Fréttablaðið - 16.04.2015, Blaðsíða 16

16. apríl 2015 FIMMTUDAGUR| FRÉTTIR ALÞINGI | 16
Eygló
Harðardóttir
Um fundarstjórn
forseta.
„Þingmenn eru
oft ósáttir við svör
ráðherra, en þetta var
samt sem áður svar.
Ég verð að fá að beina
ákveðinni spurningu
til þingmannsins:
Hver er ástæðan fyrir
því að hún er svona
ergileg? Getur fólk
ekki samglaðst okkur
framsóknarmönnum
að hafa verið með
gott, gleðilegt og
árangursríkt flokks-
þing þar sem við
samþykktum mörg
góð mál? Mér finnst
eiginlega skorta
svolítið á gleðina hjá
þingmönnum.“
Björt Ólafsdóttir
Um náttúrupassa.
„Málið er svo búið
að það er algjörlega
óundirbúið af hendi
ráðherra. Það er
þannig að óeining
er um það þvert á
flokka og ljóst er að
atvinnuveganefnd
mun ekki geta afgreitt
málið frá sér af því að
það er enginn sam-
mála því. Hvað eigum
við þá að gera? Svona
er staðan. Ég vil segja
það hér áður en þingi
lýkur að ég mun
vísa því algjörlega til
föðurhúsanna þegar
ferðamannastaðir
verða farnir að láta á
sjá af því að ekki er
veitt fjármagn í upp-
byggingu þeirra vegna
þess að ferðamanna-
passinn svonefndi er
ekki afgreiddur. Það
er ekki vegna þess
að stjórnarandstaðan
standi sig ekki, það er
(forseti hringir) vegna
þess að meiri hlutinn
kemur illa undirbúinn
hingað inn í þingsal.“
Hafi ríkisstjórnin vonast eftir því
að með bréfi Gunnars Braga Sveins-
sonar utanríkisráðherra til Evrópu-
sambandsins, um að Ísland liti ekki
lengur á sig sem aðildarríki, væri
umræðum um ESB lokið í bili, er
ljóst að sú von var á sandi reist.
Allur þriðjudagurinn fór í umræð-
ur um tillögu stjórnarandstöðunn-
ar um þjóðaratkvæðagreiðslu um
framhald aðildarviðræðnanna og
með því fór einn af 19 þingfundar-
dögum sem eftir eru á starfsáætl-
un þingsins í umræður um mál sem
átti að vera lokið.
Katrín Jakobsdóttir, formaður
Vinstrihreyfingarinnar – græns
framboðs, mælti fyrir málinu. Þar
gerði hún grein fyrir tillögunni:
„Okkar tillaga snýst hins vegar
ekki um hvort taka eigi efnislega
afstöðu til Evrópusambandsins
eða ekki. Hún snýst um að við leit-
um leiðsagnar þjóðarinnar í þessu
máli. Það má velta því fyrir sér í
ljósi þess sem ég hef sagt að allt
frá því að Ísland varð aðili að EES-
samningnum má segja að spurning-
in um aðild að Evrópusambandinu
hafi verið lifandi í íslenskum stjórn-
málum, hún hefur verið umdeild og
til umræðu reglulega og verður það
líklega áfram. Það varð því niður-
staða mín og fjöldamargra annarra
sem teljum að hagsmunum okkar
sé betur borgið utan Evrópusam-
bandsins en innan að réttast væri
að fá einhvern botn í umræðuna,
leiða málið til lykta, og besta leiðin
til þess væri að fá þjóðina til þess
að gefa upp afstöðu sína í atkvæða-
greiðslu um samning.“
Líkt og við var að búast sköpuðust
nokkrar umræður um málið, þannig
er það alltaf þegar Evrópusamband-
ið ber á góma. Í þeim kom ýmislegt
athyglisvert fram, til að mynda
brýndi Ragnheiður Ríkharðsdóttir,
formaður þingflokks Sjálfstæðis-
flokksins, þingmenn til dáða um að
leita til þjóðarinnar.
„Mínar skoðanir eru ljósar í
þessu máli. Ég er þeirrar skoðunar
eins og ég var árið 2009 að leggja
eigi það til við þjóðina og leita leið-
sagnar hennar í þessu stóra máli.
