Litli Bergþór - 01.12.2012, Blaðsíða 10
10 Litli-Bergþór
bankanum og í sjoppunni í Fossnesti í mörg ár. Svo
hef ég unnið á bar í Inghóli og á Útlaganum á Flúð-
um, auk þess að vinna við garðyrkju á Laugarvatni
og á Flúðum. Það er lærdómsríkt að kynnast mörgum
starfsgreinum og mörgu fólki.
Ég var send í sveit sem barn og unglingur, en ekki í
Tungurnar. Systkini mín voru hinsvegar í sveit hér,
Sigþrúður í Miðdalskoti hjá Dúnu frænku og einnig í
Leyni, og Valli í Gýgjarhólskoti og Gýgjarhóli. Ég fór
hinsvegar að Hjarðarbrekku á Rangárvöllum frá 11 til
15 ára aldurs. Þar var þá stundaður blandaður búskap-
ur.
L-B: Segðu mér frá fjölskyldu þinni.
Fjölskylda mín er ekki stór, ég á einn son sem er 21
árs og heitir Hörður Jóhannsson. Hann býr enn
heima, en leigir nú á Selfossi og bakar pitzur á Dom-
inos, meðan hann ígrundar hvað hann vill gera í lífinu.
L-B: En áhugamál?
Áhugamálin eru mörg. Ég á hesta og hef gaman
af því að ríða út mér til skemmtunar, moka skít og
kemba eða bara sitja og horfa á hestana éta og vera
í samvistum við þá. Mér finnst líka gaman að fara í
hestaferðir og hef gaman af því að horfa á kappreiðar
og fara á landsmót, en keppi ekki sjálf. Það er ekki
mín deild. Ég er með hestana í hesthúsi hjá Sigurlínu
frá Fellskoti, en á sumrin eru þau í Holtakotum hjá
Valla bróður.
Svo syng ég í þremur kórum, þannig að þrjú kvöld í
viku fara í kóræfingar. Ég er hér í Skálholtskórnum
og svo í Uppsveitasystrum og í Kirkjukór Hruna- og
Hrepphólasóknar. Ég hef aldrei hætt að syngja þar
síðan ég bjó á Flúðum, enda er það með kóra eins og
annað félagsstarf, góður félagsskapur er stór partur af
ánægjunni sem maður vill ekki missa af.
Ég spila blak tvö kvöld í viku og hef gaman af öllu
íþróttastarfi, þá ekki síður að stússast í kringum það
og fylgjast með.
Ég prjóna líka mikið, get ekki setið fyrir framan sjón-
varp án þess að vera með eitthvað á prjónunum.
En skólinn er þó auðvitað mitt aðal áhugamál og
hlutverk.
L-B: Hvernig líkar þér svo nýja starfið hér sem
skólastjóri?
Ástæða fyrir því að ég sótti um skólastjórastöðuna
hér í Bláskógabyggð var að mig langaði að komast
aftur í sveitasamfélagið og ég er mjög sátt við að
hafa fengið þetta tækifæri og finnst gott að búa hér í
Reykholti.
Skólastjórastarfið er margslungið og fjölbreytilegt
starf, ekki síst þegar skólinn er rekinn á tveimur
Stórfjölskyldan: Standandi fyrir aftan, talið frá vinstri: Ólöf Björk Sigurðardóttir, Hörður Jóhannsson, Hrund, Kári
Valgeirsson, Jakob Unnar Sigurðarson, Sigríður Runólfsdóttir, Brynja Valgeirsdóttir, Valgeir Harðarson, Sigurður
Örn Jakobsson, Auður Magnea Sigurðardóttir, Sigþrúður Harðardóttir. Sitjandi fyrir framan Ólöf Karlsdóttir og
Ólafur Sigursveinsson.