Morgunblaðið - 02.12.2014, Qupperneq 36

ÞRIÐJUDAGUR 2. DESEMBER 336. DAGUR ÁRSINS 2014
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 425 ÁSKRIFT 4680 HELGARÁSKRIFT 2900 PDF Á MBL.IS 4470 I-PAD ÁSKRIFT 4470
1. Einstæð móðir komin á götuna
2. Káfaði á konu sem kastaði upp
3. Voru tilmælin beinlínis hættuleg?
4. Mannslíf minna virði en …
»MEST LESIÐ Á mbl.is
FÓLK Í FRÉTTUM
 Fyrsta sýning á Jólakabarett Sirk-
uss Íslands verður haldin á fimmtu-
daginn kl. 20 í upphituðu sirkustjaldi
í Hljómskálagarðinum. Næstu sýn-
ingar verða 5., 6., 11., 12. og 13. des.
Sirkusinn mun m.a. bjóða upp á jafn-
vægislistir, loftfimleika, jólasveina,
eld, legókubba og sundballett. Þar
sem sýningin er gædd „örlitlum full-
orðinshúmor“, eins og sirkusinn lýsir
því, er hún bönnuð innan 18 ára.
Morgunblaðið/Golli
Jólakabarett í Hljóm-
skálagarðinum
 Aðventutón-
leikar Blásara-
kvintetts Reykja-
víkur og félaga,
Kvöldlokkur á
jólaföstu, verða
haldnir í kvöld kl.
20 í Fríkirkjunni í
Reykjavík.
Blásaraserenöður
eftir J.C. Bach og W.A. Mozart verða
leiknar, þ.á m. nokkur þekkt atriði úr
óperu Mozarts, Don Giovanni.
Blásaraserenöður
á aðventutónleikum
 Heiðurskvartett trompetleikarans
og söngvarans Chet Baker leikur á
djasskvöldi Kex hostels í kvöld kl.
20.30. Kvartettinn skipa Kristbjörn
Helgason söngvari, Snorri
Sigurðarson trompetleik-
ari, Ásgeir Ásgeirsson
gítarleikari og Gunnar
Hrafnsson á kontrabassa.
Leikin verða sígræn
djasslög sem Bak-
er flutti á ferli
sínum.
Leikið til heiðurs
Chet Baker
Á miðvikudag Suðvestlæg átt 10-15 m/s, en heldur hægari þegar
líður á daginn. Úrkomulítið um landið norðaustanvert, annars él.
Á fimmtudag Suðvestlæg átt 5-10 m/s og dálítil él sunnan- og
vestantil, en bjartviðri um landið norðaustanvert. Frost 0 til 8 stig.
SPÁ KL. 12.00 Í DAG Suðvestan 13-20 m/s og rigning eða slydda
sunnan- og vestantil fyrripart, hægari og úrkomulítið norðaustantil.
VEÐUR
Darrel Keith Lewis stal sen-
unni þegar Tindastóll vann
Grindavík 102:97 í Röstinni í
jöfnum og spennandi leik í
Dominos-deild karla í körfu-
knattleik í gærkvöldi.
Darrel, sem er íslenskur
ríkisborgari og lék í þrjú ár
með Grindavík, skoraði 45
stig í leiknum og var með
81% hittni innan teigs.
Var það meira en
Grindvíkingar réðu
við. »2
Tæplega 39 ára
senuþjófur
Eygló Ósk Gústafsdóttir er líklegust
til afreka af átta íslenskum sund-
mönnum sem taka þátt í heimsmeist-
aramótinu í 25 metra laug í
Katar síðar í þessum
mánuði. Eygló er með
ellefta besta árangurinn
í heiminum í 200 m bak-
sundi á þessu ári og gæti
því blandað sér í
baráttuna um
að komast í
úrslitin á
HM. »3
Eygló Ósk í baráttu um
sæti í úrslitum á HM?
Eiður Smári Guðjohnsen verður að
öllum líkindum kynntur til leiks sem
nýr leikmaður enska knattspyrnu-
félagsins Bolton Wanderers í dag.
Hann ætti því að geta spilað fyrsta
mótsleik sinn fyrir félagið í 14 og
hálft ár þegar það mætir Reading á
laugardaginn í ensku B-deildinni. Eið-
ur lék annan æfingaleik sinn fyrir lið-
ið í gær og spilaði 90 mínútur. »1
Eiður Smári kynntur til
leiks hjá Bolton í dag?
