Frjáls verslun - 01.11.2013, Blaðsíða 39

FRJÁLS VERSLUN 11. 2013 39
Thomas Möller segir að það sé mikil spurn eftir ráð um í tímastjórnun enda
hafi nýlegar kannanir sýnt að
fólk á Vesturlöndum hafi meiri
þörf fyrir meiri tíma en meiri
peninga. Flestir stjórnendur
kvarta undan tímaskorti og
stans lausu áreiti allan daginn.
„Tíma stjórnunarnámskeið eru
með vinsælasta kennsluefni í
heiminum í dag og mikill fjöldi
bóka um þetta svið kemur út á
hverju ári. Ljóst er að tímaskortur
hrjáir flesta Vesturlandabúa.
Þetta var ekki vandamál hjá
for feðrum okkar þegar þeir voru
veiðimenn og safnarar sem
vöknuðu þegar þeir voru útsofn­
ir, fóru til veiða þegar þeir voru
svangir og elduðu síðan matinn
yfir opnum eldi. Þeir fóru síðan
að sofa þegar þeir voru syfjaðir.
Þá voru engar klukkur, engin
tímamæling, engin tímaþröng
eða tímapressa. Skilin milli vinnu
og einkalífs í sveitum Íslands
fram á síðustu öld voru lítil sem
engin og allir unnu þar sem þeir
bjuggu. Bændur voru flestir sjálf­
bærir hvað varðar matargerð,
fatnað, verkfæri og húsaskjól.
Mannfræðingar segja að
forfeður okkar, sem á steinöld
unnu þrjá tíma á dag, hafi
verið hamingjusamari en
nútímamaðurinn. Svo tölum við
um það sem framfarir þegar
vinnuvikan fór undir 40 klukku ­
stundir,“ sagði Thomas og fór
að undirbúa næsta tímastjórn­
unarnámskeið sem var þegar
fullbókað.
THoMaS MöLLeR
– framkvæmdastjóri Rýmis
STJÓRNUN
ÁÁ árinu sem er að líða höfum við séð tals­verðar sviptingar á
aug lýsinga mark aðnum. Stór
fyrirtæki hafa flutt sig á milli
auglýsingastofa og við höfum
séð talsvert af nýju mark ­
aðs efni. Sjóvá gerði vel með
aug lýsingu með kett inum og
hefur fengið alþjóðlega viður ­
kenningu fyrir þá skemmtilega
auglýsingu. VÍS sýndi okkur
skemmtilegar og sannar
sögur og í kosningunum í vor
sást hluti af því besta og því
versta sem árið bauð upp á.
Fyrirtækja svið Landsbank­
ans heldur áfram að nota
skemmti lega grafík í sínu efni
og síma fyrir tækin halda áfram
að vera skemmtileg, hvert á
sinn hátt. Á næsta ári heldur
áfram sú þróun sem við höfum
séð, sem er niðurbrot á þeim
miðlum sem fyrirtæki nota
til að ná til markhópa sinna.
Google Ads, leitarvélabestun,
samfélags miðlar,
Pinterest, Twitter, aug ­
lýs ingar í smáforritum
fyrir síma og ýmsir
fleiri miðlar verða enn
meira notaðir á næstu
árum. Það er ákveðin
áskorun fyrir fyrirtæki
að ná tökum á því að
nýta sér þessa nýju
fjölmiðlaflóru – en
samt mun það ekki
breytast að fyrirtæki þurfa
alltaf að vinna heimavinnuna;
markhópagreiningu, aðgrein­
ingu og staðfærslu.“
Þurfa alltaf að vinna
heimavinnuna
ÁSMuNduR HeLGaSoN
– markaðsfræð ingur hjá dynamo
AUGLÝSINGAR
Það eru líklega ekki margir sem þekkja fyrirtækið þar sem reynsluboltinn Irene
Rosenfeld heldur um taum ­
ana, Mondelez International.
Enda skiptir það ekki öllu máli,
meiru varðar að geta komist í
fram leiðsluvörur fyrirtækisins;
Toblerone, Cadbury, Stimorol,
Tuc, LU og Orio svo fátt eitt
sé talið. Irene hefur ekki setið
auð um höndum frá því að hún
var ráðin forstjóri árið 2006
þegar fyrirtækið bar nafnið Kraft
Foods. Rekstrareiningar hafa
verið keyptar og seldar og hátt
bar kaup á breska nammi ­
fyrir tækinu Cadbury. Irene lét
sér hvergi bregða þó að einn
stærsti hluthafi Kraft á þeim
tíma, Berkshire Hathaway undir
forystu Warrens Buffetts og
Charlies Mungers, sæi ofsjón ­
um yfir því verði sem boðið var
í Cadbury. Hún og stjórn fyrir ­
tækisins hélt sínu striki, hlustaði
ekki á nískupúkana, og verðið
var jafnvel hækkað til að bræða
Tjallann. Yfirtakan var á sínum
tíma stærsta skrefið í þriggja
ára ætlun Irene um að auka
arð semi og umsvif fyrirtækisins.
Í fyrra dró svo aftur til tíðinda
þegar fyrirtækinu var skipt upp.
Annars vegar drykkjarvörur og
matvörur af ýmsu tagi undir
merkjum Kraft Foods … Group.
Hins vegar gotterí, kex, tyggjó
og fleira undir merkjum Mondel­
ez International. Nýja nafnið var
sótt í smiðju starfsmanna. Til
Gaulverja var náð í „Monde“,
sem þýðir heimur, og splæst
saman við það „delez“ sem er
afbrigði af ljúffengur.
Irene er sögð hafa verið bóka­
ormur alla sína tíð. Hún er með
próf í sálfræði og viðskiptafræði
auk doktorsgráðu í markaðs­
fræði og tölfræði. Allur námsfer­
illinn var við Cornell­háskóla í
Íþöku en á þeim bæ var a.m.k.
ekki skortur á íslenskum bókum
en þar er Fiske­bókasafnið
til húsa. Engum sögum fer af
því að íslenskar bækur hafi
borið fyrir augu Irene en hún
tengist e.t.v. mörlandanum með
óbeinum hætti þegar hann fyllir
nammibari matvöruverslana.“
LoFTuR ÓLaFSSoN
– sjóðstjóri hjá Sameinaða lífeyrissjóðnum
ERLENDI
FORSTJÓRINN
Ljúffengi heimurinn hf.
Framfarir með 40 tíma
vinnuviku?
Kötturinn Jói í auglýsingu Sjóvár.