Bæjarins besta - 29.03.2007, Page 15

FIMMTUDAGUR 29. MARS 2007 15
Ný sjúkrabifreið
Slökkvilið Ísafjarðarbæjar hefur fengið nýja sjúkrabifreið
til afnota. Bifreiðin er af gerðinni Bens Sprinter, árgerð 2007
og flutt inn af bílaumboðinu Öskju. Breytingar á bílnum
voru gerðar af Sigurjóni Magnússyni á Ólafsfirði, en fyrirtæki
hans sérhæfir sig í breytingum á sjúkra- og slökkvibílum.
Þorbjörn Sveinsson, slökkviliðsstjóri, sótti bifreiðina í
síðustu viku og var lokið við að gera bílinn útkallshæfan fyr-
ir helgina. Á heimasíðu slökkviliðsins segir að við fyrstu
sýn virðist bíllinn vel heppnaður og von slökkviliðsmanna
er sú að hann eigi eftir að reynast vel. – tinna@bb.is
Nýr sjúkrabíll Slökkviliðs Ísafjarðarbæjar.
Mynd: slokkvilid.isafjordur.is.
Frjálslyndi flokkurinn hefur
ákveðið skipan framboðslista
síns í alþingiskosningunum
12. maí næstkomandi. Fyrir
listanum fer Guðjón Arnar
Kristjánsson, alþingismaður
og formaður flokksins, en
annað sætið vermir Kristinn
H. Gunnarsson, alþingismað-
ur, sem gekk nýlega til liðs
við Frjálslynda flokkinn eftir
að hann yfirgaf Framsóknar-
flokkinn. Í síðustu alþingis-
kosningum fékk flokkurinn
tvo menn inn, þá Guðjón Arn-
ar og Sigurjón Þórðarson. Sig-
urjón býður sig nú fram í
Norðausturkjördæmi. Þá ber
að geta þess að Kristinn bauð
sig einnig fram í Norðvestur-
kjördæmi síðast, en fór þá inn
sem annar maður Framsókn-
arflokks, á eftir Magnúsi Stef-
ánssyni, félagsmálaráðherra.
Listi Frjálslynda flokksins
fyrir Norðvesturkjördæmi í al-
þingiskosningum er sem hér
segir:
1. Guðjón Arnar Kristjáns-
son, alþingismaður. Ísafirði.
2. Kristinn H. Gunnarsson,
alþingismaður. Bolungarvík.
3. Þórunn Kolbeins Matt-
híasdóttir, menntunarfræðing-
ur og ráðgjafi Akranesi.
4. Ragnheiður Ólafsdóttir,
öryrki og og listamaður Akra-
nesi.
5. Anna Margrét Guðbrands-
dóttir, heilbrigðis- og að-
hlynningarstarfsmaður við
Heilbrigðisstofnunina á Sauð-
árkróki.
6. Guðmundur Björn Haga-
línsson, bóndi og formaður
eldri borgara í Önundarfirði,
Flateyri.
7. Brynja Úlfarsdóttir, stuðn-
ingsfulltrúi, Ólafsvík.
8. Helgi Helgason, bóndi.
Borgarfirði.
9. Gunnlaugur Guðmunds-
son, bóndi, Söndum Miðfirði
Húnaþingi Vestra.
10. Lýður Árnason, heil-
brigðisstarfsmaður, Bolung-
arvík.
11. Hanna Þrúður Þórðar-
dóttir, heimavinnandi hús-
móðir. Sauðárkróki.
12. Páll Jens Reynisson,
véla- og iðnaðarverkfræði-
nemi við HÍ. Hólmavík.
13. Sæmundur T. Halldórs-
son, verkamaður, Akranesi.
14. Dóróthea Guðrún Sig-
valdadóttir, verslunarrekandi,
Dalabyggð.
15. Þorsteinn Árnason, vél-
verkfræðingur, Andakílsár-
virkjun, Borgarfirði.
16. Þorsteinn Sigurjónsson,
bóndi, Reykjum Hrútafirði.
17. Rannveig Bjarnadóttir,
stuðningsfulltrúi, Akranesi.
18. Pétur Bjarnason, fram-
kvæmdastjóri og varaþing-
maður. – eirikur@bb.is
Framboðslisti Frjálslynda
flokksins í NV-kjördæmi
Fjórir efstu frambjóðendurnir á lista Frjálslynda flokksins í NV-kjördæmi.
Helgi Björns á Hótel Ísafirði
Hinn ástsæli ísfirski söngvari, Helgi Björnsson, heldur
tvenna tónleika á Hótel Ísafirði á Skíðavikunni. Tónleikarnir
verða að loknu borðhaldi að kvöldi skírdags og föstudagsins
langa. Í boði fyrir tónleikagesti er annars vegar 3ja rétta
matseðill auk tónleika á kr. 5000,- og hins vegar glæsilegt
ostahlaðborð og tónleikar á kr. 3.000,-. Byrjað er að taka
niður borðapantanir í síma 456 3360.
Djúpvegur endurbyggður að hluta
Vegagerðin óskar eftir tilboðum í að endurbyggja 10,08 km kafla
Djúpvegar í vestanverðum Ísafirði í Ísafjarðarsýslu. Verkið nær frá
slitlagsenda á Eyrarhlíð að slitlagsenda við Svörtukletta út undir
Svansvík í Súðavíkurhreppi. Verki skal að fullu lokið fyrir 1. nóv-
ember 2008. Skila skal tilboðum til Vegagerðarinnar Dagverðardal
á Ísafirði og Borgartúni 7 í Reykjavík, fyrir kl. 14 þriðjudaginn 3.
apríl 2007. Tilboðin verða opnuð þar kl. 14:15 sama dag.
Fimm mánaða fangelsi fyrir
skatta- og hegningarlagabrot
Héraðsdómur Vestfjarða
hefur dæmt karlmann í fimm
mánaða fangelsi fyrir skatta-
og hegningarlagabrot,en refs-
ingin var skilorðsbundin til
tveggja ára. Þá var manninum
gert að sök að hafa brotið lög
um virðisaukaskatt annars
vegar og um staðgreiðslu
opinberra gjalda hins vegar,
en hann var framkvæmda-
stjóri einkahlutafélags sem
tekið var til gjaldþrotaskipta
með úrskurði Héraðsdóms
Vestfjarða fyrir þremur árum.
Maðurinn stóð ekki sýslu-
manninum á Patreksfirði skil
á virðisaukaskatti, sem inn-
heimta bar í nafni einkahluta-
félagsins á árunum 2001 til
2004, því sem nemur tæpum
50 milljónum króna. Þá stóð
hann heldur ekki skil á stað-
greiðslu opinberra gjalda sem
haldið var eftir af launum
starfsmanna einkahlutafélags-
ins á árunum 2003 og 2004,
sem nemur rúmum 8 milljón-
um króna.
Ákærða var gert að greiða
70.000.000 króna sekt til rík-
issjóðs og komi tólf mánaða
fangelsi í stað sektarinnar
verði hún eigi greidd innan
fjögurra vikna frá birtingu
dómsins. Að auki þarf hann
að greiða þóknun verjanda
síns, sem hljóðar upp á krónur
311.250.
– thelma@bb.is