Litli Bergþór - 01.12.2012, Blaðsíða 4
Ágætu félagar!
Nú í sumar gerði stjórn Ungmennafélag Biskupstungna samning við Landsbókasafn – Háskólabókasafn
um að varðveita öll eintök af Litla – Bergþóri frá upphafi. Öll eintök Litla – Bergþórs eru nú geymd á
safninu og þá voru öll tölublöðin skönnuð/mynduð og er því
hægt að nálgast þau öll á www.timarit.is án endurgjalds. Mikill
fróðleikur um mannlíf í Biskupstungum er þarna gerður aðgengi-
legur sem vonandi mun nýtast sem flestum um ókomna tíð. Þetta
verkefni kostaði talsverða fjármuni en félagið fékk góðan styrk
frá Menningarráði Suðurlands og Verkefnasjóði HSK og er þeim
hér með þakkað kærlega fyrir stuðninginn. Það skal tekið fram
að nýjustu tölublöðin verða ekki gerð aðgengileg á www.timarit.
is fyrr en þau eru a.m.k. tveggja ára gömul. Það er von mín að
áskrifendum Litla – Bergþórs eigi eftir að fjölga og útgáfan að
styrkjast enn frekar.
Í byrjun september sá skógræktarnefnd Ungmennafélagsins um
að laga göngustíginn í skógræktarreit félagsins við Tungnaréttir.
Stígurinn var grisjaður, breikkaður og trjákurli stráð í botninn.
Með þessu móti er nú hægt að fara um skóginn. Það er stefna
félagsins að á næsta ári verði útbúnir fleiri göngustígar og þar
með verði notagildi skógarins aukið. Þá má hugsa sér að settir
verði bekkir og borð svo hægt verði að setjast niður og fá sér
nesti. Skógræktarreitir félagsins hafa allir dafnað vel frá því fyrst
var plantað í þá. Félagið þarf að marka sér stefnu hvernig það
vill sjá alla þessi reiti nýtast í framtíðinni og forgangsraða í því
samhengi.
Söguritun félagsins gengur vel, nú þegar þetta er ritað er sjálft handritið nánast tilbúið en mikil vinna er
eftir við ýmsan frágang. Myndasöfnun hefur gengið ágætlega en ef einhver hefur áhugaverðar myndir sem
ekki hafa áður komið fram væri gaman að fá upplýsingar um slíkt. Mjög margt áhugavert hefur komið fram
við heimildaöflunina og má búast við áhugaverðri og skemmtilegri bók. Það er von okkar í stjórninni að
bókinni verði vel tekið en saga félagsins er samofin sögu Biskupstungna. Stefnt er að því að bókin komi út
með vorinu.
Starf íþróttadeildar fór af stað í haust með hefðbundnum hætti. Fjölmargar íþróttagreinar eru æfðar hjá
félaginu og er það von mín að allir finni eitthvað við sitt hæfi. Leikdeild félagsins mun ekki setja upp leikrit
í vetur en kemur örugglega sterk inn næsta vetur.
Framundan eru jól og áramót með allri sinni gleði og kærleika sem við öll hlökkum svo til. Því er mikil-
vægt að við njótum þessarar hátíðar sem mest, ræktum fjölskylduna og það sem okkur er kærast. Á stund-
um sem þessum er líka mikilvægt að muna eftir þeim sem minna mega sín.
Lesendum óska ég gleðilegra jóla og gæfu á komandi ári.
Ritað í nóvember 2012
Helgi Kjartansson, formaður
4 Litli-Bergþór
Formannspistill
Facebook
Ritstjórn vill benda lesendum Litla-Bergþórs á Facebook síðu blaðsins. Gaman væri
ef fólk rifjaði upp gamlar sögur úr sveitinni - setti inn gamlar (og nýjar) myndir með
skýringum á við hvaða tilefni þær eru teknar og hverjir eru á þeim. Kannski verður
til grein í Litla-Bergþóri úr svona innleggi á síðuna.
Kveðja, ritstjórn Litla-Bergþórs.