Litli Bergþór - 01.12.2012, Blaðsíða 35

Litli-Bergþór 35
Í smá dal einum kringlumynduðum sem heitir Kúa-
dalur settust allir að snæðingi, og hestarnir gæddu sér
á kjarngóðu grængrasinu.
Þá voru flutt eftirfarandi:
Prúðir drengir, vífa val.
Velkomin í dag.
Hér í fjalla svásnum sal
syngjum gleði lag.
Önd og Tunga hefji hljóm
hryggð og böl sé fjær.
Náttúran sinn unaðs óm
á undra hörpu slær.
Á helgum stað á helgri stund.
Vér heitin unnum fyrir.
Nú vér höldum hérna fund
Við hásals opnar dyr.
Við fjallkonunnar friðarbarm
í fögrum blóma reit.
Studd alföðurs ástar arm.
Hver annað betra veit.
Njót þú gleði víf og ver
en vík ey neinum hryggð.
Besti gleðigjafinn er
góðvild, trú og dyggð.
En fjölþætt eru meinin manns
og marga þreyta býr
leiddu sól í sálu hans
er sólarvana býr.
Nú senn vér héðan höldum heim
vor heima rækjum störf.
Allt hið fagra er gafst þér geym
Gleði og starfs er þörf.
Geym þú fjallsins fögru mynd
og fossins huldumál.
Geym þú tæra gleði lind
og Guð í þinni sál.

Reglusystkin reynist sönn
og regluhugsjón trú.
Hvorki í leik né lífsins önn
af leið hins rétta snú.
Í starfi aldrei verið veil
víða er brautin hál.
Á næsta fundi hittumst heil
með helgan loga í sál.

Ég hef orðið nokkuð fjölorður um stúkuna Bláfell og
ber tvennt til þess. Mér er þessi þáttur næsta hug-
næmur og í öðru lagi það, að lítil gögn eru til um líf
og starf þessarar stúku, því fundarbækur hennar og
önnur skjöl fórust í eldsvoða þegar íbúðarhúsið á
Torfastöðum brann. En þar voru jafnan geymd:
Stofnskrá, einkenni, skjöl og bækur og fleira sem
stúkunni tileyrði. Og þar á heimilinu hélt hún oft
fundi sína, en stundum að Vatnsleysu í húsi Ung-
mennafélagsins sem var lánað endurgjaldslaust.

Þess ber með þakklæti að minnast.
Það er von
að vínbúðin sé í
Hreppnum, þar var
engin stúka.