Þess vegna fagna ég þeim sinna-
skiptum sem hér hafa orðið og von-
ast til þess að umræður um þings-
ályktunartillöguna verði í þá veru
að ræða það hvort þingheimur hefur
kjark til að leita leiðsagnar þjóðar-
innar eða hvort við ætlum að flækja
þetta mál enn og aftur í viðjum
flokka eins og við gerðum forðum.“
Sinnaskiptin sem Ragnheiður
vísar til snúast um þá staðreynd að
ríkisstjórn Jóhönnu Sigurðardóttur
kaus að bera aðildarviðræður við
Evrópusambandið ekki undir þjóð-
ina í atkvæðagreiðslu árið 2009. Í
þeirri stjórn sátu bæði Katrín og
Árni Páll Árnason, sem er fyrsti
flutningsmaður frumvarpsins.
Hann var þó fjarverandi á þriðju-
daginn.
Katrín sagði það hafa verið mis-
tök að fara ekki í slíka atkvæða-
greiðslu.
„Eins og ég hef áður sagt hér í
þessari pontu þá tel ég, eftir á að
hyggja, að það hefði verið rétt að
halda slíka þjóðaratkvæðagreiðslu
áður en lagt var af stað í þetta ferli
og ég er ekkert feimin að viður-
kenna að maður getur lært ýmis-
legt af því að vera hér og taka þátt
í stjórnmálum.“
Miðað við umræðurnar er
morgun ljóst að Evrópumálin eru
ekki horfin, þrátt fyrir vilja ríkis-
stjórnarinnar þar um. Þau eru eins
og plástur á fingri utanríkisráð-
herra sem ekki losnar af, sama hve
mikið hann hristir sína fingur.
kolbeinn@frettabladid.is
… að ræða það hvort
þingheimur hefur kjark til
að leita leiðsagnar þjóðar-
innar …
Ragnheiður Ríkharðsdóttir,
formaður þingflokks Sjálfstæðisflokksins.
Jóhanna Margrét Sigmundsdóttir,
þingmaður Framsóknarflokksins,
spurði Ólöfu Nordal innanríkisráð-
herra út í eftirlit með vistráðningum,
eða ráðningum au pair eins og það
er gjarnan kallað þar sem ungt fólk
ræður sig til starfa við ýmis verk-
efni eða hjá fjölskyldum erlendis
og dvelur þá hjá þeim, á Alþingi á
mánudag.
Jóhanna sagði í nágrannalönd-
um okkar hafa komið upp mál er
vörðuðu alvarleg brot á slíkum
aðilum. „Þar er meðal annars
verið að tala um misbeit-
ingu þess valds sem
ráðandi telur sig hafa
yfir umsækjendum,
misnotkun starfskrafta og þá þrælk-
un, misnotkun andlega og kynferðis-
lega, jafnvel mansal og
vændi. Þetta er helst
í þeim tilfellum er
ungar konur koma
frá vanþróaðri og/
eða fátækari lönd-
um til Norður-
landanna.“
Jóhanna vildi vita
hvernig eftirliti væri
háttað með slíkum
ráðningum og hvort
fagaðilar héldu utan
um þetta unga fólk. Þá
spurði hún hvort ráð-
herra teldi núver-
andi kerfi og eftirlit koma í veg fyrir
þrælkun, misnotkun á vinnutíma,
andlega og/eða kynferðislega mis-
notkun á þessum einstaklingum.
Ólöf sagði ekki gert ráð fyrir
sérstöku eftirliti af hálfu
Útlendingastofnunar með
þeim sem hingað koma til
lands til vistráðningar.
„Útlendingastofnun hefur
þó í einstaka tilvikum vísað
málum til lögreglu ef upp
hefur komið grunur um
annaðhvort mis-
notkun á au
pair-leyf-
inu eða
misnotk-
un á viðkomandi aðila sjálfum.“
Ólöf sagði það mat þeirra sem
vinna að þessum málaflokki að
núverandi reglur kæmu ekki
nægilega vel í veg fyrir
þrælkun, misnotkun og
mansal. Hún lagði áherslu á
að vinna við að endurskoða
útlendingalögin stæði yfir,
þar á meðal dvalarleyfi á
grundvelli vistráðningar.
„Tilgangurinn er að bæta
þetta umhverfi og gera það
öruggara fyrir þá sem nýta
þessi leyfi og skilvirkara
á allan hátt,“ sagði
Ólöf.
