Morgunblaðið - 16.02.2015, Síða 6

6 FRÉTTIRInnlent
MORGUNBLAÐIÐ MÁNUDAGUR 16. FEBRÚAR 2015
Ársfundur 2015
Ársfundur Lífeyrissjóðs bænda 2015 verður haldinn
þriðjudaginn 3. mars 2015 í Heklu, á 2. hæð í Bændahöllinni
við Hagatorg í Reykjavík, og hefst kl. 12:00.
Dagskrá ársfundarins verður eftirfarandi:
1. Skýrsla stjórnar.
2. Kynning ársreiknings 2014.
3. Gerð grein fyrir tryggingafræðilegri úttekt.
4. Gerð grein fyrir fjárfestingarstefnu sjóðsins.
5. Breytingar samþykkta sjóðsins.
6. Önnur mál.
Tillögur til ályktunar, sem taka á fyrir á ársfundi, þurfa að berast
stjórn sjóðsins eigi síðar en viku fyrir ársfund.
Allir sjóðfélagar, jafnt greiðendur sem lífeyrisþegar, eiga rétt til
fundarsetu.
Sjóðfélagar eru hvattir til að nýta sér rétt sinn.
Óli Már Aronsson
olimar@rang.is
Líflegar umræður urðu á kynningar-
fundi sem skipulags- og byggingar-
fulltrúi Rangárþings eystra, Anton
Kári Halldórsson, boðaði nýverið um
mat á deiliskipulagstillögu á hluta
jarðarinnar Ytri-Skóga en þar er fyr-
irhugað að reisa nýtt hótel. Á fund-
inum kom fram nokkur andstaða við
staðsetningu hótelsins.
Gimlé, rannsóknarsetur Landbún-
aðarháskóla Íslands í skipulagsfræð-
um, vann óháða matsgerð á tillögunni
að beiðni sveitarstjórnarinnar. Sig-
ríður Kristjánsdóttir, lektor og skipu-
lagsfræðingur, kynnti skýrsluna og
fór yfir helstu niðurstöður í mati
rannsóknarsetursins. Ísólfur Gylfi
Pálmason, sveitarstjóri, stýrði fund-
inum og Anton Kári kynnti stöðu
málsins í skipulagsferlinu. Um 60-70
manns sóttu fundinn, sem haldinn var
í Fossbúð á Skógum.
Í skýrslu Gimlé var lagt upp með
eftirfarandi fjögur aðalatriði og þau
metin;
1. Bætir deiliskipulagstillagan að-
stöðu fyrir ferðaþjónustu og gefur
frekari möguleika á uppbyggingu
hennar?
2. Rýrir tillagan önnur landgæði á
svæðinu?
3. Er deiliskipulagið unnið með til-
liti til staðhátta?
4. Hvað má betur fara með tilliti til
innsendra athugasemda?
Niðurstöður skýrslu jákvæðar
Helstu niðurstöður óháðu matsað-
ilanna varðandi þessa þætti voru þær
að þær breytingar sem gerðar eru á
deiliskipulagi jarðarinnar Ytri-Skóga
og lýst er í tillögu dagsettri 21. febr-
úar 2014, leysi ágætlega það verkefni
að stuðla að frekari uppbyggingu á
svæðinu með áherslu á vöxt í ferða-
þjónustu, en þó séu nokkur atriði sem
brýnt sé að taka tillit til svo betur
megi fara. Þau atriði sem talin voru
að mættu betur fara voru helst talin
lega rútustæða við nýtt hótel svo að
hringakstur yrði mögulegur og að
æskilegt væri að finna varanlegri
lausn á frárennslismálum.
Ísólfur Gylfi upplýsti á fundinum
að breytingarhugmyndirnar hefðu
komið til álita eftir að áhugasamir að-
ilar um byggingu nýs hótels að Skóg-
um hefðu komið að máli við sveitar-
stjórnina. Þeir aðilar samanstóðu
aðallega af eigendum tveggja félaga:
Reykjavík Backpackers ehf. og Nít-
urs ehf.
