuði en byggingarkostnaður
hefur aukist og verð mun þá
hækka til samræmis þegar
línur fara að skýrast varðandi
lánamálin.“
Kaupendur tilbúnir en
seljendur hikandi
iNGiBjÖrG ÞÓrðArDÓTTir,
– formaður Félags fasteignasala
FASTEIGNA-
MARKAÐURINN
Dow Jones síðustu tólf mánuðina
ÁrELÍA EyDÍS GuðMuNDSDÓTTir
– dósent við viðskiptafræðideild
HÍ og ráðgjafi
STJÓRNUN
Samkvæmt könnun Capacent á stöðu og framtíðarhorfum stærstu fyrirtækja landsins, sem gerð var fyrir Samtök
atvinnulífsins og Seðlabankann í
maí, taldi fjórðungur stjórnenda
að horfur væru á betri tíð eftir sex
mánuði.
„Þessar mælingar, sem nú eru
eru upp á við, gefa vísbendingu
um betri tíð framundan, en þegar
væntingavísitala stjórnenda fer
upp helst það oft í hendur við
aukna neyslu og bjartsýni neyt-
enda almennt. Hjá fyrirtækjum
aukast oft ráðningar í kjölfarið.
Stjórnendur hafa undanfarin
ár ekki verið mjög jákvæðir og
bjartsýnir. Þeir voru til dæmis
til tölulega neikvæðir í upphafi
árs ins, væntingar fóru aðeins upp
aftur eftir Icesave-dóminn og aftur
núna. Samkvæmt niðurstöðum
rannsókna minna undanfarna
áratugi eru íslenskir stjórnendur
mun betri í að stýra í kreppu
en þenslu. Eftirlit og kostnaðar-
meðvitund eykst til muna.
Stjórnendur leggja sig fram á
krepputímum um áætlunargerð
og skipuleggja hvert skref mjög
vel. Í þenslu hafa íslenskir stjórn-
endur ekki sýnt sömu varkárni
og forsendur fagstjórnunar ekki
verið eins sterkar. Vonandi munu
stjórnendur ekki endurtaka leikinn
heldur læra af fortíðinni.“
Horfur á betri tíð
Borgartúni 26
105 Reykjavík
Fax 590 2606
Hafnarstræti 94
600 Akureyri
Fax 590 2680
Sími 590 2600
lex@lex.is
www.lex.is
ÖGRANDI VERKEFNI
EGGjA oKKuR tIl DáðA
Flestir kannast við lýsinguna á því hvernig Kristófer Kólumbus lét ósköp venjulegt egg standa á borði.
Sagan er gjarnan höfð til marks um einfalda lausn á því sem í fyrstu virðist ógjörningur.* Reyndar má
ætla að Kristófer hafi fremur nýtt sér þekkingu sína en hugkvæmni við lausn þessa verkefnis. Það er ekki
ólíklegt að hann hafi þekkt söguna af því þegar landi hans, ítalski listamaðurinn Filippo Brunelleschi, beitti
sama bragði nokkrum áratugum fyrr til að sýna að hann gæti teiknað og reist hvolfþakið yfir dómkirkjunni
í Flórens — verkefni sem mörgum þótti ógjörningur en Filippo leysti með prýði.
Vandasöm verkefni krefjast bæði góðrar þekkingar og skarprar hugsunar. lEX er leiðandi lögmannsstofa
á Íslandi, skipuð harðsnúnu liði sem tekur nýjum áskorunum fagnandi. Við lítum svo á að ekkert mál sé of
stórt, flókið eða torfært að ekki megi finna ákjósanlega leið að farsælli niðurstöðu. árangur okkar er eftir
því og lEX hefur fest sig í sessi sem ein af virtustu og traustustu lögfræðistofum landsins.
*til að láta egg standa á borði án stuðnings er nóg að beita það hæfilegum þrýstingi svo
að skurnin gefi sig við snertiflötinn.