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Steinþór Guðbjartsson
steinthor@mbl.is
Allt félagsstarf byggist fyrst og
fremst á starfi sjálfboðaliða. Sófus
Guðjónsson þekkir þetta manna best
eftir að hafa sinnt sjálfboðaliðastarfi
fyrir körfuknattleiksdeild KR í nær
30 ár. „Ég æfði og lék með KR frá
því ég var sjö ára og fram yfir þrí-
tugt, þáði bara þjónustu frá félaginu
og eftir það var kominn tími til þess
að skila einhverju til baka,“ segir
hann.
Sófus er sjálfboðaliði af guðs náð.
Hann vill ekki vera í sviðsljósinu
heldur vinna sín störf í kyrrþey. „Ég
hef fundið mig ágætlega í því að
hjálpa svolítið til í baklandinu,“ segir
hann, hógvær og lítillátur að vanda.
Hann lék körfubolta með KR á
fyrsta gullaldarskeiði deildarinnar
og hætti 1975. „Ég var svo heppinn
að vera í margföldu meistaraliði en
var bara uppfylling, því í 10 manna
liði voru sjö landsliðsmenn. Hlutverk
okkar yngri strákanna var því ekki
stórt,“ segir hann. „En ég hef alltaf
verið KR-ingur og hef notið þess að
geta látið gott af mér leiða í störfum
fyrir félagið,“ segir hann.
Miðasali og dyravörður
Eftir að leikferlinum lauk einbeitti
Sófus sér að fjölskyldunni og uppeldi
barnanna. Hann kom inn í stjórnina
1985 og var formaður í nokkur ár, en
þegar hann hætti stjórnarstörfum
tók hann að sér að hluta til umsjón
með heimaleikjum meistaraflokks
karla og hefur síðan verið innan
handar í miðasölu, selt ársmiða og
fleira. „Ég hef hangið við starf deild-
arinnar eins og viðhengi. Ósk-
astaðan er að formenn og fyrrver-
andi stjórnarmenn hafi gott sæti í
stúku á heimaleikjum en standi ekki
við dyravörslu, en ekki verður á allt
kosið.“
Sófus leggur áherslu á að ekki
megi gera of mikið úr hans hlut, en
því er ekki að neita að starf hans hef-
ur vakið athygli.
„Ég er kannski partur af umhverf-
inu,“ viðurkennir hann og bætir við
að nú virðist sem fólk hafi minni tíma
í svona sjálfboðaliðastörf en áður.
„Þetta utanumhald er á undanhaldi
og ef heldur sem horfir vakna menn
upp eftir 20 til 30 ár og botna ekkert
í því að eitthvað vantar. En miklaðu
ekki minn hlut í þessu sambandi.“
Ástríða fyrir íþróttinni hefur hald-
ið Sófusi við efnið. „Við höfum verið
með einstaklega vel mönnuð lið und-
anfarin ár og leikirnir hafa verið
skemmtilegir,“ segir hann. Hann
bætir við að yngriflokkastarfið hafi
verið öflugt og skilað sér reglulega í
nýjum leikmönnum. Eins hafi deild-
in treyst eigin mönnum til að stjórna
og þjálfa og það hafi gefist vel.
„Þetta er öðrum til eftirbreytni,“
segir hann.
Hugsjónin að gefa af sér
 Hefur verið sjálfboðaliði í bakland-
inu utan sviðsljóss í um þrjá áratugi
Morgunblaðið/Árni Sæberg
Sjálfboðaliðinn Sófus Guðjónsson er alltaf tilbúinn að starfa fyrir félagið og hefur verið drjúgur í vinnu á heimaleikjum körfuboltaliðs karla í KR í áratugi.
Alþjóðlegur dagur sjálfboðalið-
ans er á föstudag, 5. desember.
Þá er vakin athygli á óeigin-
gjörnu og mikilvægu starfi sjálf-
boðaliða.
Innan Íþróttasambands Ís-
lands og Ungmennafélags Ís-
lands eru einstaklingar búnir
undir sjálfboðaliðastörf. Sabína
Steinunn Halldórsdóttir, lands-
fulltrúi UMFÍ, segir að UMFÍ
bjóði upp á um fjögurra tíma
námskeið, þegar þess sé óskað.
„Við komum á staðinn og leið-
beinum fólki,“ segir hún. Sabína
er nýkomin frá Hvanneyri og
verður með námskeið á Vest-
fjörðum eftir áramót.
Bjóða upp
á námskeið
DAGUR SJÁLFBOÐALIÐANS