Morgunblaðið - 11.04.2015, Blaðsíða 18

18 FRÉTTIRInnlent
MORGUNBLAÐIÐ LAUGARDAGUR 11. APRÍL 2015
Rau›arárstígur 14 · sími 551 0400 · www.myndlist.is
Opið virka daga 10–18, laugard. kl. 11–16, sunnud. 14–16
Síðasta sýningarhelgi
Sýning á veflistaverkum
Listmuna
uppboð
Erum að taka
á móti verkum á
næsta uppboð
Ásgerður
Búadóttir
Veftur
Jóhann Ólafsson
joo12@hi.is
„Af hverju beitir alþjóðasamfélagið
ekki refsiaðgerðum gegn Ísrael? Það
hefur margoft verið gert, fordæmin
eru til staðar,“ segir Mads Gilbert,
prófessor og yfirlæknir í Tromsö í
Noregi.
„Þegar ég var á Gaza heyrði ég að
refsiaðgerðum hefði verið beitt gegn
Rússum vegna ástandsins í Úkraínu.
Ég skil ekki af hverju slíkum aðgerð-
um er ekki beitt gegn Ísraelum.“
Gilbert hélt í vikunni fyrirlestur um
ástandið á Gaza á vegum Alþjóða-
málastofnunar HÍ. Hann segir að ef
trúað sé á hið góða í heiminum og að
heimurinn sé góður staður, sé erfitt að
skilja voðaverkin sem Ísraelsmenn
fremji.
„Hvernig getur ríki sem kallar sig
eina lýðræðisríkið í Mið-Austurlönd-
um framið slík ódæði? Ef maður vogar
sér að gagnrýna Ísrael er maður kall-
aður gyðingahatari. Ég væri ekki kall-
aður and-Bandaríkjamaður þótt ég
gagnrýndi stefnu þeirra í Afganistan.“
Erfiðar aðstæður
Gilbert segir að heilbrigðisstarfs-
menn á Gaza vinni við ótrúlega erfiðar
aðstæður en kvarti aldrei. „Ég er eng-
in hetja, hetjurnar eru palestínsku
heilbrigðisstarfsmennirnir. Samstað-
an og mannúðin sem þeir sýna fyllti
mig von og stolti. Þeir hafa ekki öll tól
og tæki en þeir reyna að gera það
besta úr aðstæðunum. Þeir setjast
aldrei niður og gráta, heldur leita
lausna. Vegna þeirra kem ég alltaf rík-
ari og vitrari heim frá Gaza af því ég
hef lært svo margt um manngæsku og
samstöðu.“
Þegar Gilbert var að störfum á
Gaza snemma árs 2009 sendi hann
smáskilaboð til Noregs sem varð
heimsfrægt. „Það stóð í skilaboðunum
að börn og fólk væru slösuð og deyj-
andi. Ég gerði svipaðan hlut síðasta
haust. Þá sendi ég Barack Obama
(Bandaríkjaforseta) bréf og sagði að
hann gæti breytt heimssögunni. Ef
hann hefði þegið boð mitt og dvalið hjá
okkur eina nótt hefði hann breytt
heimssögunni, því enginn með hjarta
getur komið til Gaza án þess að það
hafi áhrif á viðkomandi.“
Trúir á réttlæti
En telur Gilbert að Ísraelar og Pal-
estínumenn gætu lifað í sátt og sam-
lyndi í framtíðinni?
„Ég trúi á réttlæti. Grunnurinn hér
verður að vera sanngjörn niðurstaða
fyrir báða aðila. Sár fortíðarinnar
verða að geta gróið, það er eina leiðin
fram á við. Fyrst þurfa Ísraelsmenn
að koma fram og segja að þeir vilji
ekki fara með nágranna sína eins og
þræla, heldur jafningja sína,“ segir
Mads Gilbert.
Aðgerð Gilbert segir erfiðast að horfa á upp öll börnin sem slasist og láti lífið algjörlega að óþörfu.
Voðaverkunum á
Gaza verður að linna
 Norskur læknir vill að alþjóðasamfélagið grípi í taumana
Lambalát af völdum kampýlóbakter-
bakteríu hefur greinst á Brimnesi í
Dalvíkurbyggð og margar ær látið,
samkvæmt frétt frá Matvælastofn-
un. „Sýkist ærnar af þessari bakt-
eríu eru miklar líkur á lambaláti,
sem þá kemur fram síðustu tvo mán-
uði meðgöngu, en einnig er algengt
að ærnar hafi tal, en beri þá dauðum
eða mjög veikburða lömbum. Ekki
hefur enn tekist að tegundagreina
bakteríuna, en unnið er áfram að því.
Smitleiðir geta verið margvíslegar
s.s. eins og að fuglar mengi fóður eða
smit berist á milli gripa á húsi,“ segir
í fréttinni en lambalát af þessum
völdum er fátítt hér á landi.
Matvælastofnun segir að menn
þurfi að gæta þess að fara ekki í
óhreinum húsafötum eða stígvélum
inn í hús hjá öðrum, en best fari á því
að bændur hafi tiltækan eigin vinnu-
og skófatnað fyrir sína þjónustuað-
ila. „Lyf ná ekki að stöðva þetta og
því mikilvægt að viðhafa gott hrein-
læti s.s. góðan handþvott og verja og
ganga vel um fóður,“ segir ennfrem-
ur í tilkynningu Matvælastofnunar.
Lambalát á bæ í
Dalvíkurbyggð
Mads Gilbert er staddur hér á
landi og hélt í vikunni fyrir-
lestur um ástandið á Gaza-
svæðinu í Háskóla Íslands á
vegum Alþjóðamálastofnunar.
