Bæjarins besta - 29.03.2007, Side 2

FIMMTUDAGUR 29. MARS 20072
Þennan dag árið1947 hófst Heklugos en þá voru nær 102
ár síðan síðast gaus. Gosmökkurinn náði upp í 30 km hæð
og aska barst til Bretlandseyja og jafnvel til Finnlands.
Gosið stóð fram í apríl 1948.
Dagurinn í dag
29. mars 2007 – 88. dagur ársins
Byggðalögin þola ekki lækkun á aflareglu
Guðmundur Halldórs-
son, fyrrverandi formaður
smábátafélagsins Eldingar,
segir að smærri byggðalög
á Vestfjörðum muni ekki
þola að aflaregla á þorski
verði færð niður úr 25% í
22%, líkt og Hafrannsókna-
stofnun lagði til síðasta
sumar. Segir hann þetta
jafngilda ríflega 50 þúsund
tonna niðurskurði á lands-
vísu að verðmæti 130 millj-
örðum. Þá reiknast honum
til að í Bolungarvík einni
saman jafngildi þetta niður-
skurði um 1.150 tonn af þorski
að verðmæti tæpum þremur
milljörðum. Tapað aflaverð-
mæti á ári væri þá um 230
milljónir.
„Byggðalögin þola þetta
ekki“, segir Guðmundur. „Þetta
er gert til verndar þorskinum.
Ég er ekki að segja að við
þurfum ekki niðurskurð, en
kvótakerfið leyfir ekki niður-
skurð því þá hrynja byggða-
lögin.“
Þá segist Guðmundur hrædd-
ur um að þetta náist í gegn því
hann gruni að stóru útgerðirn-
ar muni taka undir þessa breyt-
ingu. Hafrannsóknastofnun
lagði til áðurnefnda lækkun í
skýrslu sinni um nytjastofna
og aflahorfur sem kom út síð-
asta sumar. Á síðasta aðal-
fundi LÍÚ sagði sjávarútvegs-
ráðherra, Einar K. Guðfinns-
son, að ráðgjöfin í skýrslunni
hefði valdið honum vonbrigð-
um, en að hann hygðist ekki
lækka veiðihlutfallið í þorski
frá þeim 25% sem nú gildir. Bolungarvíkurhöfn.
Fjölmenni sótti opnun ráðstefnunnar.
Ráðstefna og íbúaþing um innflytjendamál
Alþjóðleg ráðstefna um inn-
flytjendamál sem ber heitið
Innflytjendur – Hvalreki eða
ógn fyrir samfélögin á lands-
byggðinni, var sett á Ísafirði á
mánudag. Ráðstefnuna opn-
uðu Elsa Arnardóttir, for-
stöðukona Fjölmennningar-
seturs Íslands og Halldór Hall-
dórsson, bæjarstjóri Ísafjarð-
arbæjar. Á mánudag tóku til
máls Philomena de Lima og
David Bruce en erindi þeirra
fjölluðu um aðlögun innflytj-
enda í dreifbýlum samfélög-
um og hvernig skapa skal opið
samfélag. Þá voru þeir Einar
K Guðfinnsson, sjávarútvegs-
ráðherra og Alp Mehmet,
breskur sendiherra með stutt
innlegg. Á þriðjudag voru
haldnir sex fyrirlestrar auk
þess sem fjallað var um hlut-
verk og ábyrgð stjórnvalda í
móttöku og þáttöku innflytj-
enda í samfélaginu.
Síðasti dagur ráðstefnunnar
var í gær en þá var fjallað um
hvernig skapa skal samfélag
sem býður alla velkomna. Þá
flutti Wolfgang Bosswick fyr-
irlestur um staðbundna stefnu-
mótun varðandi aðlögun inn-
flytjenda.
Einar Kristinn segir að það
sé hagur allra að taka vel á
móti innflytjendum, en í því
felist m.a. að bæta túlkaþjón-
ustu og íslenskukennslu fyrir
útlendinga. Í ræðu sinni sagði
Einar Kristinn m.a. að Íslend-
ingar eigi að vera mun betur í
stakk búnir en margar aðrar
þjóðir að taka vel á móti fólki
frá öðrum löndum. „Fólki sem
kemur hingað til að vinna með
okkur, halda hagkerfinu gang-
andi með okkur, hraða fram-
þróun okkar – og fólki sem
auðgar menningu okkar og
mannlíf svo um munar. Við
hljótum að fagna komu þess
og leggja okkur fram um að
standa vel að móttöku þess,
hvort sem það kemur til lengri
eða skemmri dvalar. Það er
hagur okkar allra.“
Þá fór Einar Kristinn yfir
hvað felst í því að taka vel á
móti fólki frá öðrum löndum
og nefndi að sérstaklega þurfi
að huga að upplýsingagjöf,
túlkaþjónustu, vinnumarkaðs-
málum, auknum rannsóknum
á högum innflytjenda og síð-
ast en ekki síst íslenskukenn-
slunni eins og starfstengd ís-
lenskunámskeið fyrir erlenda
starfsmenn í fiskvinnslu á Ís-
landi beri með sér. Jafnframt
þurfi að gera ákveðnar kröfur
til innflytjenda, sem feli m.a.
í sér að gefa ekki eftir grund-
vallaratriði vestrænna lýðræð-
issamfélaga, um lýðræði,
mannréttindi, jafnræði kynj-
anna, frjálslyndi og önnur slík
vestræn lífsgildi. – tinna@bb.is
Einar Kristinn Guðfinnsson, sjávarútvegsráðherra var á meðal ráðstefnugesta.
MÍ stigahæsti skólinn í trésmíði
Menntaskólinn á Ísafirði var stigahæsti skólinn í trésmíðum á Íslandsmóti iðnnema sem fram fór í Kringl-
unni sl. föstudag. Einar Birkir Sveinbjörnsson frá MÍ bar sigur úr býtum í flokknum og Birgir Fannar
Pétursson var í öðru sæti. Sveinn Smárason frá Fjölbrautarskóla Norðurlands vestra var í þriðja sæti. Fjórir
keppendur fóru fyrir hönd MÍ til keppni á mótinu og voru þar þessir tveir trésmíðanemar og einnig tveir
nemar í stálsmíði.Þetta er í fyrsta sinn sem trésmíðadeild MÍ tekur þátt á Íslandsmóti iðnnema. 20 iðn-
nemar tóku þátt í flokki trésmíða frá þeim 10 skólum er kenna hana hér á landi. Keppendur í stálsmíði
voru 16 talsins Á mótinu kepptu nemendur í 11 iðngreinum, en í keppninni tóku þátt 75 nemendur.