Frjáls verslun - 01.08.2005, Side 171

F R J Á L S V E R S L U N • 8 . T B L . 2 0 0 5 171
Þegar Welch hætti hjá GE 2001 skrifaði
hann „Jack: Straight From the Gut“. Þó hún
seldist í 2,7 milljónum eintaka fékk hún
slæma dóma, þótti alltof mikið um hann og
of lítið um stjórnun. „Winning“ á að bæta úr
því. Welch segir eiginkonuna eiga heiðurinn
að því að koma reynslu hans á bókaform
svo af megi læra.
Og hvað boðar Welch þá? Þar er af
ýmsu að taka eins og kom fram þegar
hann ræddi við nemendur LSE. Þó reynsla
hans sé mótuð í stórfyrirtæki er hann sann-
færður um að sömu lögmál gildi í litlum
fyrirtækjum. Sigurandinn skiptir öllu máli,
án hans er andrúmsloftið markað óvissu og
hræðslu - og enginn vinnur á því. Það er líka
gaman og eflandi að vinna í fyrirtækjum á
sigurbraut.
Welch segist nýkominn af fundi hjá ríkis-
miðlinum BBC - og þar lýsi af langar leiðir
að sigurandinn sé ekki til staðar: menn húki
hnípnir á stólunum. Reyndar ekki undarlegt,
því þar hefur uppsagnaralda gengið yfir
og hugsanlega meira í vændum. Almennt
segist Welch ekki veita ríkisstofnunum ráð
því þar séu menn ekki tilbúnir til að lúta
lögmálum einkageirans - sem honum finnst
taka öðrum lögmálum fram. Markaðurinn sé
kannski gallaður en betra bjóðist ekki.
Ekki loka ykkur yfir glærum og skipuritum
Skilaboð Welch til stjórnarmanna fyrirtækja
eru athyglisverð: „Látið ekki loka ykkur inni
í stjórnarherbergjum yfir glærum og skipu-
ritum. Farið um í fyrirtækinu, talið við starfs-
fólk, lítið í kringum ykkur, metið hvernig
andinn er - og já, ef stjórnandinn stendur sig
ekki þá er að losa sig við hann!“
Til að skapa sigurandann ríður á að stjórn-
endur séu starfinu vaxnir. Welch var frægur
fyrir að reka reglulega tíu prósent botns-
starfsfólksins. „Mörgum fannst ég grimmur,
en í alvörunni: er ekki betra að segja fólki
það strax heldur en að segja því upp löngu
seinna þegar erfiðara er að breyta til? Og
það er heldur ekkert erfitt að vita hverjir
standa sig! Hvað með ykkur? Þið vitið vel
hverjir í ykkar bekk skara fram úr og hverjir
eru í botni, ekki satt?“ Þegar stendur á svari
segir Welch að ef krakkarnir geri sér ekki
grein fyrir þessu: „hei, þá er ferill ykkar í
alvarlegri hættu!“
Val starfsmanna Welch leggur áherslu á
að val starfsmanna sé lykilatriði og seg-
ist stoltur af því hvað margir stjórnendur
stórra bandarískra fyrirtækja hafi unnið hjá
honum. Það gildi að þekkja þá bestu úr og
gefa þeim tækifæri til að spreyta sig.
Þegar Welch fær spurningu úr salnum
um vanda 39 ára háttsetts manns í fyrirtæki,
yfirmenn hans hafi sagt honum að til þess
að ná lengra þurfi hann að vera varkárari og
diplómatískari, hlær Welch. Þetta sé eins og
lýsing á honum sjálfum á þessum aldri. Ráð
sitt sé að starfsmaðurinn eigi að vera eins og
honum sé eiginlegt - en kannski ætti hann að
sækja annað.
Ofurlaun forstjóra Spurningunni um laun
forstjóra og hvernig megi fella þau að hags-
munum fyrirtækisins svarar Welch af var-
kárni, sem er skiljanleg í ljósi fjölmiðla-
fársins um hans eigin laun: hann kunni
enga töfraformúlu, kaupréttarsamningar séu
góðir - markaðurinn sé kannski ekki óskeik-
ull en þó besta viðmiðunin.
Hvort er betra fyrir stjórnanda að hafa
fræðilegan bakgrunn eða praktískan? Welch
er á því að fræðilegur bakgrunnur sé í lagi -
en það séu þó ekki fræðin sem skapi góðan
stjórnanda. „Gleymið öllu um fræðilegar
rannsóknir! Þegar allt kemur til alls er það
AÐ VINNA
„Sigurandinn skiptir öllu máli,
án hans er andrúmsloftið markað
óvissu og hræðslu - og enginn
vinnur á því. Það er líka gaman
og eflandi að vinna í fyrirtækjum
á sigurbraut.“
Hjónin Jack og Suzy Welch komu til Íslands árið 2003.
LJ
Ó
S
M
Y
N
D
:
M
O
R
G
U
N
B
LA
Ð
IÐ
/S
V
E
R
R
IR
V
IL
H
E
LM
S
S
O
N