Dagblaðið Vísir - DV - 17.06.2008, Blaðsíða 8

þriðjudagur 17. júní 20088 Fréttir DV
Stefnt er að því að hvítabjörninn
sem haldið hefur til í grennd við
bæinn Hraun á Skaga verði fangað-
ur í dag. Sérfræðingar frá dýragarð-
inum í Kaupmannahöfn hafa verið
fengnir til þess að koma til landsins
með búr og annan búnað til þess
að fanga björninn. Von er á Dön-
unum um miðjan dag í dag.
Talið er að það verði flókið mál
að fanga björninn. Þórunn Svein-
bjarnardóttir umhverfisráðherra
segir að allt verði að ganga upp í
slíkri aðgerð og viðbúið sé að birn-
inum sjálfum sé hætta búin. Lög-
reglulið frá Sauðárkróki, ásamt
björgunarsveitarmönnum, stóð
vaktina í gær og vörnuðu fólki að-
göngu að svæðinu. Fjórar riffilskytt-
ur eru að bænum Hrauni II, tilbún-
ar að skerast í leikinn ef björninn
skiptir skapi þannig að hætta stafi
af.
Björgvin G. Sigurðsson, sem er
umhverfisráðherra í fjarveru Þór-
unnar Sveinbjarnardóttur, sagði í
gær að allt yrði gert til þess að ná
birninum lifandi og koma honum
á heimaslóðir. Hann sagði lögregl-
una hafa sýnt lofsverða stillingu.
Tólf ára
fann
björninn
Það
var Kar-
en Helga
Steins-
dóttir, tólf
ára, sem fyrst varð vör við ísbjörn-
inn um klukkan hálfeitt í gær. Kar-
en og systir hennar Herdís urðu
varar við það þegar heimilishund-
urinn tók strikið út í æðarvarpið.
Þar má hann ekki vera og því elti
Karen hann. Þar sá hún eitthvað
sem hún taldi í fyrstu vera áburð-
arpoka, en sá fljótlega að þarna var
um ísbjörn að ræða. „Mér sýnist að
honum líði ágætlega þar sem hann
er,“ segir Merete Rabølle, móðir
Karenar Helgu.
Heimilisfólki að Hrauni er
gert að vera innandyra á meðan
björninn er vaktaður af lögreglu.
„Við verðum hér til taks til þess að
tryggja að fólki stafi ekki hætta af
birninum,“ segir Stefán Vagn Stef-
ánsson, yfirlögregluþjónn á Sauð-
árkróki. Hann og samstarfsmenn
hans skiptast á um að fylgjast með
birninum. „Hann hefur verið í æti
og mjög rólegur,“ sagði Stefán Vagn
í gærkvöldi. „Við vonum að hann
verði það áfram.“
Björgólfur vill bjarga
Egill Steingrímsson, héraðs-
dýralæknir á Blönduósi, segir að
hér sé á ferðinni enn ein áminn-
ingin um að brýn þörf sé á sérstakri
viðbragðsáætlun vegna ísbjarna.
Hann og fleiri dýralæknar hafa
gagnrýnt að engin slík áætlun sé til
staðar.
Þegar hvítabjörn gekk á land á
svipuðum slóðum í júníbyrjun til-
kynnti umhverfisráðuneytið að far-
ið yrði yfir atburðarásina og hafist
yrði handa við gerð aðgerðaáætl-
unar. Ekki er vitað hvort sú vinna
er hafin. „Það þarf að vera hægt
að gera eitthvað annað en að lóga
þessum dýrum,“ segir Egill. Hann
segir nokkra dýralækna hafa rætt
það sín á milli að þeir þyrftu að afla
sér réttinda og búnaðar til þess að
geta brugðist við þegar svona að-
stæður koma upp.
Hvítabjörninn sem gekk á land
í júníbyrjun var skotinn skömmu
eftir að til hans sást, þann 3. júní.
Þá hafði forvitna vegfarendur drif-
ið að og talið var að fólki stæði ógn
af birninum. Í íslenskum lögum
er heimild til þess að aflífa hvíta-
björn sem fólki stafar hætta af. Þeir
eru friðaðir undir öðrum kringum-
stæðum.
Novator, félag Björgólfs Thors
Björgólfssonar, hefur boðist til
þess að standa straum af kostn-
aði við björgun á ísbirninum sem
nú er vaktaður við Hraun á Skaga.
„Novator lítur á björgun ísbjarnar-
ins sem framlag til náttúruvernd-
ar,“ segir Eyrún Magnúsdóttir í til-
kynningu.
