Víkurfréttir - 10.05.2012, Blaðsíða 8

8 FIMMTUDAGURINN 10. MAÍ 2012 • VÍKURFRÉTTIR
Fór á ball um helgina og skemmti mér konunglega. Hitti fullt af skemmti-
legu fólki og átti nokkur svona öskur-faðmlög (þar sem maður öskrar fyrst
og faðmar svo). Ég var líka ákveðin í að skemmta mér
vel enda langt síðan ég hef fengið almennilega útrás
á dansgólfinu. En eitt er alveg á hreinu og það er að
maður mætir ekki eins og hertur handavinnupoki á
svona ball - allavega ekki nema einu sinni!
Það var fyrir nokkrum árum sem ég ákvað að drífa mig
á ball á Hótel Íslandi - Hollywood ball - en vísunin er
í skemmtistaðinn vinsæla sem ég sótti mikið á sínum
tíma. Það var mikil stemning fyrir ballinu, svo mikil að
fólk auglýsti eftir miðum í útvarpi og á netinu. Manstu
hver ég var hefur líklega sjaldan átt jafn vel við og gamlir Hollytöffarar og
píur streymdu í Ármúlann með von um að hitta gamla félaga og rifja upp
skemmtilega tíma. Það verður að viðurkennast að fyrir ballið var ég að velta fyrir
mér hvernig þetta yrði. Hvernig litu gömlu töffararnir út í dag? Væru þeir nánast
óbreyttir, eins og við vinkonurnar, eða sátu þeir uppi með velmegunarbumbu og
þunnhærðan skallann. Myndum við yfirleitt þekkja þá eða yrði þetta samansafn
af óþekkjanlegum miðaldra mönnum! Ég deildi þessu öllu með vinkonum mín
en átti svo sannarlega eftir að fá þessar hugleiðingar mínar hressilega í bakið.
Við vinkonurnar löbbuðum nokkra hringi um staðinn á milli þess sem við tókum
sveiflur á dansgólfinu. Í einum slíkum hring vatt sér að mér ungur maður – já
á mínum aldri gerði ég ráð fyrir. Hann spurði mig hvort ég hefði stundað Holly
hér í gamla daga og ég játaði því. Hann sagðist aldrei hafa komið þar inn því
hann hefði verið smábarn þegar staðurinn var sem vinsælastur. Þetta kom mér
verulega á óvart – hefði getað svarið að ,,barnið“ var á mínum aldri. Hann leit
síðan af mér og yfir á vinkonuhópinn minn. Vatt sér síðan aftur að mér og benti
á eina vinkonu mína (sem er ári eldri en ég) og spyr mig ,,er þetta dóttir þín“.
Ég bjóst við að hann væri að gera tilraun til að vera fyndin og jafnvel að reyna
að pirra mig svo ég leit djúpt í augu hans og sagði „já, ég ákvað að leyfa henni
að koma með“. Þá segir minn maður: ,,ég verð að segja þér það að þú lítur
ótrúlega vel út miðað við aldur“. Þarna var mér ljóst að hann var ekki að grínast.
Ég spurði hann hvort hann héldi virkilega að ég væri móðir hennar (þarna lang-
aði mig mest til að sparka í sköflunginn á honum). Það var á þessu augnabliki
sem hann áttaði sig á mistökunum og gerði heiðarlega tilraun til að biðjast
afsökunar - ca 20 heiðarlegar tilraunir. En skaðinn var skeður og ég kvaddi
hann með ísköldu augnaráði og sagði ,,passaðu útivistartímann vinur“. Eftir
þetta varð ég rosalega upptekin af klæðaburði mínum og útliti þetta kvöld. Gat
ég ekki reynt að vera aðeins meiri skutla, þessi grái hnésíði kjóll var vissulega
þægilegur en minnti frekar á eitthvað sem nunnurnar í Hafnarfirði klæðast....
og af hverju hafði ég ekki farið í push up brjóstarhaldara .....og hvers vegna
hlustaði ég ekki á Kalla Berndsen og tróð mér í shock up sokkabuxur þó þær
þrengdu óþægilega að öllu helstu líffærum í kviðarholinu. Hvernig datt mér í hug
að vera í nánast flatbotna ömmu-skóm! Mér fannst ég á svipstundu líta út eins
og Mary Poppins með börnin mín út á lífinu.
En þessu var ekki lokið. Ég fór í fatahengið klukkan tvö því ég áttaði mig á
að komið var yfir svefntíma hjá „gömlu“ konunni. Þar sem ég tróðst áfram í
endalausri biðröð finn ég hvar tekið er um axlir mínar - eða stuðst við þær öllu
heldur. Ég sný mér við og við hlið mér stendur fullorðin kona (já töluvert eldri
en ég) og ég hugsaði ,,sú er góð að halda þetta út svona lengi“. Sú hafði orð
á því hversu mikið af ungu fólki hafi verið þarna um kvöldið sem hafi aldrei í
Holly komið og svo bætti hún við (á innsoginu) ,,en auðvitað var líka fullt af fólki
á okkar aldri“!
