Frjáls verslun - 01.08.2005, Page 168

168 F R J Á L S V E R S L U N • 8 . T B L . 2 0 0 5
A
llir eru sammála um að kvikmynda-
sumarið í Bandaríkjunum hafi verið
mjög lélegt, bæði hvað varðar gæði
og einnig hvað varðar aðsókn, en
aðsóknin hefur minnkað um 12%
frá sumrinu í fyrra. Stóru sumarsmellirnir
voru langt undir væntingum og aðeins fimm
kvikmyndir náðu að hala inn 200 milljón
dollara í aðgangseyri, Star Wars, Revenge
of the Sith, War of the Worlds, Batman
Begins, Charly and the Chocolate Factory
og Wedding Crashers og hafði Star Wars
höfuð og herðar yfir hinar fjórar, en tekjur af
henni eru 380 milljónir dollarar, næst henni
kemur War of the Worlds, með 232 milljónir
dollara.
Nokkrar kenningar eru uppi um það
hvers vegna aðsóknin minnkaði, marktæ-
kastar eru að dýru myndirnar sem hefðu
þurft að fá mikla aðsókn, hafa aldrei verið
lakari og einnig sú skýring að farið er að
gefa út nýjar kvikmyndir á DVD mun fyrr
en áður. Má segja að ef kemur í ljós fljótlega
eftir frumsýningu að viðkomandi kvikmynd
ætli ekki að fá góða aðsókn þá er DVD
útgáfu flýtt.
Ljósið í myrkrinu Þegar kvikmyndaunn-
endur vestan hafs voru orðnir úrkula vonar
um að kæmi á sjónarsviðið kvikmynd sem
fengi ekki aðeins mjög góða dóma hjá gagn-
rýnendum heldur einnig góða aðsókn var
The Constant Gardener frumsýnd snemma
í september mánuði og brúnin lyftist á þeim
sem voru farnir að örvænta. The Constant
Gardener, sem gerð er eftir skáldsögu John
LeCarré, kemst ekki í hóp dýrari kvikmynda
í Hollywood þetta árið. Heildarkostnaður við
hana er 25 milljónir dollarar. Eitthvað hefur
svo bæst við í markaðssetningu hennar. Þó
ekki næði hún að fá mestu aðsóknina sem
hún var frumsýnd þá var sætanýtingin lang-
best, en hún var sýnd í 1346 sýningarsölum
en yfirleitt eru þær kvikmynd sem mestar
vonir eru bundnar við sýndar í yfir 3000 sýn-
ingarsölum. Greinilegt er að góð umfjöllun
hefur haft sitt að segja og fór aðsóknin langt
framúr væntingum framleiðanda myndar-
innar og hefur síðan haldist jöfn og góð.
The Constant Gardener er leikstýrt af
hinum brasilíska Fernando Meirelles (City
of God) og hefst í Kenýa. Tessa Quayale
(Rachel Weisz), ástríðuþrunginn friðarsinni,
sem hjálpar innfæddum, sem hafa smitast
af alnæmi, finnst myrt. Í ljós kemur að hún
hafði farið í jeppa ásamt innlendum lækni,
sem virðist í fyrstu hafa flúið af vettvangi,
en finnst síðan einnig myrtur. Eiginmaður
Tessu, Justin Quayle (Ralph Fiennes), starfs-
maður í utanríkisþjónustu Breta er miður
sín. Grunsemdir hans beinast að lækninum,
hvað var hann að gera með eiginkonu hans,
voru þau elskendur, hafði hann tælt hana
með sér eða er annarra skýringa að leita.
Honum finnst alla vega yfirmenn sínir mjög
áhugasamir um að láta málið niður falla, en
það getur Quayale ekki sætt sig við.
Í The Constant Gardener er mikið um
að farið sé aftur í tímann og fljótlega eftir
upphafsatriðið, sem þykir ákafalega sterkt,
er farið til þess tíma þegar Jeffrey og Quayle
hittust fyrst. Hann er að flytja fyrirlestur á
vegum ríkisstjórnarinnar í háskóla þegar
Tessa grípur fram í fyrir honum og fer að
gagnrýna Tony Blair og þátttöku Breta í
stríðinu í Írak.
Meðfram því sem The Constant Gard-
ener er sakamálamynd með sterku pólit-
ísku ívafi, þá er einnig kafað djúpt ofan í
aðalpersónurnar. Elskaði Tessa Jeffrey jafn
mikið og hann elskaði hana, hafði hún verið
að notfæra sér hann eða var hún einlæg í
öllu sem hún gerði? Þessar og ýmsar aðrar
spurningar leita á Jeffrey þegar hann leitar
skýringa á morðinu sem leiðir hann á allt
aðrar slóðir en hann hugði í upphafi.
KVIKMYNDIR
TEXTI: HILMAR KARLSSON
LEITIN AÐ SANNLEIKANUM
THE CONSTANT GARDENER
Ólík en hamingjusöm. Rachel Weisz og Ralph Fiennes í hlutverkum hjónanna Tessu og
Justin Quyale.