Í tilkynningunni frá Novator
segir ennfremur að mikilvægt sé að
koma ísbirninum í öruggt og var-
anlegt umhverfi, enda sé um frið-
aða skepnu að ræða.
Algengt að birnir gangi á land
Jón Gunnar Ottósson, forstjóri
Náttúrufræðistofnunar Íslands,
segir mun algengara að birnir komi
hingað til lands tveir saman en fólk
áttar sig á. „Síðustu þrjátíu árin
hafa sextán komur hvítabjarna ver-
ið skráðar til landsins. Í þriðjungi
tilfella hafa þeir komið tveir með
skömmu millibili,“ segir Jón Gunn-
ar.
Ekki er vitað hvort birnirnir nú
hafi lagt leið sína í sameiningu til
landsins. Um 600 komur hvíta-
bjarna til Íslands eru skráðar frá
landnámi, sem gera um fimmtíu til
sextíu ísbirni á hverri öld. Sá síðasti
sem gekk hér á land á undan þeim
sem kom til landsins nú í byrjun
mánaðarins kom árið 1988.
Jón Gunnar segir ekki ljóst
hversu stóran björn er um að ræða
en Náttúrufræðistofnun Íslands
hefur unnið af fullum krafti í mál-
inu í dag. Hann segir langlíklegast
að birnirnir tveir hafi komið hingað
til lands frá Grænlandi. Jón Gunn-
ar segir ísrönd vera um 75 sjómíl-
ur frá landi þessa dagana og að það
sé vegalengd sem ísbirnir geti vel
synt.
Sævar Einarsson, bónda á
Hamri í Hegranesi, dreymdi þrjá
ísbirni í byrjun júní og var því ekki
hissa á fréttum gærdagsins. Á vefn-
um Skagafjordur.com er greint frá
því að Sævar reikni með að stutt sé
í að sá þrðji láti sjá sig.
Veðurfarið ræður
Jón Gunnar Ottósson segir að
það séu vindáttir og hafstraumar
sem ráði því að birnirnir gangi á
land á Skaga en ekki á Vestfjörðum,
sem þó eru mun nær Grænlands-
ströndum. Hann segir birnina
mögulega hafa komið með borg-
arísjaka sem rekið hafi hingað til
lands og synt svo til lands. Spurð-
ur hvort heimsókn ísbjarnanna nú
megi rekja til hlýnandi loftslags á
jörðinni, segir Jón Gunnar erfitt að
segja til um það.
Jón Gunnar segir að nauðsyn-
legt sé að hér séu til áætlanir um
hvað taka skuli til bragðs í svona til-
vikum. „Þetta er ekki svo sjaldgæft,“
segir hann. Síðasti björn sem gekk
á land á undan þeim sem aflífaður
var fyrir tveimur vikum var aflífað-
ur snarlega í Fljótum í Skagafirði
árið 1988. Þá sást einnig til bjarn-
ar á sundi við Vest-
firði árið 1993.
Skipverjar á
Guðnýju ÍS
snöruðu þá
björninn og
drápu hann
með um-
deildum
hætti.
SigTryggur Ari jóhAnnSSon
blaðamaður skrifar: sigtryggur@dv.is
ALLT GERT
TIL AÐ BJARGA BIRNINUM
Fyrir tveimur vikum Björninn sem gekk á land í upphafi mánaðar var skotinn
hið snarasta.
Í dag verður reynt að fanga hvítabjörn sem heldur til við bæinn Hraun á Skaga. Björgvin g. Sigurðsson
segir að allt verði gert til þess að koma birninum lifandi á heimaslóðirnar. Lögreglulið og skyttur vakta
björninn þangað til danska sérfræðinga ber að garði. Björgólfur Thor Björgólfsson hefur boðist til þess
að standa straum af kostnaði við björgunaraðgerðirnar.
„Það þarf að vera
hægt að gera eitthvað
annað en að lóga
þessum dýrum.“
Björgólfur Thor novator, félag
Björgólfs Thors Björgólfssonar, hefur
boðist til þess að standa straum af
björgunaraðgerðunum.
Viðskiptaráðherra Björgvin g.
Sigurðsson er umhverfisráðherra
í fjarveru þórunnar Sveinbjarnar-
dóttur. Hann segir lögreglu hafa
sýnt lofsverða stillingu.
Frá hrauni Hér má sjá hve
nálægt mannabústöðum
björninn var í gærkvöldi.
MYND/FEYKIR