Víkurfréttir - 11.10.2012, Side 4

fimmtudagurinn 11. október 2012 • VÍKURFRÉTTIR4
hilmar bragi bárðarsonvf.is
Víkurfréttir ehf., kt. 710183-0319
Krossmóa 4, 4. hæð, 260 Reykjanesbæ, sími 421 0000
Páll Ketilsson, sími 421 0004, pket@vf.is
Hilmar Bragi Bárðarson, sími 421 0002, hilmar@vf.is
Eyþór Sæmundsson, sími 421 0002, eythor@vf.is
Sigfús Aðalsteinsson, sími 421 0001, fusi@vf.is
Víkurfréttir ehf.
Þórgunnur Sigurjónsdóttir, sími 421 0006, thorgunnur@vf.is
Þorsteinn Kristinsson, steini@vf.is, sími 421 0006
Rut Ragnarsdóttir, sími 421 0000, rut@vf.is
og Aldís Jónsdóttir, sími 421 0000, aldis@vf.is
Landsprent
9000 eintök.
Íslandspóstur
www.vf.is, m.vf.is og kylfingur.is
Útgefandi:
afgreiðsla og ritstjórn:
ritstjóri og ábm.:
fréttastjóri:
blaðamaður:
auglýsingadeild:
umbrot og hönnun:
auglýsingagerð:
afgreiðsla:
Prentvinnsla:
uPPlag:
dreifing:
dagleg stafræn Útgáfa:
RITSTJÓRN
RITSTJÓRNARBRÉF
Tekið er á móti auglýsingum á póstfangið fusi@vf.is. Auglýsingar berist
fyrir kl. 17 á þriðjudegi fyrir útgáfudag sem er almennt á fimmtudögum.
Móttaka smáauglýsinga fer fram á vef Víkur-frétta, vf.is. Smáauglýsingar
berist fyrir kl. 15 á þriðjudögum. Sé fimmtudagur frídagur þá kemur blaðið
út á miðvikudögum og þá færist skilafrestur auglýsinga fram um einn
sólarhring.
Efni til Víkurfrétta skal sendast á póstfangið vf@vf.is. Aðsendar greinar
birtast á vef Víkur-frétta, vf.is. Það er mat ritstjórnar hvaða aðsendu
greinar birtast í prentaðri útgáfu blaðsins. Ekki er greitt fyrir aðsent efni,
texta eða myndir, hvort sem það birtist í blaðinu eða
á vefsíðum Víkurfrétta.
Hlúa þarf vel að mannauðnum
Dregið hefur meira úr at-
vinnuleysi á Suðurnesjum en
á öðrum landsvæðum en er
sem fyrr langmest á Suður-
nesjum. Í maí 2012 mældist
atvinnuleysi á svæðinu 9,4%
en var 12,1% á sama tíma árið
2011. Á landinu öllu mælist
atvinnuleysi 5,6% en var 7,4%
á sama tíma árið 2011. Ein-
staklingar á Suðurnesjum
yngri en 30 ára eru 39% af þeim sem eru
á atvinnuleysisskrá. Hlutfall heimila í van-
skilum er hæst á Suðurnesjum en rúmlega
16% íbúa á Suðurnesjum yfir 18 ára aldri
eiga í alvarlegum vanskilum. Næst á eftir
Suðurnesjum kemur Suðurland með 9,7%
og höfuðborgarsvæðið með 9,5%. Hlutfall
íbúa sem fá ráðgjöf eða fara í greiðsluað-
lögun hjá Umboðsmanni skuldara er hæst
á Suðurnesjum samanborið við landið
allt.
Upplýsingarnar hér að ofan koma fram
í áfangaskýrslu Suðurnesjavaktarinnar
sem nýverið hefur verið gefin út. Víkur-
fréttir gera efni skýrslunnar ítarleg skil
í sérstökum 4 síðna blaðauka
sem fylgir blaðinu í dag. Suður-
nesjavaktina skipar samstarfs-
hópur, sem er fjölbreyttur
hópur lykilfólks á Suður-
nesjum þar á meðal allir félags-
málastjórar svæðisins, fulltrúar
frá verkalýðshreyfingunni og
Rauða krossinum og fulltrúar
sex ríkisstofnana, fulltrúi kirkj-
unnar og skólameistari Fjöl-
brautaskóla Suðurnesja. Suðurnesjavaktin
er óháður greiningar- og álitsgjafi sem
leggur fram tillögur til stjórnvalda og
hagsmunasamtaka og fylgir þeim eftir.
