Ægir - 01.02.2011, Síða 33

33
F I S K V I N N S L A
Þarna erum við að sérvinna
dýrasta hluta fiskflaksins á
nákvæmlega þann hátt sem
viðskiptavinurinn sækist eftir
og hann fær vöruna inn til
sín eins ferska og mögulegt
er. Kílóaverð í ferskum fiski
er það hæsta sem fæst fyrir
fiskafurðir í dag en þetta er
líka vinnsla sem krefst stöð­
ugleika í afhendingu, gæðum
og öðrum þáttum,” segir
Ágúst Torfi en stærstur hluti
aflans sem unninn er í
vinnsluhúsinu á Akureyri
kemur af skipum Brims. Þetta
segir hann skipta miklu máli,
bæði til að tryggja stöðug­
leika í vinnslunni en einnig til
að tryggja að samfella sé í
gæðum og meðferð afla allt
frá veiðislóð til enda virðis­
keðjunnar, þ.e. að viðtakanda
erlendis. Hráefni er að hluta
einnig keypt af mörkuðum til
landvinnslunnar hjá Brimi en
Ágúst Torfi segir staðreynd
að of mikið sé um fisk á
mörkuðum sem ekki hafi
hlotið þá meðferð og kæl­
ingu sem nauðsynleg er á
hráefni til jafn kröfuharðrar
vinnslu og ferskfiskvinnslan
er.
„Við flytjum ferka vöru
bæði með flugi og skipum og
þar ræður mestu hvar í Evr­
ópu viðskiptavinurinn er og
hvernig hann vill fá vöruna til
sín. En við erum að fást við
mjög skamman líftíma á
ferskri vöru og því er lykilat­
riði að meðhöndlunin sé
fyrsta flokks strax í byrjun og
alla leið. Ferksleikinn er það
atriði sem við erum að glíma
við alla daga í okkar starfi og
það er eilífðarverkefni að
reyna að gera sífellt betur í
þeim þætti,” segir Ágúst Torfi.
Að gera betur fyrir Ísland
Stöðug umræða er um fisk­
veiðistjórnunina en Ágúst
Torfi segir hana hluta af
heildarleikreglum sem grein­
inni eru settar hverju sinni.
Hvort sem um sé að ræða
reglur um veiðar eða vinnslu
á sjávarfangi þá sé mikilvæg­
ast að þær miði alltaf að því
að auka verðmæti þess.
„Gróflega sagt var sjávarút­
vegur að skapa um 210 millj­
arða króna í tekjur árið 2009
og að mínu mati verða bæði
stjórnvöld og fyrirtækin í
greininni að vinna stöðugt að
því að hækka þessa tölu. Ég
held að augljóslega þurfi ekki
að hvetja fyrirtækin til þessar­
ar hugsunar því þeirra hagur
er að auka verðmætin. Hins
vegar sjáum við dæmi um
breytingar á reglugerðum hjá
stjórnvöldum sem virðast
ekki hafa þetta markmið og
geta hreinlega orðið til að
draga úr verðmætasköpun­
inni. Það er ekki gott fyrir Ís­
land og má ekki gerast. Að
mínu mati hefur þróun í
landvinnslu, t.d. vinnsla í
verðmætar ferskar afurðir,
sýnt fram á að starfsfólki í
sjávarútvegi er umhugað um
að gera sem mest úr því sem
veiðist úr sameiginlegri auð­
lind okkar í sjónum. Það er
landinu til hagsbóta, fólkinu
sem fær tekjur af vinnslunni
og fyrirtækjunum sem starfa í
greininni,” segir Ágúst Torfi
Hauksson, framkvæmdastjóri
landvinnslu Brims á Akureyri.
Grunnur að góðu hráefni er lagður með meðhöndlun úti á sjó. Ágúst Torfi segir
bersýnilega auðveldara að ná árangri á þessu sviði þegar veiðar og vinnsla séu á
sömu hendi.
Bitavinnsla er þungamiðjan í vinnslunni og bitarnir fara til viðskiptavina ýmist
frosnir eða ferskir.