Morgunblaðið - 18.03.2015, Blaðsíða 41

MENNING 41
MORGUNBLAÐIÐ MIÐVIKUDAGUR 18. MARS 2015
Galleríið Kunstschlager, sem var til
húsa á Rauðarárstíg 1, hefur flutt
starfsemi sína í Listasafn Reykjavík-
ur í Hafnarhúsi og á laugardaginn kl.
16 verður þar opnuð Kunstschlager-
stofa. Stofan verður á annarri hæð
hússins og í henni sýnd hljóð- og víd-
eóverk, tvívíð- og þrívíð verk auk sér-
hannaðra Kunstschlager-húsgagna
sem gestir geta látið fara vel um sig í.
Í stofunni verður boðið upp á fjöl-
breytta dagskrá í ýmsum miðlum
sem tekur örum breytingum, skv. til-
kynningu. Listasafnið hefur ekki áð-
ur ráðist í samstarf af þessu tagi og
mun Kunstschlager-hópurinn, átta
myndlistarmenn og einn listfræð-
ingur, starfa í húsinu til loka sept-
ember á þessu ári. Á fimmtudögum
verða margs konar viðburðir og hægt
verður að fylgjast með Kunstschla-
ger-stofu í beinni útsendingu á
heimasíðu Kunstschlager sem opnuð
verður á næstunni. Í sumar verða
sýningar í D-salnum á vegum hóps-
ins og nýjungar á boðstólum í Safn-
búð listasafnsins.
Guðlaug Mía Eyþórsdóttir, einn
myndlistarmannanna átta, segir
Kunstschlager hafa misst húsnæðið
við Rauðarárstíg í desember í fyrra
og að Hafþór Yngvason, safnstjóri
Listasafns Reykjavíkur, hafi í kjöl-
farið boðið hópnum að flytja starf-
semina í safnið.
Kunstschlager flytur í Hafnarhúsið
Morgunblaðið/Kristinn
Flutningar Kristín Karólína Helgadóttir og Guðlaug Mía Eyþórsdóttir,
tveir liðsmanna Kunstschlager-hópsins, við galleríið á Rauðarárstíg sem
nú hefur verið lokað og starfsemin flutt í Listasafn Reykjavíkur.
Bandaríski rit-
höfundurinn Lo-
uise Erdrich,
höfundur skáld-
sagna á borð við
Love Medicine
og The Round
House, hlýtur í
ár hin þekktu
bókmenntaverð-
laun sem kennd
eru við bókasafn bandaríska þings-
ins, Library of Congress Prize for
American Fiction.
Skáldverk Erdrich hafa ekki ver-
ið þýdd á íslensku en höfundurinn
er engu að síður vinsæll og virtur
hér eins og víða um lönd. Verðlaun-
in eru, samkvæmt The New York
Times, veitt höfundum sem þykja
búa yfir einstakri rödd og „fjalla
um hina bandarísku upplifun“.
Meðal fyrri verðlaunahafa eru John
Grisham, Toni Morrison og E.L.
Doctorow.
Erdrich var fædd í Minnesota ár-
ið 1954, dóttir þýsk-bandarísks föð-
ur og móður sem er hálfu af ætt
Ojibwe-indjána. Hún hefur sent frá
sér fjórtán skáldsögur, auk ljóða,
smásagna, greina og barnabóka. Í
yfirlýsingu bókavarðar bandaríska
þingsins segir að Erdrich hafi
fjallað á einstakan hátt um líf frum-
byggja Bandaríkjanna í samtím-
anum, í texta sem er í senn „ljóð-
rænn og hrjúfur, töfrandi og laus
við tilfinningasemi, og tengir
draumaheim goðsagna Ojibwe
fólksins við oft grimman veruleika
samtímans.“
Erdrich segist skrifa frásagnir
sem hrífi sig og beita tungumáli
sem ómi innra með sér.
Erdrich hlýtur bókmenntaverðlaun
Louise Erdrich
Fyrsta tölublað bókmennta-
tímaritsins Skíðblaðnis er komið
út og er það raftímarit helgað
smásögum. Fyrsta heftið inni-
heldur fimm áður óbirtar smá-
sögur eftir jafnmarga íslenska
rithöfunda og hægt að lesa það á
slóðinni www.skidbladnir.is.
Einnig er hægt að hlaða niður
rafbókaskrá sem lesa má á
spjaldtölvum og lesbrettum. „Á
vefsíðu Skíðblaðnis er hægt að
skilja eftir athugasemdir, læka
og deila á samfélagsmiðlum þeim
sögum sem lesendum falla í geð,“
segir um ritið í tilkynningu.