Hann hefur starfað sem sjálf-
boðaliði á stærsta sjúkrahús-
inu á Gazasvæðinu í Palestínu
síðan 2006 og hélt fyrst til
starfa þangað árið 1981 því
hann langaði að aðstoða hina
þjáðu. Hann segist vilja standa
með fólkinu sem er farið illa
með. Vitnar hann í orð Des-
monds Tutu, biskups í Suður-
Afríku: „Ég vil taka afstöðu því
ef þú tekur ekki afstöðu og
segist vera hlutlaus ertu í raun
að styðja níðinginn.“
Gilbert hefur verið bannað
að koma aftur til Ísrael á þeirri
forsendu að hann ógni öryggi
landsins. Ástæðuna fyrir því
segir hann vera hræðslu Ísr-
aela við það að heimurinn sjái
staðreyndir málsins.
„Ég vil taka
afstöðu“
MADS GILBERT
Störfum mun fjölga um 8.600 á
næstu þremur árum, en það er rúm-
lega 4,8% aukning frá því sem nú er.
Þetta er meðal þess sem kemur fram
í nýrri skýrslu Vinnumálastofnunar
um stöðu og horfur á íslenskum
vinnumarkaði fyrir árin 2015-2017.
Gert er ráð fyrir að atvinnuleysi
muni minnka á tímabilinu og fara
niður í 3,1% árið 2017, eða að at-
vinnulausum fækki úr 9.300 niður í
6.000.
Flestir háskólamenntaðir
Í skýrslunni kemur einnig fram að
konur séu í dag orðnar fleiri á vinnu-
markaði en þær voru fyrir hrun. Í
fyrra var fjöldi kvenna á vinnumark-
aði rúmlega 85 þúsund en fjöldi
þeirra var um 82 þúsund fyrir hrun.
Karl Sigurðsson, einn höfunda
skýrslunnar, sagði að búist væri við
að þær greinar sem stæðu undir
fjölgun starfa yrðu byggingariðnað-
ur, ferðaþjónusta, upplýsingatækni
og fjarskipti, en fyrirséð er fækkun
starfa í fjármálaþjónustu.
Háskólamenntaðir eru í dag orðn-
ir stærsti hópur vinnumarkaðarins
með yfir 75 þúsund manns, en Karl
segir að þetta sé sá hópur sem hæg-
ast gangi á þegar kemur að því að
fækka á atvinnuleysisskrá. Segir
hann fyrirséð að fleiri muni útskrif-
ast úr háskólanámi næstu ár en at-
vinnulífið kalli eftir.
8.600 störf á næstu
þremur árum
 Atvinnuleysi minnkar og verður 3,1%
Reykjavíkurborg ætlar að auglýsa
eftir samstarfi við sjálfseignarstofn-
anir, húsnæðissamvinnufélög og
leigufélög, sem rekin eru án hagn-
aðarsjónarmiða og vinna að bygg-
ingu íbúða fyrir félagsmenn sína, við
uppbyggingu á lóðum við Vestur-
bugt og á lóðum borgarinnar við
Kirkjusandsreit. Fulltrúar minni-
hlutans í borgarráði hafa ýmislegt
við þetta að athuga.
Tillaga Dags B. Eggertssonar,
borgarstjóra, um að borgarráð láti
auglýsa eftir ofangreindum sam-
starfsaðilum, var samþykkt í borg-
arráði á fimmtudag með fjórum at-
kvæðum fulltrúa meirihlutans.
Borgarráðsfulltrúi Framsóknar
og flugvallarvina greiddi atkvæði
gegn tillögunni. Hann lagði fram
bókun og og taldi órökrétt að byrja á
að auglýsa eftir samstarfsaðilum um
uppbyggingu þegar lóðum hefði
hvorki verið úthlutað né heldur lægi
fyrir hvaða leiðir ætti að fara í upp-
byggingu svonefndra Reykjavík-
urhúsa til að sem hagkvæmast leigu-
verð fengist fyrir leigutaka.
Fulltrúar Sjálfstæðisflokks sátu
hjá við atkvæðagreiðsluna. Í bókun
þeirra sagði að þeir styddu allar góð-
ar hugmyndir sem leystu úr alvar-
legum aðstæðum á húsnæðismark-
aði í Reykjavík. Þeir bentu á að í
nýrri skýrslu um svonefnd Reykja-
víkurhús væri komið til móts við
sjónarmið sjálfstæðismanna með því
að meir væri hallast að aðkomu
einkaaðila en í fyrri hugmyndum.
„Því furða borgarráðsfulltrúar
Sjálfstæðisflokksins sig á því að til-
laga meirihlutans um auglýsingu
eftir samstarfsaðilum skuli ekki
gera ráð fyrir að leitað sé leiða á al-
mennum markaði til að fá hagstæð-
asta verð fyrir leigjendur og kaup-
endur. Einungis á að leita til þeirra
félaga sem rekin eru án hagnaðar-
sjónarmiða en öðrum ekki gefinn
kostur á að gera tilboð. Þar með er
ákveðinn hluti markaðarins útilok-
aður,“ segir m.a. í bókuninni.
Skilyrt hverjir fá
að byggja húsin
Teikning/ASK arkitektar
Vesturbugt Ný byggð samkvæmt nýju deiliskipulagi. A.m.k. 80 íbúðir í
hverfi við gömlu höfnina eiga að falla undir svonefnd Reykjavíkurhús.
 Ólík afstaða til Reykjavíkurhúsa