Bæjarins besta - 29.03.2007, Page 3

FIMMTUDAGUR 29. MARS 2007 3
Háskóli unga fólksins og sumarháskóli í
fuglaskoðun á vegum Háskólasetursins
Háskólasetur Vestfjarða býð-
ur upp á sumarháskóla í ár líkt
og sl. sumar. Meðal þess sem
verður boðið upp á í ár er Há-
skóli unga fólksins, en í júní-
mánuði býðst unglingum
fæddum 1991-95 að sækja
fjölda stuttra námskeiða þar
sem kennarar á háskólastigi
fjalla um heima og geima.
Hver nemandi getur tekið allt
að sex námskeið og lýkur há-
skólanum með brautskráning-
arhátíð. Námskeið sem ungl-
ingarnir geta tekið eru: Vís-
indavefurinn, leiklistarfræði,
snjóflóðafræði, fiskeldisrann-
sóknir, verkfræði, stjórnmála-
fræði, afbrotafræði, umhverf-
isfræði, skipulagsfræði, lög-
fræði og læknisfræði.
Háskólasetrið býður einnig
upp á sumarháskóli í fugla-
skoðun, en það er námskeið í
fuglafræði í samvinnu við
Náttúrustofu Vestfjarða og
með aðstoð Háskólaseturs HÍ
á Snæfellsnesi og fer það fram
við Látrabjarg. Með þessu vill
Háskólasetur Vestfjarða gefa
námsmönnum og almenningi
tækifæri til að taka feltnám-
skeið við eitt mesta fuglabjarg
landsins, en það er námskeið
þar sem farið er á staðinn í
stað þess að vinna að rann-
sóknum í skólastofu til að
mynda.
Á námskeiðinu verður fjall-
að um atferlisrannsóknir á
fuglum; skilgreiningar á at-
ferlisgerðum og ákvörðun á
röðum atferlisgerða, tíma-
mælingar á atferlisgerðum á
móti punktmælingum á gerð-
um. Fjallað verður atferlis-
gerðir miðað við stöðu ein-
staklings, samskipti einstakl-
inga; para á hreiðurstað og
geldfugla. Einnig verður fjall-
að um tímanotkun fugla á
hreiðri. Fjallað verður um
fuglamerkingar. Farið verður
yfir tilgang og sögu merkinga,
helstu gerðir af merkingum
frá hefðbundnum málmmerkj-
um upp í gervihnattasenda og
gps-senda. Þá verður greint
frá aðferðum til að veiða fugla
til merkinga, helstu mæling-
um og aldursgreiningum á
fuglum ásamt tilgangi mæl-
inganna.
Þá verður farið í skipulagn-
ingu gagnaöflunar og úrvinn-
slu merkingagagna, frá skipu-
lagðri skráningu í mörkinni
að söfnun, varðveislu og úr-
vinnslu stórra gagnasafna.
Einnig verður rætt um söfnun
lífssýna, tilgang söfnunarinn-
ar, aðferðir við söfnun og
varðveislu sýna. Umfjöllun
verður með áherslu á fugla,
sem athugaðir verða á staðn-
um (máfa, fýl og vaðfugla).
– annska@bb.is
Mikill sjór gekk yfir varnar-
garðinn við Brimnesveg á
Flateyri á miðvikudagskvöld
í síðustu viku með þeim af-
leiðingum að garðar fylltust
af grjóti og möl. Þetta er ekkert
einsdæmi því sjór gengur
reglulega yfir varnargarðinn
með fyrrgreindum afleiðing-
um, síðast á Þorláksmessu.
Auk þess losnar og skemmist
slitlagið á götunni oft í veðrum
sem þessum.
Margrét Kristjánsdóttir,
íbúi við Brimnesveg, segir að
vissulega sé þetta mjög þreyt-
andi. Garðurinn hennar og
annarra íbúa við götun fyllist
af grjóti sem þarf að moka
burt auk þess sem girðingar
og garðveggir geti skemmst.
Grjótið kemur að mestu úr
vegkantinum, en ekki úr sjón-
um og því ætti að vera hægt
að stemma stigu við vandan-
um. Hjá tæknideild Ísafjarð-
arbæjar fengust þær upplýs-
ingar að til stendur að ræða
við Siglingastofnun og finna
lausn á vandanum.
Varnargarðar
við Brimnesveg
fyllast af grjóti
Margrét Kristjánsdóttir og Lilja Kristinsdóttir
moka grjótið af bílastæði Margrétar. Mynd: Páll
Önundarson.
Innan við 1% fluttra opinberra starfa fara til Vestfjarða
Vestfirðir hafa verið gróflega vanræktir hvað varðar flutning opinberra starfa út á land. Þetta er haft eftir Önnu
Kristínu Guðmundsdóttur, þingmanni Samfylkingarinnar í Norðvesturkjördæmi, á fréttavef Ríkisútvarpsins. Þar
segir að af þeim 850 opinberu störfum sem flutt hafi verið út á land á síðustu tíu árum hafi sex orðið til á
Vestfjörðum, en það mun koma fram í svari iðnaðarráðherra, Jóns Sigurðssonar, við fyrirspurn Önnu Kristínar.
Á þessu tímabili munu rúmlega 140 opinber störf hafa orðið til á Vesturlandi, um 60 störf á Norðurlandi vestra,
ríflega 200 á Norðurlandi eystra, ríflega 220 á Suðurlandi og 205 á Suðurnesjum. Eins og áður segir urðu sex
störf til á Ísafirði af alls 850. Það gerir 0,7%. Vestfirðingar eru um 6,4% landsbyggðarbúa.