Verkefnisstjóri Suðurnesjavaktarinnar er
Lovísa Lilliendahl. Aðspurð í viðtali Vík-
urfrétta hvað beri helst að leggja áherslu
á á Suðurnesjum m.v. niðurstöðu skýrsl-
unnar, segir hún:
„Við teljum mikilvægt að þeir einstaklingar
sem eiga í hvað mestum erfiðleikum sæki
sér aðstoð fyrr en síðar og fái þann stuðn-
ing sem þeir þurfa. Það skiptir svo miklu
máli sérstaklega fyrir atvinnuleitendur að
halda sér í virkni þar til vinnan býðst, sem
hún mun á endanum gera. Það þarf að
styðja betur við atvinnustarfsemi á svæð-
inu og búa vel í haginn fyrir stofnun nýrra
fyrirtækja. Í skýrslunni kemur einnig
fram að menntunarstig einstaklinga á
Suðurnesjum er lægra en annars staðar á
landinu. Í nýlegri könnun Capacent Gal-
lup kom fram að viðhorf til menntunar
á Suðurnesjum er mjög jákvætt og við
þurfum að vera duglegri að nýta okkur
námstækifærin og það er einnig hlutverk
okkar foreldranna að hvetja börnin okkar
til frekara náms. Það er einnig mikilvægt
að starfsfólk í velferðarþjónustu fái góðan
stuðning og sé í góðum tengslum við hvert
annað því það gerir vinnuna auðveldari
og fólkið nýtur góðs af. Suðurnesjavaktin
stóð meðal annars fyrir starfsdegi fyrir
fólk í velferðarþjónustu á síðasta ári sem
tókst einstaklega vel og þar kom vel í ljós
hve frábært starfsfólk við höfum hérna
á svæðinu við að sinna þessum málum.
Þannig að við teljum að það þurfi að hlúa
vel að mannauðnum á svæðinu á meðan
við göngum í gegnum þetta erfiða tíma-
bil“.
Mikilvægi samvinnu
Í störfum okkar hjá Fjölbrautaskóla Suðurnesja
(FS) fengum við haustið 2009 tækifæri til að
taka þátt í tveggja ára Evrópuverkefni sem styrkt
var af Leonardo menntaáætlun Evrópusam-
bandsins. Forsagan að því var sú að FS hafði
fengið Guðrúnu Pétursdóttur, framkvæmda-
stjóra Intercultural Iceland (ICI) og sérfræðing
í fjölmenningarlegri kennslu, til að halda er-
indi og síðan námskeið um fjölmenningarlegar
kennsluaðferðir fyrir kennara skólans. Guðrún
hefur haldið slík námskeið í mörgum grunn-
skólum víða um land og fyrir erlenda kennara
sem koma hingað gagngert til að sækja nám-
skeiðin, en FS var fyrsti framhaldsskólinn á
landinu sem bauð sínum kennurum upp á það.
Í kjölfar samstarfsins í kringum námskeiðið
bauð Guðrún tveimur fulltrúum skólans að
vera með í verkefninu en ICI var einn af þátt-
takendunum.
Í verkefninu tóku þátt auk Íslands skólar og
menntastofnanir í Belgíu, Finnlandi, Frakk-
landi, Skotlandi og Tyrklandi. Brottfall nemenda
úr námi er vandamál í öllum þessum löndum
sem og annars staðar í heiminum, ekki síst hér
á Íslandi. Markmið verkefnisins var að finna
leiðir til að draga úr brottfalli, með áherslu á
starfsnám. Á því tveggja ára tímabili sem verk-
efnið stóð yfir heimsóttu þátttakendur skóla
og tengdar stofnanir í löndunum sex þar sem
þátttakendur miðluðu fjölbreyttum leiðum til
að draga úr brottfalli nemenda. Margar áhuga-
verðar leiðir voru kynntar. Afrakstur verkefnis-
ins var í formi heimasíðu (http://serve.wikidot.
com/) þar sem kennarar, náms- og starfsráð-
gjafar, skólastjórnendur og jafnvel foreldrar geta
fengið leiðbeiningar við að greina nemendur
í brottfallshættu, lista yfir mögulegar ástæður
brottfallsins og hugmyndir að lausnum.
