Bæjarins besta - 29.01.2009, Side 18

18 FIMMTUDAGUR 29. JANÚAR 2009
Uppreisn 1979
Framsókn
Vilmundur
Bloggið
Hjálmar Sveinsson er einn al-
besti útvarpsmaður landsins.
Hann heldur úti Krossgötum,
þætti á Rás eitt sem er þvílíkt
gullkorn að maður þreytist aldrei
á að beina eyrum fólks að því. - -
- Þar fá hlustendur m.a. að heyra
magnaða ræðu Vilmundar heitins Gylfasonar. 26 ára gömul ræða
sem er á margan hátt meira viðeigandi en þær ræður sem við heyrum
í dag. Nærri þriggja áratuga gamla ræðu sem er í meiri tengslum við
líðandi stundu en þær ræður sem atvinnupólitíkusarnir flytja nú um
stundir. Það er ótrúlegt að upplifa það hversu veruleikafirrtir margir
stjórnmálamenn eru þessa dagana. Ég vil taka það fram að ég undan-
skil engan flokk þessari gagnrýni minni. Það dylst engum sem mig
hitta þessi dægrin að ég er ótrúlega gröm út í Samfylkinguna, því ég
bar virkilegar væntingar til þess flokks. Ég geri það reyndar enn,
sem er meira en margur sem ég þekki. Af hverju? Jú vegna þess að
ég heyri í flokksmönnum og veit því að það er ekki öll von úti.
Helga Vala Helgadóttir
http://eyjan.is/helgavala/
Í september 1979 virtist ekkert
vera á seyði sem benti til stjórn-
arslita einmitt þá. Þingsetning
nálgaðist og fólk beið eftir því í
rólegheitum að það tæki til starfa.
Sumarið hafði verið mjög tíð-
indalítið á stjórnmálasviðinu og
ríkt logn miðað við óróasumarið
árið áður. - - - Fundur var hjá Al-
þýðuflokksfélagi á Hótel Loft-
leiðum síðla í september, - man
ekki í augnablikinu hvort það
var kvenfélagið eða hið almenna félag, - en hvað um það, - á fund-
inum var skorað á ráðherra flokksins að slíta stjórnarsamstarfinu og
þetta nægði til að sprengja það. - - - Uppreisnarmenn í Alþýðuflokkn-
um gerðu þetta meðan formaður hans, Benedikt Gröndal var erlendis.
Nú er margfalt meiri órói í þjóðfélaginu en í september 1979, ósam-
bærilega miklu meiri. Fyrst ríkisstjórn var sprengd á einum fundi
fyrir tæpum 30 árum ættu allir að vera viðbúnir hverju sem er nú.
Ómar Ragnarsson
http://omarragnarsson.blog.is/blog/omarragnarsson/
Ekki byrjar siðbótin í Fram-
sókn vel. Fyrst er Höskuldur lýst-
ur formaður og svo Sigmundur
nokkrum mínútum síðar. Hver
verður það í kvöld? Guðni? Valdi
koppasali? Ragnar Reykás? Hver
sér um atkvæðatalninguna fyrir
þessa dúdda? Inspector Clou-
seau? - - - Ég veit ekki hvort ég
eigi að samgleðjast Sigmundi eða
samhryggjast. Jú reyndar, ég veit
það. Hann er í skelfilegum málum. Þarna fór fín perla í svínskjaft.
Ég sem hélt að það yrði eitthvað úr honum. Ég myndi eflaust kjósa
Sigmund í persónulegri kosningu, en flokkinn og allt það fálkager
sem honum fylgir mun ég að sjálfsögðu aldrei kjósa. - - - Jónína Ben
vinkona mín heldur að það sé hægt að ræsta spillinguna úr flokknum.
Í gær setti ég inná síðuna hennar þessa athugasemd: Að ætla sér að
reyna að hreinsa spillinguna úr Framsóknarflokknum er einsog að
ryksuga hús sem er gegnétið af veggjatítlum. Það verður að brenna
kofann til grunna. Þessi flokkur á álíka mikið erindi við þjóðina og
minkur við hænsnabú.
Sverrir Stormsker
http://stormsker.blog.is/blog/stormsker/
Mynda á net göngu- og hjóla-
leiða í og við þéttbýlisstaði Ísa-
fjarðarbæjar samkvæmt drögum
að nýju aðalskipulagi sveitarfé-
lagsins. „Gott aðgengi að göngu-
og hjólaleiðum er mikilvægur
þáttur í að efla lýðheilsu. Göngu-
og hjólastígakerfi sem tengir
saman hverfin, virkar hvetjandi
á almenning til aukinnar hreyf-
ingar og útivistar. Stígakerfið á
einnig að vera valkostur við aðrar
samgönguleiðir og geta þannig
stuðlað að heilnæmara umhverfi“,
segir í drögum að aðalskipulagi
fyrir árin 2008-2020.
