Morgunblaðið - 16.02.2015, Blaðsíða 14

14 FRÉTTIRViðskipti | Atvinnulíf
MORGUNBLAÐIÐ MÁNUDAGUR 16. FEBRÚAR 2015
E-60 Bekkur
Verð frá kr. 59.000
Fáanlegur í mismunandi lengdum.
Gylfaflöt 16-18 •112 Reykjavik • Sími 553 5200 • solo.is
Íslensk hönnun og framleiðsla
www.facebook.com/solohusgogn
Retro borð með stálkanti
Verð frá kr. 96.000
Fáanlegt í mismunandi stærðum.
E-60 Stólar
Klassísk hönnun frá 1960
Hægt að velja um lit og áferð
Verð frá kr. 24.300
Ásgeir Ingvarsson
ai@mbl.is
Úti í hinum stóra heimi má finna
ógrynni bóka sem eiga að hjálpa
fólki að afkasta meiru, nýta tímann
betur og skara fram úr í starfi. Ís-
lenskar bækur um sama efni eru
hins vegar sárafágætar, og virðist
hér á ferðinni bókaflokkur sem nor-
ræna bókaþjóðin hefur að mestu lát-
ið í friði, þar til nýlega að Geir
Ágústsson afréð að senda frá sér
bókina The Smallest Efficiency
Guide in the World.
Geir er vélaverkfræðingur sem
hefur verið búsettur í Danmörku
um langt skeið, og undanfarin ár í
Álaborg með íslenskri konu sinni og
börnum. Hann segir hugmyndina að
bókinni hafa kviknað þegar kona
hans skrifaði afþreyingarbók í raf-
bókarformi. Geir fylgdist með ferl-
inu og miklu stappi milli höfundar
og útgefanda, og afréð að gaman
væri fyrir sig að reyna að gefa sjálf-
ur út bók, en á eigin vegum.
Úr varð að í tvö ár punktaði Geir
niður hjá sér hagnýt ráð um bætt
afköst, setti síðan í bókarform og
gaf út í samvinnu við netverslunina
Amazon þar sem kaupa má ritið
bæði í rafrænu og prentuðu formi.
„Ég bað nokkra vinnufélaga að lesa
yfir ritið og fékk góða endurgjöf
sem hvatti mig að láta verða af út-
gáfunni. Forstjórinn í fyrirtækinu
varð svo hrifinn að hann bað um ein-
tök af bókinni handa öllum stjórn-
endum fyrirtækisins,“ segir Geir
sem vinnur hjá 1.200 manna verk-
fræði- og framleiðslufyrirtæki með
starfsstöðvar í öllum heimshornum.
Efnisyfirlitið dugar nánast
Bókin er örstutt, og segir Geir það
m.a. í anda viðfangsefnis bókarinnar
að eyða ekki of mörgum orðum í að
segja einfalda hluti. Segir hann að
við liggi að það dugi að lesa efnis-
yfirlitið til að boðskapur verksins
komist til skila. „Það skýtur skökku
við að það skuli vera hægt að finna
bækur um betri afköst og bætta
tímastjórnun sem eru 300 og jafnvel
600 blaðsíður að lengd. Ég veit ekki
hver leggur í að lesa slíkt.“
Geir segir að flest það sem bókin
hans leggur til við lesandann sé í
raun almenn skynsemi og augljós
sannleikur. „En um leið er það
raunin að margt af þessum augljósu
atriðum virðist fara framhjá okkur í
daglegu amstri, og við festumst auð-
veldlega í venjum
og ósiðum sem
draga úr afköst-
unum.“
Glöggt er gests
augað, segir mál-
tækið, og gaman
að spyrja Geir að
hvaða leyti Dan-
irnir vinni og af-
kasti öðruvísi en
Íslendingar, og hvað þjóðirnar geti
lært hvor af annarri að þessu leyti.
Hann segir mikið til í þeirri stað-
almynd að Danir nýti vinnutímann
vel, afkasti miklu og álíti frítíma
sinn heilagan. „Alla jafna vill hinn
dæmigerði Dani að vinnan taki að-
eins ákveðinn hluta af vikunni og að
restin sé frí. Hann skipuleggur líka
frítíma sinn mjög vel, og langt fram
í tímann og er þess vegna mun upp-
teknari utan vinnutímans og minna
sveigjanlegur en t.d. dæmigerður
Íslendingur.“
Geir leggur þó á það áherslu að
viðhorfið og venjurnar geti verið
mjög persónubundin. Minnist hann
fyrstu misseranna hjá atvinnurek-
anda sínum þegar mikið var að gera
og algengt að starfsmenn bæði
tækju að sér yfirvinnu og væru að
störfum langt fram á kvöld. „Ég fæ
yfirleitt nokkra tölvupósta frá mín-
um yfirmanni á sunnudagskvöldum
því þá er hann að tæma pósthólfið
fyrir mánudaginn.“
Rík hefð fyrir fundahaldi
Að mati Geirs geta Danir verið
mjög „diplómatískir“ í störfum sín-
um, rík áhersla á fundi og að allir
hagsmunaaðilar fái að hafa sitt að
segja. Þetta geti verið bæði veikleiki
og styrkleiki; veikleiki að því leyti
að það hægir á ákvarðanatöku og
tími fer til spillis við fundahöld, en
styrkleiki að þvi leyti að útkoman
getur orðið betri ákvarðanataka.
Að sama skapi geta Íslendingar
speglað sig í Dönum til að finna eig-
in veikleika. Geir nefnir að Íslend-
ingum hætti til að setja sér ekki
skýr tímamörk en bæta upp fyrir
það með því að vera mjög viljugir til
að vinna mikið og lengi. Ögn meiri
forsjá og agi gæti bjargað okkur frá
því að fórna svo miklu af tíma okk-
ar.