Þetta var mátulegt á mig miðað við hugleiðingar mínar fyrr um kvöldið. En það
sem skiptir kannski mestu máli er að ég geri mér grein fyrir því að fegurðin
hefur minnst með upphífingar og kúlurass að gera en því meira um eigin líðan
og virðingu fyrir sjálfum sér. Ef ég mæti á ball eða aðrar samkomur eins og
hertur handavinnupoki með allt á hornum mér, þá skiptir ekki máli þó ég líti út
eins og milljón dollara módel. Ég get geislað í gráum kjól og flatbotna skóm á
sama tíma og ég get sent frá mér eiturefnaúrgang í flotta djammdressinu og
öllu aukahlutunum hans Kalla Berndsen. Eitthvað hefur mér ekki liðið nógu vel
með sjálfa mig þetta kvöld og þá er auðveldara að reyna að slökkva ljós annarra
í stað þess að einbeita sér að því að kveikja á eigin ljósi. Þannig að ef ég er ekki
sú manneskja sem mig mundi langa til að hitta þá er það annað hvort að gera
eitthvað í því eða halda sér heima við og menga þannig sem minnst.
Að lokum: „Fyrirgefið mér strákar mínir, þetta kemur ekki fyrir aftur“. Herti
handavinnupokinn verður skilinn eftir heima héðan í frá.
Þangað til næst - gangið þér vel!
Anna Lóa
Hertur handavinnupoki!
Opinn dagur
í Kirkjugörðum Keflavíkur
Miðvikudaginn 16. maí kl. 18:00 - 20:00.
Kirkjugarðurinn við Aðalgötu
og Hólmsbergsgarður.
Gott tækifæri fyrir aðstandendur að snyrta leiði
eir veturinn og ræða við starfsfólk garðanna.
Boðið upp á ka og kleinur.
Kirkjugarðanefnd.
Holtsgata 56, Reykjanesbæ, sími 421 2000
ATVINNA
Allt hreint óskar eftir að ráða starfskraft
í ræstingu flugvéla
Viðkomandi þurfa að hafa náð 18 ára aldri
og vera með hreint sakavottorð
Áhugasamir sendi umsókn með persónuup-
plýsingum og ferilskrá á halldor@allthreint.is,
merkt: flugvélaræsting
Í kvöld, mmtudaginn 10. maí verður
aðalfundur Leikfélags Keavíkur haldinn í
Frumleikhúsinu Vesturbraut 17, kl. 20:30.
Fundarefni:
Venjuleg aðalfundastörf
Önnur mál.
Heitt á könnunni.
Stjórn LK.
AÐALFUNDUR
LEIKFÉLAGS KEFLAVÍKUR
GLÆSILEG ÍBÚÐ VIÐ
FAXABRAUT TIL SÖLU
Snyrtileg, björt og mikið endurgerð 3ja
herbergja íbúð á 2. hæð. Íbúðin er 80,4m2
og bílskúr 36,5m2, samtals 117m2.
Á eigninni hvílir hagstætt lán frá Íbúða-
lánasjóð á 4,15 % vöxtum.
Verð: 17.000.000,-
Nánari upplýsingar veitir Sibba, sölu-
fulltrúi hjá fasteignasölunni Miðlun
í síma 864-0054
Opinn dagur í
kirkjugörðum
Keflavíkur
Fáir garðar hafa jafn mikil til-finningalegt gildi og kirkju-
garðar. Þá sækjum við til þess að
votta látnum aðstandendum og
samferðafólki virðingu okkar og
kveðju, einkum á stórum tíma-
mótum.
Miklu varðar að fallegt sé um að
litast í þessum görðum. Þá er mikil-
vægt að þau sem garðana sækja
geti rætt við starfsfólk og stjórnar-
menn garðanna og látið í té óskir
og upplýsingar um það sem betur
má fara. Miðvikudaginn 16.maí kl.
18.00 - 20.00 verður opinn dagur
í kirkjugörðunum tveimur í Kefla-
vík. Þá gefst fólki kostur á að hitta
starfsmenn garðanna og þau sem
sitja í stjórnum þeirra. Fólk er hvatt
til þess að taka með sér garðáhöld
og leggja sitt af mörkum við að gera
garðana fallegri. Opni dagurinn er
fyrst og fremst hugsaður til þess að
efla þessi tengsl og stuðla að því að
fegra þessa garða okkar. Allar nán-
ari upplýsingar veita starfsmenn
garðsins.
Kirkjugarðanefnd.
Ert þú
hönnuður?
Hönnun og handverk
kynnt í Eldey
Eldey þróunarsetur og SKASS, samtök kraftmikilla, alvöru,
skapandi Suðurnesjakvenna bjóða
til hittings fimmtudaginn 31. maí
þar sem kynnt verður hönnun og
handverk á Suðurnesjum.
Verið er að leita eftir þátttakendum
bæði í tískusýningu og eins hönn-
uðum sem vilja sýna verk sín í
Eldey þróunarsetri.
Áhugasamir geta óskað eftir þátt-
töku á netfangið eldey@heklan.is
og mun valnefnd velja verk úr til
sýningar.
Örnámskeið
í Eldey
Þarft þú að markaðssetja
nýja vöru eða þjónustu?
Nú er komið að námskeiði um sölu og markaðsmál í Eldey
þróunarsetri en þriðjudaginn 15.
maí kl. 13:00 – 16:00 mun Árdís
Ármannsdóttir, markaðsstjóri
Nýsköpunarmiðstöðvar Íslands
fjalla um þau grundvallaratriði
sem nauðsynlegt er að hafa í huga
við markaðssetningu á nýrri vöru
og þjónustu. Fjallað verður um
markaðshlutun, markhópagrein-
ingu, sérstöðu vöru og þjónustu,
mikilvægi ímyndar, kynningar-
starf, almannatengsl og virkjun
tengslanetsins.
vf.is
Næsta blað kemur út miðvikudaginn 16. maí.
Skilafrestur á auglýsingum er því mánudaginn
14. maí til kl. 17. Auglýsingasíminn er 421 0001
og pósthólfið er gunnar@vf.is