Það sem vakti helst athygli undirritaðra í þeim
skólaheimsóknum sem fylgdu verkefninu voru
námsleiðir sem settar höfðu verið upp fyrir ein-
staklinga sem hætt höfðu í skóla en sneru aftur
einhverju síðar, ýmist eftir veru á vinnumarkaði
eða í atvinnuleit. Í Frakklandi og Belgíu er verið
að gera mjög áhugaverða hluti fyrir unglinga í
brottfallshættu. Áhersla er lögð á sjálfsstyrkingu,
verklega kennslu, listir og útiveru sem dæmi til
að koma til móts við nemendur þar sem þeir eru
staddir og hjálpa þeim að efla sjálfstraust, byggja
sig upp og ná árangri. Í Bolu í Tyrklandi er boðið
upp á verknám fyrir einstaklinga á öllum aldri
sem starfa við einhvers konar iðn en hafa hætt
í skóla og því ekki lokið neinu prófi. Námið
er stundað samhliða vinnu og á 5 árum geta
nemendur lokið iðnmeistaraprófi. Í tengslum
við framhaldsskólann Winnova í Finnlandi er
úrræði í boði fyrir atvinnuleitendur sem felur í
sér verknám og ráðgjöf með mikilli persónulegri
aðstoð í nokkurs konar vinnusmiðjum. Þetta
hefur reynst góður stökkpallur frá því að vera
atvinnulaus til lengri tíma og að fara aftur út á
vinnumarkaðinn eða í nám. Í framhaldsskóla í
Arbroath í Skotlandi var lögð áhersla á að að-
búnaður nemenda væri góður og að nemendum
liði vel í skólanum. Jákvæð skilaboð blöstu við
nemendum á veggjum og borðum skólans í stað
boða og banna. Einnig var áhugavert að Skot-
arnir notuðu orðin student retention í jákvæðu
merkingunni að halda í nemendur, í stað orðsins
brottfall sem við erum vön hér á landi og venju-
lega er notað í neikvæðri merkingu. Áherslan
er lögð á að halda sem flestum nemendum í
skóla og að hafa hlutfall þeirra sem halda áfram
og ljúka námi sem hæst, í stað þess að tala um
fjölda þeirra sem hætta. Markmiðið er alltaf að
halda sem flestum nemendum í námi.
Í Fjölbrautaskóla Suðurnesja er sífellt verið að
leita leiða til að koma til móts við alla nemendur
með námi við hæfi og að draga úr brottfalli
þeirra. Eitt af því sem við tókum með okkur
úr heimsókninni frá Skotlandi var notkun Fa-
cebook við kennslu. Síðastliðið haust fengum
við kennara frá Skotlandi sem hefur verið að
nota Facebook til að halda kynningu fyrir kenn-
ara FS auk þess sem öllum grunnskólakenn-
urum á Suðurnesjum var boðið að koma. Nú
hafa nokkrir kennarar í FS notað Facebook í
sinni kennslu í skemmri eða lengri tíma. Fyrstu
vísbendingar gefa til kynna að árangurinn sé
góður. Sem dæmi hafa samskipti batnað og
utanumhald um nemendur aukist með notkun
Facebook, sérstaklega í krefjandi hópum.
Samvinna og tengsl skóla hér á landi við mennta-
stofnanir erlendis hefur miðað við okkar reynslu
aðeins jákvæð áhrif á skólastarfið. Víðsýni bæði
starfsfólks og nemenda eykst, nýjar hugmyndir
kvikna og nýjar aðferðir lærast. Allt stuðlar þetta
að fjölbreyttari kennsluháttum og skemmtilegri
skóla.
Guðmundur Grétar Karlsson, kenn-
ari við Fjölbrautaskóla Suðurnesja
Hanna María Kristjánsdóttir, verkefnis-
stjóri um eflingu menntunar á Suðurnesjum
Lífi
ð
Sigrún María kom
færandi hendi
Sigrún María á deildinni Múla á leikskólanum Laut í
Grindavík kom með kartöflur,
gulrætur og rófur og færði leik-
skólanum að gjöf á dögunum.
Uppskeran var svo mikil hjá
fjölskyldu hennar að hún ákvað
að láta Laut njóta góðs af. Sig-
rún María færði henni Beggu
kokki krásirnar sem eldaði
dýrindis máltíð fyrir krakkana.
Á meðfylgjandi mynd er Sigrún
María með grænmetið góða.
Með 29 ketti
á heimilinu
Lögreglan á Suðurnesjum heimsótti nýverið heimili í
umdæminu í kjölfar þess að kvart-
anir höfðu borist vegna hunda- og
kattahalds þar og óþrifnaðar sem
af dýrahaldinu hlytist. Þegar inn
var komið reyndist þar fyrir fjöldi
katta, tveir hundar og þrír páfa-
gaukar í búri. Gaukarnir höfðu
eitt herbergi út af fyrir sig.
Lögreglumaður reyndi að kasta
tölu á kettina, en þegar hann var
kominn upp í 22 stykki bættust
fleiri kettir við og blönduðust við
þá ketti sem búið var að telja.
Húsráðandi kvaðst vera með 29
ketti, fimmtán sem hann ætti sjálfur
og aðra fjórtán sem væru í pössun.
Innan mánaðar yrði kattahaldið
komið í annað og umfangsminna
horf, pössunarkettirnir farnir og
heimiliskettirnir yrðu ekki fleiri en
sjö talsins.
Lögregla hefur tilkynnt málið til
Heilbrigðiseftirlits Suðurnesja.