Tímarit Máls og menningar - 01.11.1967, Blaðsíða 66

Tímaril Máls og menningat
25/9 1899
Hæstvirti góði vin!
Karl Kíichler biður þig að gjöra sér þann greiða, að senda sér af „Jóni
Arasyni“ það sem prentað er — örk eptir örk eins og ferðir falla. Hann
hefur sem sé fengið hjá mér handrit af leiknum, og ætlar að þýða hann á
þýzku, en óskar að geta séð hann og lesið sem fyrst (og áður eða jafnóðum
og hann þýðir) á prenti. Þetta veit jeg þér gerið fyrir hann. Jeg hjálegg
adressu hans. 1 öðru lagi biður liann að prentuð sé hinumegin á titilblaði
leiksins, hjálögð yfirlýsing á þýzku ■— til þess að ekkert íllt hljótist af því,
að við Islendingar erum ekki í Berner-Conventioninni um rétt rithöfunda,
ete. Hann vill partout, að orðin sé correcl prentuð.
Gott væri að heyra, að J. A. sé kominn í pressuna. Þó verður það að vera
eptir yðar hentisemi.
Segið mér með Skálholti hvort jeg megi vera svo djarfur að senda ávísun
til yðar upp á þær 100 kr. sem eptir eru?
Maður er í æfilöngu ergelsi með munn og maga.
Árlangt segi jeg ekki lausu, og ef til vill ekki að vori, því hús mitt er
enn svo þungt, að jeg má einskis í missa fyrst um sinn. En ástarþakkir yður
og öðrum vinum og velunnurum.
(Hripað í myrkri) Beztu kveðju frænku og frændþjóðinni á pallinum!
Með beztu kveðjuóskum
yðar með virðingu og vinsemd
Matth. Jochumsson.
Þurfið þið par tunnur af kartöflum. Við höfum þær ágætar í ár.
Til Theodoru Thoroddsen
12 maí 1911.
Elskulega frændkona!
Gvu’laun fyrir Ellu, sjálfan mig og alla mína, sem þú hefur einhvern tíma
náð til! Þú ert yndæl kona og ættarsómi, blómi og rjótni í ættinni — allt
eins og gullið hún systir þín! Guð margblessi ykkur í aldir fram. Að vera
ágæt ættmóðir, það er stórartað, það er meira en vera ráðherrafrú (sem
þú reyndar vonandi verður!) Skömm var að þeim að svíkja mann þinn í
trygðum. Svei öllu þeirra maskepíi. Það er varla ég vildi þiggja tignina
þó þeir bæðu mig grátandi, því hver lifandi manneskja mundi ábyrgjast
mér, að þeirra skælur væri annað en krókódílatár! En — nú farið þið
hjónin að skoða ríki afa okkar Göngu-Hrólfs! Eg tel sjálfsagt þú fylgir
272