Frjáls verslun - 01.05.2013, Blaðsíða 85
FRJÁLS VERSLUN 5. 2013 85
Höfðatún 26
sérhæfðir starfsmenn
Hrunið hafði mikil áhrif á lög mannsstofur en áhrif þess eru farin
að minnka og sumir horfa
til þess að uppgangur verði
með auknum framförum
í efnahagslífinu,“ segir
Örn Gunnarsson, faglegur
fram kvæmdastjóri LEX
lögmannsstofu. Stofan flutti
í húsnæði við Borgartún
26 árið 2008. „LEX er stór
lögmannsstofa. Við vinnum
fyrir mörg af stærstu fyrir
tækjum landsins sem og
sveitarfélög.“
Örn segir að starfsmenn
margra fyrirtækja séu með
vitaðir um að fyrirbyggj andi
starf komi í veg fyrir vandræði
síðar meir. „Við vinnum mikið
í úttektum á félögum, t.d. með
hliðsjón af samkeppnisrétti,
og skoðum stjórnarhætti
hjá fyrirtækjum sem vilja
bæta verkferla og tryggja að
rekstur þeirra sé í samræmi
við lög og reglur. Þetta er efst
á baugi hjá okkur fyrir utan
það að klára vinnu við stór
endurskipulagningarverkefni.“
Um fjörutíu lögmenn vinna hjá
LEX og eru verkefnin fjölbreytt.
Starfsmenn eru sérhæfðir og
vinna á af mörk uðum sviðum.
Örn bendir á að hjá fyrirtækinu
vinni t.d.eitt stærsta skattateymi
á lögmannsstofu hér á landi,
auk þess sem þar séu starfandi
sérstök teymi á sviðum banka
og fjármagnsmarkaðsréttar og
eigna og auðlindaréttar, sem
hafi á að skipa einhverjum
helstu sérfræðingum landsins á
þeim réttarsviðum.“
að ná jafnvægi
Örn segir að þörfin fyrir lög
mannsþjónustu hafi vax ið
mikið á síðustu fimm til sex
árum og ætla megi að mark
að urinn hafi þrefaldast –
hrun ið hafi átt stóran þátt í
því. „Markaðurinn er að ná
jafnvægi og búast má við meiri
samkeppni á næstu mánuðum
og árum. Menn verða að vera
glöggir og sýna fram á að
þjón ustan sé afburðagóð til að
halda velli í samkeppninni.
Markaðurinn hefur breyst
að því leyti að fyrirtæki og
stofnanir í landinu horfa nú
fram á veginn í stað þess að
þurfa að slökkva elda síðustu
ára. Þau eru að byggja sig
upp til framtíðar og vinna að
því að laga stjórnarhætti og
verkferla til að koma í veg
fyrir að það sem gerðist fyrir
hrun endurtaki sig. Í því felst
ákveðin hugarfarsbreyting þar
sem áherslan er á að rekstur sé
í samræmi við lög og reglur og
góða stjórnarhætti. Við leggjum
áherslu á að koma inn snemma
hjá fyrirtækjum og sjá til þess
að hlutirnir séu í lagi hjá þeim
til framtíðar frekar en að þau
þurfi að leita til okkar eftir
að þau lenda í vandræðum
með tilheyrandi kostnaði og
erfiðleikum.“
stærri og sérhæfðari stofur
Örn segir miklar breytingar
hafa orðið á markaðnum.
Viðskiptavinir færa sig frá
litlum lögmannsstofum yfir
í stærri og sérhæfðari stofur.
„Stærri fyrirtæki landsins
krefjast þess að verkefnin
séu leyst af sérfræðingum á
viðkomandi sviði. Það kallar
á að stofurnar séu stórar og
búi að víðtækari þekkingu.
Það hefur einnig sín áhrif
að skráningar á markaði eru
komn ar á svolítinn rekspöl og
þá er mikilvægt að hyggja að
því að fyrirtækin hafi allt sitt á
hreinu. Þar munu lögfræðingar
gegna miklu hlutverki á næstu
misserum og árum.“
„við vinnum mikið í úttektum á félögum, t.d. með hliðsjón af samkeppnisrétti, og skoðum stjórnar-
hætti hjá fyrirtækjum sem vilja bæta verkferla og tryggja að rekstur þeirra sé í samræmi við lög og reglur,“
segir Örn Gunnarsson, faglegur framkvæmdastjóri LEX lögmannsstofu.
texti maría ólafsdóttir / /mynd: geir ólafsson
„markaðurinn er að ná
jafnvægi og búast má við
meiri samkeppni á næstu
mánuðum og árum.“
leX lögmannsstofa
örn gunnarsson, faglegur fram kvæmdastjóri LEX lögmannsstofu.