Bæjarins besta - 29.03.2007, Page 8

FIMMTUDAGUR 29. MARS 20078
STAKKUR SKRIFAR
Vísindaleg spámennska
Stakkur hefur
ritað vikulega pistla í
Bæjarins besta í mörg
ár. Skoðanir hans á
mönnum og málefn-
um hafa oft verið
umdeildar og vakið
umræður. Þær þurfa
alls ekki að fara
saman við skoðanir
útgefenda blaðsins.
Þrátt fyrir það bera
ábyrgðarmenn
blaðsins ábyrgð á
skrifum Stakks á
meðan hann notar
dulnefni sitt.
Fagna ber almennri og mikilli umræðu varðandi framtíð Vestfjarða og
úrræði sem duga ættu til að finna lausnir sem snúa myndu við þeirri stöðugu
og þrúgandi öfugþróun sem lýsir sér í því að íbúum fækkar og atvinna flyst
annað. Í síðustu viku var vakin athygli á því í Bæjarins besta að börnum í
yngstu aldursflokkum hefur fækkað um þriðjung nýliðinn áratug. Reyndar
hefur fækkað umtalsvert í öllum aldursþrepum sem ganga í skóla og taka
þátt í atvinnu fjórðungsins. Sú staðreynd kallar á nýja hugsun.
Nú blasa við miklar samgöngubætur, sem jafngilda milljónaframlagi á
hvern íbúa sem fyrst og fremst mun njóta jarðganga milli Bolungarvíkur og
Hnífsdals. Þeim ber að fagna. Enn fremur eru í sjónmáli gríðarlega úrbætur
í vegakerfi Ísafjarðardjúps með brúun tveggja fjarða. Fyrir áratugum hefði
sú lausn þótt óhugsandi, en þá hefði hún nýst íbúum sem bjuggu í Ísafjarðar-
djúpi, fyrst og fremst í Reykjarfjarðar-, Nauteyrar- og Ögurhreppum, en
jafnframt öllum íbúum við Djúpið. Nú verða þeir sem bera hag fólks á Vest-
fjörðum að leita allra leiða til þess að þessi nýju tækifæri í samgöngum
gagnist til víðfemari tilgangs en þess eins að aka milli Ísafjarðarbæjar og
nágrennis annars vegar og höfuborgarinnar og nágrennis hins vegar.
Móta þarf nýja framtíðarsýn. Hætta þarf stöðugum upphrópunum um
einhvers konar skyndilausnir. Þær eru ekki til. Hugsa þarf til snöggtum
lengri tíma, ekki eins áratugar heldur að minnsta kosti fimm. Þá kemur að
einföldu spurningunni. Hvert viljum við halda? Hvert liggur leiðin? Svör-
in við þessari afar beinu spurningu eru ekki alltaf mjög ljós. Enn fremur er
einkar brýnt að samræma góðar hugmyndir, en af þeim er mikil gnægt, því
sem er gerlegt. Hugdetta hversu góð sem hún sýnist er ekki nóg. Það verð-
ur að vera kleift að hrinda henni í framkvæmd til þess að hún sé einhvers
virði. Með þessum orðum er ekki verið að segja að menn skuli ekki láta
hugarflugið njóta sín. En það er ekki nóg sé ekki hægt að festa á því hend-
ur.
Í fyrsta lagi verðum við að móta með okkur hvað er æskilegt. Í öðru lagi
verður að ná samstöðu um það hvað sé gerlegt. Í þriðja lagi er afar áríðandi
að samstaða náist um það að hrinda í framkæmd því sem menn telja fram-
kvæmanlegt.
Í flóknu samfélagi nútímans er að mörgu að hyggja til þess að koma hug-
mynd í verk. Það er ekki einfalt ferli í þeim skilningi að slíkt gerist í einni
hendingu og án átaka. Hyggja þarf að tæknilegum atriðum sem og þeim er
snúa að fjármagni og lagalegu umhverfi. En fyrst og fremst þar að greina
tvennt á vísindalegan hátt, þá stöðu sem við erum í núna og hvernig hún
nýtist til þess að byggja undir þær lausnir sem við náum saman um. Á það
minnir okkur sú staðreynd að börnum hefur fækkað, sem mun hafa áhrif á
skólahald framtíðarinnar.
Skemmti- og hagyrðingakvöld á Flateyri
Í tilefni af því að 100 ár eru liðin frá fæðingu Guðmundar Inga Kristjánssonar skálds
frá Kirkjubóli í Bjarnardal í Önundarfirði verður efnt til skemmtunar með söngfuglum
og hagyrðingum í íþróttahúsinu á Flateyri 1. apríl kl. 20. Þar munu Bjarni Guð-
mundsson, karlakórinn Ernir og Siggi Björns flytja lög við ljóð Guðmundar Inga. Einnig
munu þekktir hagyrðingar láta gamminn geisa, en það eru þau: Jón Jens Kristjánsson,
Sigurður Sigurðarson, Snorri Sturluson, Helgi Björnsson og Bjargey Arnórsdóttir.
Veislustjórn verður í höndum Jóhannesar Kristjánssonar eftirhermu.