„Danir hika líka ekki við að fjár-
festa í þeim tækjakosti sem þarf til
að leysa verkefnin hratt og örugg-
lega, en Íslendingurinn er viljugur
til að eyða tíma í vinnu frekar en
peningum í tæki. Lýsandi dæmi er
einn danskur kollegi minn sem
þurfti að moka jarðvegi úr kjall-
aranum sínum og keypti einfaldlega
færiband til að leysa verkið. Íslend-
ingur hefði hjakkað í verkinu með
skorpuvinnu og hjólbörum í nokkra
daga en Daninn eyddi peningunum í
snjöllustu lausnina og leysti verkið
af hendi á einu síðdegi.“
Skrifaði heimsins
minnstu bók um afköst
 Íslenskur verkfræðingur í Álaborg segir auðvelt að
festast í ósiðum sem dragi úr afköstum  Vinnubrögð
bæði Íslendinga og Dana hafa sína kosti og ókosti
AFP
Gæði Afköst skipta máli i öllu störfum Saffran-uppskera afganskra bænda.
Geir Ágústsson
Tölvuöryggisfyrirtækið Kaspersky
Lab áætlar að allt að 100 bankar í 30
löndum hafi orðið fyrir barðinu á bí-
ræfnum hökkurum sem kunna að
hafa stolið allt að 300 milljónum dala,
andvirði nærri 40 milljarða króna.
New York Times segir þetta koma
fram í skýrslu sem birt verður á
mánudag.
Hakkararnir notuðu aðgang sinn
til að senda fjárhæðir frá bönkum í
Rússlandi, Japan, Bandaríkjunum
Sviss og Hollandi á leppreikninga í
öðrum löndum. Vegna trúnaðar-
ákvæða getur Kaspersky ekki gefið
upp hvaða bankar urðu fyrir barðinu
á árásinni en það voru einkum skot-
mörk í Rússlandi sem hakkararnir
gengu harðast að.
Að sögn New York Times er erfitt
að meta umfang glæpsins þar sem
bankar hika við að segja frá tölvu-
árásum á kerfi sín, enda geti það
valdið þeim álitshnekki. Netglæpa-
deild Interpol í Singapúr mun stýra
rannsókn á árásinni í samstarfi við
lögreglu í þeim löndum sem árásin
náði til.
Smygluðu sér með tölvupósti
Hökkurunum hefur verið gefið
nafnið „Carbanak cybergang“, eftir
forritinu sem þeir notuðust við. Tals-
maður Kaspersky Lab segir árásina
sennilega þá háþróuðustu sem sést
hefur til þessa m.t.t. þeirra aðferða
sem notaðar voru til að fela slóð
hakkaranna. Er talið að árásin hafi
staðið yfir í tvö ár.
Virðast gerendurnir hafa brotið
sér leið inn í kerfin með því að senda
starfsmönnum bankanna tölvupóst
sem virtist koma frá samstarfs-
manni. Þegar smellt var á viðhengi
með póstinum hlóð tölvan niður for-
riti sem opnaði hökkurunum aðgang
að tölvukerfi bankans. Leituðu þeir
þvínæst uppi þá starfsmenn sem
annast peningasendingar og stjórn-
un hraðbanka, njósnuðu um tölvu-
notkun þeirra og gátu í framhaldinu
„hermt eftir“ þeim svo að færslur
hakkaranna vektu síður grunsemdir.
ai@mbl.is
EPA
Grunur Kaspersky komst fyrst á
spor hakkaranna þegar hraðbanki í
Kænugarði hóf að dæla út pen-
ingum af handahófi.
Hakkarar rændu millj-
örðum frá bönkum
 Talið eitt stærsta
bankarán sögunnar
Ríkasti maður Ítalíu, Michele Ferrero lést á laug-
ardag, 89 ára að aldri, eftir nokkurra mánaða veik-
indi.
Matgæðingar í hópi lesenda ættu að þekkja ætt-
arnafnið vel en Ferrero Group framleiðir m.a. Fer-
rero Rocher súkkulaðibitana, Nutella súkku-
laðikremið og Kinder Surprise eggin.
Foreldrar Michele stofnuðu fyrirtækið árið 1940
en hann tók síðar við rekstrinum og breytti í það
stórveldi sem Ferrero Group er í dag. Auður Mic-
hele Ferrero var metinn á 22,3 milljarða dala þegar
hann lést, jafnvirði rösklega 2.900 milljarða króna,
og var hann í 31. sæti á lista Bloomberg yfir ríkustu
menn heims.
Michele Ferrero látinn
Michele Ferrero
● Matsfyrirtækið Fitch lækkaði lánshæfiseinkunn Austurríkis á föstudag úr AAA
niður í AA+ með stöðugum horfum.
Helsta ástæðan fyrir lækkuninni er skuldastaða ríkissjóðs. Eru skuldir ríkisins
miklar og bæði horfur á að þær muni hækka meira og haldast háar í lengri tíma en
áður hafði verið gert ráð fyrir. Skerðir þetta getu ríkissjóðs til að bregðast við
skakkaföllum í efnahagslífinu.
Reuters segir að skuldir hins opinbera í Austurríki muni nema 89% af landsfram-
leiðslu á þessu ári og er það hærra hlutfall en hjá öllum öðrum þjóðum með AAA-
einkunn, að undanskildum Bandaríkjunum. Fitch hefur áður sagt að skuldahlutfall á
bilinu 80-90% sé við efri mörk þess að land hljóti AAA-einkunn.
Fitch lækkar einkunn Austurríkis