Farfugla- og gistiheimili eru fyrir á
Skógum og er nýtt hótel til þess fallið
að auka fjölbreytileika í gistirýmum.
Samkvæmt skýrslu fyrirtækisins
Rannsókna og ráðgjafar ferðaþjón-
ustunnar, sem unnin var árið 2012,
koma um 254 þúsund erlendir ferða-
menn að Skógum ár hvert.
Þrátt fyrir jákvæða afstöðu full-
trúa Gimlé til deiliskipulagstillögunn-
ar sköpuðust líflegar umræður á
fundinum og virtist staðsetning fyr-
irhugaðs hótels vera helsta umræðu-
efnið og fá mesta andstöðu.
Fundurinn var boðaður af hálfu
sveitarfélagsins og var í raun bara
horft á deiliskipulagstillöguna sem
slíka en lítið sem ekkert var fjallað
um áhrifin af tilkomu nýs hótels á
uppbyggingu á svæðinu.
Frumhugmyndir frá fyrrnefndum
félögum gerðu ráð fyrir 10 þúsund
fermetra lóð fyrir alla aðstöðuna, m.a.
gistiaðstöðu fyrir yfir 200 manns,
veitingaaðstöðu, minjagripaverslun
og afþreyingu, þar á meðal dagsferð-
um á t.d. nálæga jökla. Reiknað er
með talsverðum fjölda ársverka á
staðnum.
Fram kom á fundinum að ef um
slíka uppbyggingu er að ræða þá
muni Skógar byggjast upp sem þétt-
býliskjarni en það er í samræmi við
áætlanir sveitarfélagsins í aðalskipu-
lagi.
Reiknað með breytingum
Ísólfur Gylfi sagði daginn eftir
fundinn að framhald málsins mundi
ráðast á fundi skipulagsnefndar
Rangarþings eystra nk. fimmtudag.
Hann taldi meiri líkur en minni á að
það yrðu gerðar breytingar á fram-
komnum tillögum við deiliskipulagið,
en þessar breytingartillögur eru við
skipulagið eins og það var samþykkt
árið 2013.
Eigendur jarðarinnar eru héraðs-
nefndir Rangárvalla- og Vestur-
Skaftafellssýslu og munu þær á end-
anum hafa lokaorðið varðandi úthlut-
un lóða á svæðinu.
Andstaða við staðsetningu
nýs hótels á Skógum
 Líflegur íbúafundur í Rangárþingi eystra um nýja deiliskipulagstillögu
Nýtt hótel Frumhugmyndir að útliti nýs hótels í Skógum. Á svæðinu hefur verið mikill straumur ferðamanna.
Morgunblaðið/Óli Már Aronsson
Skógar Á fundinum í Fossbúð í Skógum voru 60-70 manns og voru umræð-
ur líflegar. Sveitarfélagið Rangárþing eystra stóð að fundinum.
Mikill erill var hjá slökkviliðinu á
höfuðborgarsvæðinu í gær en það
hafði um níuleytið í gærkvöldi sinnt
84 sjúkraflutningum, sem telst
mjög mikið á sunnudegi.
Umferðarslys varð á Hringbraut
við Flugvallarveg um kl. 17. Að
sögn varðstjóra hjá slökkviliðinu
hafnaði bifreið á ljósastaur og var
ökumaðurinn, sem var einn í bif-
reiðinni, fluttur á slysadeild.
Auk þess var slökkviliðið kallað
út vegna tveggja vatnsleka, annar
varð í Hafnarfirði en hinn í húsi við
Hverfisgötu í Reykjavík.