Þar segir einnig að Skíðblaðni
sé dreift ókeypis til lesenda enda
sé hann til í óendanlega mörgum
eintökum. Ný hefti Skíðblaðnis
munu líta dagsins ljós fjórum
sinnum á ári og þá jafnan undir
fullu tungli.
Sögur í fyrsta hefti eiga Einar
Lövdahl, Guðrún Inga Ragnars-
dóttir, Magnús Sigurðsson, Ragn-
ar Helgi Ólafsson og Sólveig
Johnsen. Ritstjóri Skíðblaðnis er
Sverrir Norland og í ritstjórn
sitja, auk hans, Ragnar Helgi
Ólafsson og Dagur Hjartarson.
Útgefandi Skíðblaðnis er Tunglið
forlag.
Raftímarit helgað smásögum
Morgunblaðið/Árni Sæberg
Ritstjórinn Sverrir Norland.
Sýning á grafíkverkum Jóns Eng-
ilberts stendur nú yfir í menning-
arhúsinu Bergi á Dalvík. Jón fædd-
ist árið 1908 og er einn af
frumkvöðlum íslenskrar graf-
íklistar.
Á sýningunni í Bergi má sjá á
annan tug grafíkverka, tréristur
sem flestar eru frá árunum 1930-
40. Þá eru einnig til sýnis áhöld
sem Jón notaði við tréristur og
skorna tréstokka sem myndirnar
voru þrykktar af. Einnig má sjá
merki félags íslensra grafíklista-
manna sem Jón hannaði.
Að sýningunni standa Gréta
Engilberts, barnabarn listamanns-
ins, og eiginmaður hennar Hjörtur
Sólrúnarson. Sýningin stendur til
9. apríl og er opin á virkum dögum
kl. 10-17 og laugardögum kl. 12-17.
Einn frumkvöðla íslenskrar grafíklistar
Trérista Gestur virðir fyrir sér
einn af nokkrum skápum á sýning-
unni með verkfærum, myndmóti og
grafíkmynd eftir Jón Engilberts.
Norsk-enska tónlistarkonan
Sasha Siem gaf út sína fyrstu
plötu, Most Of The Boys, 2. mars
sl. en hana framleiddi, hljóð-
blandaði og -jafnaði Valgeir Sig-
urðsson í hljóðverinu Gróðurhús-
inu. Siem bjó um tíma hér á landi
og er sérstök áhugakona um ís-
lenskar bókmenntir, eins og segir
í tilkynningu vegna útgáfunnar.
Þau Valgeir hafa unnið saman
áður því Siem söng eitt aðal-
hlutverk verksins Wide Slumber
sem Valgeir samdi tónlistina við
og var sýnt á Listahátíð í Reykja-
vík í fyrra. Siem og Valgeir
munu koma fram saman á tón-
leikum 25. mars nk. í Lexington í
Lundúnum. Sasha Siem hefur
hlotið mikið lof í enskum tónlist-
artímaritum og -vefjum fyrir tón-
list sína, m.a. í NME, Clash, Q og
The Line Of Best Fit.
Ný plata frá
Íslandsvini
Lofsungin Tónlistarkonan Sasha Siem.
AUKIN ÞJÓNUSTA
VIÐ EIGENDUR SKODA
• Bílson er sérhæft og vottað þjónustuverkstæði sem
uppfyllir allar ströngustu kröfur Skoda.
• Fullkomin forgreiningarstöð þar sem greina má flest
allt um ástand bílsins og gæði.
• Bílson hefur gæðavottun Bílgreinasambandsins með gæðaúttekt frá BSI á Íslandi auk
starfsleyfis til endurskoðunar frá Samgöngustofu.
Við leitumst við að vera samstíga því besta í Evrópu.
Komið, sjáið og sannfærist.
Kletthálsi 9 • Sími 568 1090
- V E R K S T Æ Ð I Ð -
ÍSLENSKUR TEXTI
Besta leikkona í
aðalhlutverki
NÝ STUTTMYND
VERÐUR SÝND Á UNDAN
ÓDÝRT KL. 5:25
800 KR. BARNAVERÐ FYRIR ALLA
Sími: 553-2075
www.laugarasbio.is
SÝNINGARTÍMA MÁ NÁLGAST Á
LAUGARASBIO.IS, MIDI.IS OG
EINNIG Á SÍÐUNNI HÉR VIÐ HLIÐINA Á
- bara lúxus