Ægir - 01.08.2001, Síða 28

28
S Í L D V E I Ð A R O G - V I N N S L A
suður- og suðausturströnd lands-
ins. Árlegur afli íslensku sumar-
gotssíldarinnar hefur verið að
aukast síðasta aldarfjórðunginn og
hefur verið nálægt 100 þúsund
tonnum undanfarin ár. Hrygn-
ingarstofninn er talinn vera sem
næst 580 þúsund tonn. Íslenska
sumargotssíldin hrygnir við botn-
inn, oftast á grófum sandbotni eða
hörðum botni innan um grjót og
möl. Sumargotssíldin hrygnir að-
allega í júlí á 75-150 metra dýpi
undan Suðvestur-, Suður- og Suð-
austurlandi.
125 þúsund tonna kvóti
Fyrir síðasta fiskveiðiár úthlutaði
sjávarútvegsráðuneytið 110 þús-
und tonnum af íslenskri sumar-
gotssíld en samtals urðu veið-
heimildirnar 118 þúsund tonn
þar sem átta þúsund tonn voru
færð frá fyrra fiskveiðiári.
Í fyrra hófust síldveiðarnar út af
sunnanverðum Austfjörðum og
veiddust þá 5.400 tonn. Í október
veiddust tæp 37 þúsund tonn,
mest út af Austfjörðum. Í nóvem-
ber 2000 veiddust tæplega 28
þúsund tonn, tæplega 60% aflans
fengust út af Vesturlandi en rösk
40% út af norðanverðum Aust-
fjörðum. Í desember veiddust um
16 þúsund tonn af íslensku
sumargotssíldinni, 80% fyrir
vestan en 20% fyrir austan. Í jan-
úar á þessu ári nam veiðin 14.500
tonnum, 94% aflans fengust fyrir
vestan en 6% fyrir austan land.
Heildaraflinn á síðustu síldar-
vertíð var því um 100 þúsund
tonn, þar af veiddust 72 þúsund
tonn í nót en 27 þúsund tonn í
flotvörpu. Rösklega 60% heildar-
aflans í fyrra fóru í bræðslu.
Á þessari síldarvertíð leggur
Hafrannsóknastofnunin til að
leyfilegur hámarksafli á íslensku
sumargotssíldinni verði um 125
þúsund tonn, sem er 15 þúsund
tonna aukning frá fyrra ári.
Skorin niður veiði úr
norsk-íslenska
stofninum
Norsk-íslenski síldarstofninn
hrundi í kringum 1970 en árið
1966 hafði heildarveiðin verið um
tvær milljónir tonna, þar af
veiddu Íslendingar um 700 þús-
und tonn. Árið 1994 hófu Íslend-
ingar aftur veiðar úr norsk-ís-
lenska síldarstofninum og veiddu
það ár 21 þúsund tonn. Á næstu
árum veiddu Íslendingar 165-222
þúsund tonn, aðallega á alþjóð-
legu hafsvæði en einnig innan
færeyskrar lögsögu. Á síðasta ári
var heildarveiðin úr norsk-ís-
lenska stofninum 1,2 milljón
tonna, þar af veiddu Íslendingar
186 þúsund tonn, aðallega í Jan
Mayen lögsögunni.
Bærilega vel hefur gengið að
byggja hrygningarstofninn upp á
nýjan leik, hann er talinn vera rétt
um 6 milljónir tonna, en var um 9
milljónir tonna árið 1997. Á
fundi í Danmörku fyrir réttu ári
var það niðurstaða Norðmanna,
Rússa, Íslendinga, Færeyinga og
Evrópusambandsins að takmarka
veiðarnar úr stofninum í ár við
850 þúsund tonn. Þar af er hlutur
Íslendinga 132 þúsund tonn.
Jafnframt var samþykkt að heild-
arveiðin verði svipuð á næsta ári
sem þýðir þá væntanlega að Ís-
lendingar fái í sinn hlut um 130
þúsund tonn.
Síld í veislubúningi
2 sneiðar hveitibrauð - smjör - 1 flak kryddsíld
100 g rækju- eða humarostur - 2 msk olíusósa
1/2 tsk karrí - 1 stífþeytt eggjahvíta
Leggið síld og nokkrar lauksneiðar á smurðar brauð-
sneiðar. Hrærið saman ost, olíusósu og karrí og bland-
ið stífþeyttum eggjahvítum gætilega saman við. Þekj-
ið síldina með ostakreminu og bakið brauðið í 225
gráðu heitum ofni í u.þ.b. 10 mínútur. Berið brauðið
fram á salatblaði.
(Osta- og smjörsalan - Úr uppskriftabæklingi nr. 27)
Síld með rækjuosti
8 síldarflök - örlítið salt, pipar og karrí
2 dósir rækjuostur, 200 g - 1 egg
brauðmylsna - smjör - 2 lauka
Sósa:
2 1/2 dl rjómi eða mjólk
1/2 dl tómatkraftur
salt
pipar
Stráið salti og pipar yfir síldarflökin og smyrjið þau
með rækjuosti. Leggið flökin saman tvö og tvö, veltið
þeim upp úr eggi og brauðmylsnu og steikið þau
ljósbrún á báðum hliðum við fremur vægan hita.
Brúnið lauk og leggið yfir flökin. Sjóðið rjóma og
tómatsósu í nokkrar mínútur, kryddið með salti og
pipar og berið sósuna með síldinni.
(Osta- og smjörsalan – Úr uppskriftarbæklingi nr. 27)
Hér keppast menn við að frysta síld,
en þessi mynd var tekin í Skinney-
Þinganesi undir lok september.
Mynd: Sigurður Mar Halldórsson.