Mikill erill í sjúkra-
flutningum
Ingvar Smári Birgisson
isb@mbl.is
Áhöfnin á varðskipinu Tý vann mikið
björgunarafrek á laugardagskvöld
þegar hún bjargaði alls 184 flótta-
mönnum um borð í varðskipið af
tveimur gúmmíbátum djúpt norður
af Líbíu. Auk þeirra voru 100 flótta-
menn sem ítalskt varðskip hafði
bjargað fluttir um borð í Tý og voru
því 284 flóttamenn um borð í skipinu.
Voru allir fluttir heilir á húfi til Aug-
usta á Sikiley á Ítalíu.
Yfirfullir gúmmíbátar af fólki
Fólkinu var komið í skjól um borð í
Tý og naut það aðhlynningar áhafn-
arinnar en skipið var þéttsetið.
„Fólkið var tiltölulega vel á sig kom-
ið. Uppistaðan í þessum hópi eru
ungir karlmenn, þó erum við með
eitthvað um 40 konur, þar af 4 ófrísk-
ar og eitt yngra barn. Síðan er eitt-
hvað um unglingspilta þarna innan
um líka. Þetta eru stórir gúmmíbátar
yfirfullir af fólki og það þarf ekki að
vera slæmt í sjó og þegar líður á
ferðalagið þá fer aðeins loft úr svona
bátum, þannig að þetta er ekki
skemmtileg vist í þessum bátum,“
sagði Einar H. Valsson, skipherra á
Tý, við Morgunblaðið.
Flóttamannastraumur frá Líbíu
Síðustu daga hefur fjölda fólks
verið bjargað á þessu svæði og svo
virðist sem mikið flæði flóttafólks sé
nú frá Líbíu áleiðis til Ítalíu. Varð-
skipið Týr verður í björgunar-
störfum allavega út mánuðinn en í
næstu viku ætti að liggja fyrir hvert
framhaldið verður. Frontex, landa-
mærastofnun Evrópusambandsins,
hefur óskað eftir frekari tækjakosti
til aðstoðar.
„Þetta hefur verið mikill skóli fyrir
okkur. Þetta eru allt aðrar aðstæður
og vinnuumhverfi en við þekkjum
heima fyrir,“ segir Einar, en hann
telur reynsluna geta nýst á Íslandi,
þar sem fullt er af stórum farþega-
skipum sem eitthvað geti komið fyrir
og þá nýtist reynslan í fjöldabjörg-
unum vel ef til slíks kæmi.
Týr vann enn eitt björgun-
arafrekið á Miðjarðarhafi
 Ferjaði 284
flóttamenn til
hafnar á Sikiley
Ljósmynd/Landhelgisgæslan
Björgunarstörf Varðskipið Týr flutti 284 flóttamenn til Augusta á Sikiley í
gær. Fjölda fólks hefur verið bjargað síðustu daga á leið frá Líbíu til Ítalíu.
Framsókn og flugvallarvinir í
Reykjavík styðja ekki þá tillögu að
Reykjavíkurborg taki yfir rekstur
Gistiskýlisins í Þingholtsstræti og
við Lindargötu heldur er það skoðun
flokksins að Samhjálp sé betur til
þess fallin að sjá um reksturinn.
Eftirfarandi bókun var lögð fram
á fundi velferðarráðs í síðustu viku:
„Við greiðum Samhjálp atkvæði
okkar, þar sem þeir hafa áralanga
reynslu í rekstri á Gistiskýlinu með
góðum árangri og þá er ekkert sem
áþreifanlega gefur til kynna að
Reykjavíkurborg geti sinnt þessu
verkefni fyrir lægri fjárhæð eða með
betri þjónustu en núverandi rekstr-
araðili. Við teljum kost að leyfa
frjálsum félagasamtökum að koma
að rekstri úrræða til þess að auka
fjölbreytni og val þjónustuþega.“
Samhjálp sjái
áfram um
Gistiskýlið
Morgunblaðið/Eggert
Gistiskýli Nýverið var samið um
nýtt húsnæði við Lindargötu.
 Framsókn bókar
í velferðarráði