- fbj
Jóhanna M. Sigmundsdóttir spurði hvort hægt væri að koma í veg fyrir þrælkun, misnotkun og mansal:
Ekkert eftirlit með misbeitingu au pair-fólks
Stjórnarandstaðan kvartaði sáran
yfir því á mánudag að hvorugur
oddvita stjórnarflokkanna léti sjá
sig í fyrirspurnartíma, ótækt væri
að geta ekki rætt yfirlýsingar for-
sætisráðherra um áætlun um losun
gjaldeyrishafta. Það er satt og rétt
að vissulega hefði verið betra að
ráðherrarnir væru til staðar, raunar
er sú ákvörðun að vera þar ekki
sérkennileg. Skiptir þá litlu hvaða
aðrir fundir voru í boði, Sigmundur
Davíð Gunnlaugsson og Bjarni
Benediktsson leiða vinnuna og það
er þeirra að ákveða hvenær nefndir
og hópar funda um þau mál.
Það verður hins vegar ekki horft
fram hjá því að stjórnarandstaðan
er í þröngri stöðu þegar kemur að
málefnum er varða losun hafta.
Eða hvernig ætlar hún að finna sér
vígstöðu í því máli? Með því að
vera á móti haftalosun? Trauðla, en
þá stendur eftir að vera á móti því
hvernig það verður gert. Vissulega
skiptir það höfuðmáli hvernig það
verður gert, en það liggur ekki ná-
kvæmlega fyrir núna. Það eina sem
hefur kvisast út er að leggja eigi
skatt á útflæði fjármagns, stöðug-
leikaskatt.
Og líkt og kom í ljós í umræðum
á þingi á mánudag er það ekki ný
hugmynd. Helgi Hjörvar, þing-
maður Samfylkingarinnar, spurði
hvort ekki væri bara um að ræða
útgönguskattinn sem ríkisstjórn
Jóhönnu Sigurðardóttur talaði
fyrir. Líkt og áður segir á nákvæm
útfærsla eftir að koma í ljós, en í
grunninn er um þá aðgerð að ræða
að nýta skattkerfið til að takmarka
það krónumagn sem hætta er á að
flæði úr landi. Ætlar stjórnarand-
staðan að vera á móti því?
Þá stendur eftir gagnrýni á það
að forsætisráðherra hafi tilkynnt
um haftalosun á fundi framsóknar-
manna og gagnrýni á að þingið
hafi ekki verið nægilega upp-
lýst um málið. Það eru lítil atriði
við hlið þess ávinnings sem vel
heppnað afnám hafta hefur í för
með sér.
Stjórnarandstaðan í höftum vegna haftalosunar
Plástur sem ekki losnar af
Þingmenn ræddu enn á ný hvernig hátta beri viðræðum um aðild að Evrópusambandinu. Stjórnarandstaðan vill að
þjóðin fái að kjósa um hvort viðræður hefjist á ný. Ekki eru allir stjórnarliðar fráhverfir þeirri hugmynd.
UTANRÍKISRÁÐ-
HERRA Gunnar
Bragi Sveinsson
var ekki viðstadd-
ur umræðuna
á þriðjudag.
Honum gengur
þó illa að losna
við umræður um
aðildarumsókn.
FRÉTTABLAÐIÐ/VILHELM
ÞINGSJÁ
Fanney Birna
Jónsdóttir
fanney@frettabladid.is
Kolbeinn
Óttarsson Proppé
kolbeinn@frettabladid.is
GJALLAR-
HORNIÐ
AF ÞIN
GPÖ
LLU
N
U
M
K
O
LB
EIN
N
Ó
T
TA
R
SSO
N
P
R
O
P
P
É
➜ Vangaveltur um hvort
stöðugleikaskattur sé
útgönguskattur síðustu ríkis-
stjórnar lýsa ekki góðri víg-
stöðu.
1
5
-0
9
-2
0
1
5

1
0
:2
4
F
B
0
6
4
s
_
P
0
6
4
K
.p
1
.p
d
f
F
B
0
6
4
s
_
P
0
4
9
K
.p
1
.p
d
f
F
B
0
6
4
s
_
P
0
0
1
K
.p
1
.p
d
f
F
B
0
6
4
s
_
P
0
1
6
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
6
3
D
-6
2
C
C
1
6
3
D
-6
1
9
0
1
6
3
D
-6
0
5
4
1
6
3
D
-5
F
1
8
2
8
0
X
4
0
0
1
A

F
B
0
6
4
s
_
1
5
_
4
_
2
0
1
5
C
M
Y
K