Ægir - 01.10.2003, Blaðsíða 35
35
orðið mjög hátt. Okkar viðskipta-
vinir eru fyrst og fremst í laxeldi
og það hefur ekki gengið mjög
vel að undanförnu. Þess vegna er
ekki óeðlilegt að verð hafi gefið
eilítið eftir. Hins vegar hefur
verð á lýsi nánast staðið í stað,”
segir Sólveig. Auk þess sem
fiskimjöl fer í fiskeldisfóður er
það m.a. selt í kjúklinga- og
svínafóður og gæludýrafóður.
„Kjúklingafóðurmarkaðurinn
hefur dregist saman, enda hefur
kjúklingarækt í Evrópu átt í
nokkrum erfiðleikum að undan-
förnu vegna aukins innflutnings á
kjúklingi frá Austur-Asíu, eink-
um Thailandi,” segir Sólveig. „En
þegar á heildina er litið höfum
við í gegnum tíðina verið að sjá
miklar sveiflur á þessum markaði
og þær hafa stundum numið 2-
300 dollurum á tonnið. Slík
sveifla er hins vegar ekki í gangi
núna, því fer víðs fjarri.”
Jurtaprótein og jurtaolíur
Þrengingar í fiskeldinu hafa gert
það að verkum að eldisfyrirtæki
og raunar einnig fyrirtæki sem
framleiða fóður fyrir t.d.
kjúklingaiðnaðinn, hafa farið í
aðrar fóðurlausnir. Þannig hafa
fyrirtækin í auknum mæli keypt
jurtaprótein og jurtaolíur. „Þessar
afurðir, sem eru unnar úr soja,
hafa verið á hraðri uppleið og ég
hef ekki séð jafn mikinn vöxt í
þeim síðustu sex ár. Það er ljóst
að við þurfum að fylgjast með
þessari samkeppni. Hins vegar
hafa verið töluverðir þurrkar á
þeim svæðum þar sem jurta-
prótein eru helst framleidd og
það hefur leitt til verðhækkunar á
þessum afurðum, sem aftur styrk-
ir okkar stöðu í fiskimjölinu.”
Ekki stórir á heimsmarkaði
Heimsframleiðsla á mjöli hefur
dregist töluvert saman á undan-
förnum árum. Veiðar á bræðslu-
fiski undan ströndum Perú og
Chile voru mun meiri fyrir
nokkrum árum en þær eru í dag
og framleiðslan eftir því. Veiðar
Íslendinga á loðnu og kolmunna
hafa ekki afgerandi áhrif á mark-
aðnum, enda erum við ekki stórir
á heimsvísu. Hins vegar telur Sól-
veig að verulegur samdráttur í
loðnuveiðum í Barentshafi, geti
komið Íslendingum til góða. En
mestu jákvæðu áhrifin koma þó
klárlega fram í sölu á frystri
loðnu til Austur-Evrópu – Rúss-
lands og Úkraínu. Ef þeim við-
skiptum verður að verulegu leyti
beint til Íslands, má búast við að
mikið verði fryst af loðnu á kom-
andi vetrarvertíð.
Ekki líkur á verð-
hækkunum á mjöli
„Þegar á heildina er litið hefur
verið minna framleitt á þessu ári
af fiskimjöli í helstu framleiðslu-
löndum heimsins. Almennt ger-
um við ekki ráð fyrir framleiðslu-
aukningu á næsta ári og ég á fast-
lega von á svipuðum verðum á
mjölafurðum á næsta ári og í ár.
Þrátt fyrir minni framleiðslu sýn-
ast mér mjölverð ekki vera á upp-
leið. Hins vegar geri ég ráð fyrir
að áfram fáist gott verð fyrir lýsi.”
M J Ö L - O G L Ý S I S I Ð N A Ð U R I N N
Sólveig Samúelsdóttir er fyrsta konan sem gegnir embætti forseta Alþjóðsamtaka fiskimjölsframleiðenda.
Mynd: Sverrir Jónsson.