Frjáls verslun - 01.08.2005, Page 90

90 F R J Á L S V E R S L U N • 8 . T B L . 2 0 0 5
300STÆRSTU
S
ú gagnrýni sem lyfjafyrirtæki hafa
sætt vegna markaðsstarfs síns er að
mínum dómi oft mjög illa ígrunduð
og stundum á villigötum. Gefið er í
skyn að við höfum lækna í vasanum
og getum til dæmis með boðsferðum nán-
ast stýrt því hvaða lyfjum þeir ávísa. Mér
finnst með þessu gert lítið
úr skynsemi og dómgreind
lækna. Mér finnst fráleitt að
ætla þetta mönnunum sem
við án hiks treystum fyrir
lífi okkar sjálfra og barna
okkar,“ segir Hreggviður
Jónsson, framkvæmda-
stjóri Vistor.
Samkeppni sífellt harðari
Það var um mitt ár 2002
sem Hreggviður keypti
Vistor - og að sjálfsögðu fylgdu breytingar
því þegar nýr maður tók við stjórn. „Þegar ég
kom hingað var fyrirtækið með ýmiss konar
snyrti- og neytendavörur. Síðar var mörkuð
sú stefna að vera einvörðungu með heil-
brigðisvörur. Þar á ég við lyf, lækninga- og
heilbrigðisvörur og ýmsar rekstrarvörur fyrir
heilbrigðisstofnanir,“ segir Hreggviður og
bætir við að sífellt erfiðara sé að koma með
ný lyf í sölu. Þá standi aðeins 30% af lyfjum
sem fara á markað undir þróunarkostnaði.
Þetta hafi leitt af sér harðari markaðssókn
og meiri samkeppni.
Vistor er með Íslandsumboð fyrir mörg
velþekkt erlend lyfjafyrirtæki, eins og Aztra-
Zeneca, Pfizer og Novartis. Þessi fyrirtæki
keppa sín á milli innan Vistor sem er upp-
byggt svipað og fyrirtækja-
hótel.
Á síðasta ári sömdu
lyfjafyrirtækin hér á landi
og ríkið sín í millum um að
lyfjaverð hér á landi myndi
lækka og verða á svipuðu
róli og gerist í nágranna-
löndum. Í samningnum er
meðal annars tekið tillit til
gengis krónunnar, sem um
þessar mundir er í hæstu
hæð um. „Sam kvæmt
samningunum lækkaði lyfjaverð um 7% í
fyrra og lækkar svo um 2% í ár. Síðan bætist
svo við að gengiskarfan sem við kaupum inn
samkvæmt þessu hefur á síðustu mánuðum
lækkað um 9%. Það verður því seint sagt
að lyfjafyrirtækin eigi sök á því að verðlag
sé að hækka og verðbólga að aukast,“ segir
Hreggviður.
„Þetta hefur þýtt að framlegð á íslenska
lyfjamarkaðnum hefur dregist saman sem
dregur úr áhuga erlendra framleiðenda. Síð-
ustu ár hefur verið talsvert um að fyrir-
tæki með lyf á lokastigi þróunar stundi
hér klínískar rannsóknir í samvinnu við
lækna Landspítala - háskólasjúkrahúss og
starfsfólk okkar. Þrátt fyrir smæðina hafa
fyrirtækin úti nefnilega sinnt íslenska mark-
aðnum mjög vel. Nú finnum við hins vegar
að áhuginn fer minnkandi, sem er miður. Ég
sé hins vegar ýmis sóknarfæri á markaðnum
og í þeim erum við að vinna.“
Að virkja fólk til verkefna Áður en Hregg-
viður keypti Vistor og tók þar við stjórn var
hann forstjóri Norðurljósa. Hann segir þessi
tvö störf um margt ólík, en grunnurinn sé
sá sami.
„Hvort sem maður stjórnar lyfjafyrirtæki
eða sjónvarpsstöð snýst þetta alltaf um sam-
starf við fólk og virkja það til verkefna. Um
síðir skilar það sér allt í einhverjum tölum. Í
þessu starfi sem ég sinni nú er fólk að vinna
langt fram fyrir sig í tíma; skráning, markaðs-
setning og kynning á nýju lyfi er ferli sem
tekur minnst eitt ár. Á fjölmiðli hafa hlutirnir
hins vegar allt annan gang. Þar eru ákvarð-
anir teknar og hrint strax í framkvæmd.
Fyrir stjórnanda er það starf sem ég gegni
nú ólíkt og auðveldara, þótt hitt hafi líka haft
sína kosti og ákveðinn sjarma.“
VISTOR • HREGGVIÐUR JÓNSSON
„Mér finnst með þessu
gert lítið úr skynsemi og
dómgreind lækna. Mér
finnst fráleitt að ætla
þetta mönnunum sem
við án hiks treystum
fyrir lífi okkar sjálfra
og barnanna okkar.“
TEXTI: SIGURÐUR BOGI SÆVARSSON
MYND: GEIR ÓLAFSSON
GAGNRÝNIN STUNDUM
Á VILLIGÖTUM
Samningar við ríkið og gengisþróun
draga úr framlegð lyfjafyrirtækjanna.
Samkeppnin er hörð.