Áhersla er lögð á að megin-
gönguleiðir verði færar öllum
íbúum, allt árið og ávallt verði
leitast við að hafa aðgengi fyrir
alla, þar sem því verður við kom-
ið. Mikilvægt er að göngu- og
hjólaleiðir verði lagðar þannig
að sem mest jákvæð áhrif verði
frá umhverfinu s.s. náttúrunni en
að neikvæð áhrif, eins og frá bíla-
umferð, verði lágmörkuð. Áhersla
skal einnig lögð á að leita öruggra
lausna þar sem göngu- og hjóla-
leiðir þvera stærri umferðargötur.
Forgangsatriði er að leggja ör-
ugga göngu- og hjólaleið milli
Hnífsdals og Ísafjarðar og ljúka
við að tengja saman hverfin í
Skutulsfirði. Einnig er mikilvægt
að gerð verði undirgöng undir
Vestfjarðarveg milli Holta- og
Tunguhverfis til að tryggja ör-
ugga tengingu milli þessara hverfa.
Göngustígar í nágrenni þétt-
býlisstaðanna skulu tengjast
íbúðarsvæðum og miðbæjum og
mynda hringtengingu úti í náttúr-
unni. Leggja skal áherslu á að
aðgengi að fjörum og strand-
svæðum, t. d. með lagningu
göngustíga meðfram sjónum og
áningarstöðum við fjöruna.
Net göngu- og hjólaleiða myndað
Unnið verður markvisst að því
að yfirbragð miðsvæða Ísafjarð-
arbæjar verði sem líkast því sem
það var á fyrsta hluta tuttugustu
aldar í nýju aðalskipulagi sveitar-
félagsins en nýrri hverfi fá að
þróast í takt við tíðaranda síðari
tíma. Samkvæmt drögum að að-
alskipulaginu verður lögð áhersla
á að ná samfelldum bæjarhlutum
í þetta horf til að ná sem mestum
heildaráhrifum. Í því sjónarmiði
verði öll hús, með verndargildi
samkvæmt húsakönnun, vernduð
og gerð upp að utan en jafnframt
verði áhersla lögð á að endur-
heimta falleg hús sem nú eru
horfin. Eigendur verða þó ekki
þvingaður til að ráðast í breyt-
ingar á eignum sínum.
Mikilvægt er að allar breyt-
ingar á eldri byggð falli vel að
umhverfi sínu og heildarmynd
byggðarinnar. Skipulag í tengsl-
um við nýbyggingar og uppbygg-
ingu eldri húsa í Ísafjarðarbæ,
skal taka mið af stærðum og hlut-
föllum eldri húsa í umhverfinu
og við staðsetningu skal taka mið
af sögulegum arfi. Til að hægt sé
að framfylgja aðalskipulaginu
verður að ljúka við húsakönnun
fyrir allan Ísafjarðarbæ á árinu
2009. Áhersla verði lögð á tengsl
byggðar við sögu, atvinnuhætti
og náttúru svæðisins, þannig að
sérstaðan fái að njóta sín. Í því
sambandi má nefna heildræna
tengingu á milli Hæsta-, Mið- og
Neðstakaupstaðar.
Menningarsöguleg verðmæti,
önnur en byggingar, þarf einnig
að vernda en jafnframt veita al-
menningi aðgang að þeim, hvort
sem þau eru manngerð eða nátt-
úruleg. Áhersla verður lögð á
metnaðarfulla hönnun á um-
hverfi, m.a. lýsingu, gangstétta-
og gatnagerð. „Mikilvægt er að
efla vitund almennings um þessi
verðmæti, m.a. með aðgangi að
upplýsingum, fræðslu og notkun
á gömlum örnefnum, gönguleið-
um o.fl. Það verður íbúum, fyrir-
tækjum og stofnunum hvatning
til að fegra umhverfið og styrkja
þróun svæðisins. Samvinna og
skilningur á milli íbúa, atvinnu-
lífs, bæjaryfirvalda og annarra
hagsmunaaðila er eitt af lykil-
atriðum í þessu samhengi“, segir
í greinargerð á vef Ísafjarðar-
bæjar.
Reynslan hefur sýnt að yfir-
bragð og umhverfi bæja ræður
miklu um hvar fólk kýs að búa.
Hið sama gildir um aðdráttarafl
fyrir ferðamenn. Efling þessara
grunnstoða mun því styrkja sam-
félag og efnahag svæðisins, þ.e.
laða að sér íbúa og ferðamenn en
einnig leiða til fjölbreyttara at-
vinnulífs, nýsköpunar auk þess
að efla stolt og sjálfsmynd íbúa á
svæðinu. Með skýrri stefnu í
þessum málaflokki er ætlunin að
eyða óvissu um framtíð svæðis-
ins og veita íbúum og atvinnulífi
öryggi sem mun efla jákvæða
þróun svæðisins.
– thelma@bb.is
Yfirbragð Ísafjarðarbæjar
hverfur aftur til 20. aldar
Áhersla verður lögð á tengsl byggðar við sögu, atvinnuhætti og náttúru svæðisins.