Ægir - 01.11.2005, Síða 48

48
S J Ó M E N N S K A
hinsvegar raunin að ráðamenn
skilji og skynji þá þróun sem rýrt
hefur með svo afgerandi hætti
kjör sjómanna þá hlýtur maður að
velta því fyrir sér hvort stjórnar-
herrarnir meti það hreinlega sem
ásættanlegan fórnarkostnað að
sjómannastéttinni blæði til að
viðhalda þessu margumrædda
góðæri. Haldi sem horfir með
miklu framboði á vel launuðum
störfum í landi á sama tíma og
tekjur sjómanna hrynja þá þurf-
um við ekki að spyrja að leikslok-
um. Hætti menn að sjá veruleg-
an, afgerandi launalegan ávinning
af sjómennsku umfram önnur
störf, þá fer ekki nokkur maður á
sjó. Svo einfalt er það.“
Reyndum sjómönnum fækkar
Árni benti á að reyndum sjó-
mönnum, ekki síst skipstjórnar-
mönnum, hafi farið fækkandi
undanfarin ár. Meðalaldur skip-
stjórnarmanna á farskipum sé nú
55 ár og því sé augljóst að miðað
við alltof hæga endurnýjun í
stéttinni stefni í mikið vandamál
í fiskiskipaflotanum. „Það þarf
enginn að vera hissa á því þótt
það gerist æ algengara um þessar
mundir að skip komist ekki til
veiða vegna manneklu. Það þarf
heldur enginn að láta sér koma á
óvart þótt ákveðnir aðilar séu
farnir að leiða hugann til þess að
næsta skref í átt til hagræðingar í
íslensku efnahagslífi felist í því að
yfir íslenska flotann flæði sjó-
menn af erlendum uppruna og
reyndar er sú þróun þegar hafin
að mér er tjáð,“ sagði Árni og gat
þess að það væri engu líkara en að
svokölluð væntingarvísitala væri
orðin aðal drifkrafturinn í þróun
og vexti efnahags og peningamála
Íslendinga nú um stundir. „Í
mínum huga eiga íslenskir sjó-
menn og samtök þeirra í vök að
verjast svo um munar um þessar
mundir og staða stéttarinnar nú
er alvarlegri en verið hefur í háa
herrans tíð.“
Verður að tryggja sjómönnum
viðunandi launakjör
Árni sagði að hvað sem liði
óvenju erfiðri stöðu fiskimanna
um þessar mundir mættu menn
ekki missa sjónar af þeirri stað-
reynd að Íslendingar búi yfir auð-
æfum sem fólgin séu í fiskistofn-
um í hafinu umhverfis landið.
„Hvað sem líður umræðum um
uppbyggingu fiskistofnanna, nýt-
ingarréttinn eða eignarréttinn og
afkomu sjávarútvegsins á hverjum
tíma þá breytir það ekki þeirri
staðreynd að auðæfin í hafinu
umhverfis okkar ástsæla land
verða lítils virði ef ekki eru til
staðar reyndir fiskimenn til að
sækja þessi verðmæti í greipar
ægis. Þeir sem ætla sér í framtíð-
inni að nýta fiskimiðin hljóta að
gera sér glögga grein fyrir því að
til þess að viðalda stéttinni með
þeirri þekkingu og reynslu sem
til staðar er hjá íslenskum fiski-
mönnum þá þarf að tryggja þeim
launakjör sem duga til þess að
vekja og viðhalda áhuga hæfra
einstaklinga til þessara sérhæfðu
starfa. Annars gengur dæmið ekki
upp.“
Þurfum vel menntaða
skipstjórnarmenn
„Í öðru lagi skulum við hafa það
hugfast að Ísland er eyja norður í
dumbshafi. Ef við ætlum að
standa undir nafni sem sjálfstæð
þjóð þá verðum við til framtíðar
að eiga vel menntaða íslenska
skipstjórnarmenn, bæði til að
gæta efnahagslögsögu okkar og
sjá til þess að til landsins berist
öll þau aðföng sem á þarf að halda
í velmegunarþjóðfélagi nútímans.
Eyþjóð sem á allt sitt undir
öðrum þjóðum varðandi farm-
flutninga til og frá landinu, sjálf-
stæði og framtíð slíkrar þjóðar er
engan veginn nógu trygg í við-
sjárverðum heimi. Persónulega
tel ég til framtíðar meira öryggi
fólgið í því fyrir þjóðfélagið að
tryggja fjölgun íslenskra skip-
stjórnarmanna hjá skipafélögun-
um fremur en að stóla á fjórar
bandarískar herþotur á Keflavík-
urflugvelli.
Miðað við legu landsins og
stöðu þess í samfélagi þjóðanna
þá verða siglingar og sjávarútveg-
ur óumdeilanlega einn af veiga-
mestu hornsteinum samfélagsins
um ókomna tíð,“ sagði Árni
Bjarnason á þingi Farmanna- og
fiskimannasambandsins.
Í forgrunni er Georg Lárusson, forstjóri Landhelgisgæslunnar. ins og fyrrverandi forseti Farmanna- og fiskimannasambandsins, var að sjálf-
sögðu mættur til að fylgjast með þinginu.
aegir11_des2005.qxd 16.12.2005 15:47 Page 48