Styrkja Sólstafi um 120 þúsund
Sólstafir Vestfjarða, systursamtök Stígamóta á Vestfjörðum,
óskuðu á dögunum eftir styrk að upphæð 500 þúsund frá Ísa-
fjarðarbæ til að koma á fót ráðgjafaþjónustu fyrir þolendur kyn-
ferðisofbeldis. Bæjarráð fjallaði um erindið í febrúar og vísaði
því áfram til félagsmálanefndar sem samþykkti að veita Sólstöf-
um nokkuð lægri styrk en sótt var um, 120 þúsund krónur, sem
nýst gæti til tölvukaupa, að því er fram kemur í fundargerð.
Leiðin milli Reykjavíkur og Ísafjarð-
ar styttist um 40 km með nýjum vegi
Aðalleiðin milli Ísafjarðar
og Reykjavíkur styttist um
fjörutíu kílómetra með nýjum
vegi um Tröllatunguheiði,
sem lagður verður á næstu
tveimur árum. Tilboð í vega-
gerðina voru opnuð fyrir stuttu
og var lægsta boð upp á 660
milljónir króna. Nýi vegurinn
liggur milli Reykhólasveitar
og Steingrímsfjarðar og er
lengd útboðskaflans um 25
kílómetrar. Verkinu skal að
fullu lokið fyrir 1. september
2009. Lægsta boð átti Ingi-
leifur Jónsson, upp á tæpar
662 milljónir króna, sem var
76 prósent af kostnaðaráætl-
un. Þar á eftir komu Klæðning
og KNH verktakar en hæsta
boð átti Ístak, sem bauð um
880 milljónir en kostnaðar-
áætlun var upp á 865 milljónir.
Ljóst er að áhrif þessarar
vegagerðar verða víðtækari en
margur gæti ætlað við fyrstu
sýn. Við opnun vegarins má
gera ráð fyrir að sú Vestfjarða-
umferð sem nú fer um Holta-
vörðuheiði og Strandir muni
færast að mestu yfir á nýja
veginn, enda er þessi leið um
40 kílómetrum styttri. Hólma-
vík yrði eftir sem áður í vegar-
sambandi við Ísafjarðarum-
ferðina en í stað þess að hún
fari um Hrútafjörð mun hún
fara um Bröttubrekku, Búðar-
dal og Gilsfjörð. Þannig mun
nýi vegurinn ekki aðeins efla
samskipti milli Hólmavíkur
og Reykhólasveitar heldur
sennilega skapa Dalamönnum
fleiri störf við að þjónusta þá
auknu bílaumferð, sem fara
mun í gegn hjá þeim.
Nýi vegurinn liggur milli
Reykhólasveitar og Stein-
grímsfjarðar og er lengd út-
boðskaflans um 25 kílómetrar.
Verkinu skal að fullu lokið
fyrir 1. september 2009. Læg-
sta boð átti Ingileifur Jónsson,
upp á tæpar 662 milljónir
króna, sem var 76 prósent af
kostnaðaráætlun. Þar á eftir
komu Klæðning og KNH
verktakar en hæsta boð átti
Ístak, sem bauð um 880 millj-
ónir en kostnaðaráætlun var
upp á 865 milljónir. Ljóst er
að áhrif þessarar vegagerðar
verða víðtækari en margur
gæti ætlað við fyrstu sýn.
Við opnun vegarins má gera
ráð fyrir að sú Vestfjarðaum-
ferð sem nú fer um Holta-
vörðuheiði og Strandir muni
færast að mestu yfir á nýja
veginn, enda er þessi leið um
40 kílómetrum styttri. Hólma-
vík yrði eftir sem áður í veg-
arsambandi við Ísafjarðarum-
ferðina en í stað þess að hún
fari um Hrútafjörð mun hún
fara um Bröttubrekku, Búðar-
dal og Gilsfjörð. Þannig mun
nýi vegurinn ekki aðeins efla
samskipti milli Hólmavíkur
og Reykhólasveitar heldur
sennilega skapa Dalamönnum
fleiri störf við að þjónusta þá
auknu bílaumferð, sem fara
mun í gegn hjá þeim.
Hrörnun Vatnsfjarðar-
vegar um Reykjanes
Einbreiðar brýr hafa orðið mörgum góðum
drengnum að fjörtjóni í gegnum tíðina.
Vatnsfjarðarvegur 633 um
Reykjanes hefur löngum þótt
landsmönnum til lítillar prýði.
Um þennan veg fara þó stærst-
ur hluti þeirra vara sem Vest-
firðingar nota. Vörubílar, sem
telja tugi tonna hver, mylja
undan sér troðna slóða sem
fyllast af holum, en þeir fara
fjöldamargir um þessa vegi á
degi hverjum, og þó áhrif
fólksbílaumferðar sé umtals-
vert minni þá hefur hún einnig
sitt að segja.
Slóðarnir eru vart nema um
5 metrar á breidd og þó er
ætlast til að tveir vörubílar
sem eru 2,5 metrar á breidd
og með hliðarspegla upp á 30
cm, geti mæst á þessum stíg-
um. Það er kannski kraftaverki
líkast að vegurinn um Ísafjarð-
ardjúp sé ekki ein einasta eilíf
umferðarteppa ofan á allt ann-
að, og líklega má þar þakka
vöskum og útsjónarsömum
bílstjórunum.
Ljósmyndari bb.is átti á
dögunum leið um Ísafjarðar-
djúp og tók meðfylgjandi
myndir af veginum um Reyk-
janes, Vatnsfjarðarveg 633.
Eins og sjá má er Vestfjarðavegur 633 um Reykjanes vart neitt nema holurnar.