Húnavaka - 01.05.1987, Qupperneq 54

52
HUNAVAKA
fram á styrk úr sýslusjóði. Sýslunefnd þótti sjóður sýslunnar hafa nóg á
sinni könnu þar sem var steinbryggjan á Blönduósi, sem þá var verið
að búa undir byggingu en aldrei varð til gagns eða nota. Varð aldrei af
neinum verulegum iendingarbótum á Hólanesi, enda féll niður með
flutningnum út á Skagaströnd, að félagið hugsaði fyrir þeim. Var nú
komin umræða á að gera höfn á Skagaströnd og komu verkfræðingar
til að mæla og rannsaka hafnarstæðið. Gerðu þeir uppdrátt að vænt-
anlegri höfn og kostnaðaráætlun, en þar við sat fyrst um sinn. Þótti
sýnt að ekki yrði beðið eftir höfninni um lendingarbætur á Skaga-
strönd. Var nauðsyn á þeim því brýnni, sem sjávarútvegur fór nú
hraðvaxandi í kaupstaðnum. Nú gerðist það að sjómenn og útgerðar-
menn í kaupstaðnum komu saman á fund 29. janúar 1922 til að ræða
um lendingarbætur á Skagaströnd. Var þá uppi að nafni til deild úr
Fiskifélagi íslands og nefndist fundur þessi deildarfundur. Lofuðu
sjómenn á fundinum að gefa 130 dagsverk í umbæturnar ef verslun-
arfélagið tæki að sér umsjá þessa verks og bæri annan kostnað. Fé-
lagsstjórnin var fús til þess og féllst á að vinda þegar að þessu verki.
Skyldi gera bryggju svo langt í sjó út að bátar gætu lagt þar að nokkrir
saman í senn. Bryggjan skyldi hlaðin upp af grjóti svo langt fram sem
hægt væri en þar fram af byggð upp af timbri. Verkstjóri við grjót-
hleðsluna var ráðinn Ludvik Kemp vegaverkstjóri á Illugastöðum á
Ytra-Laxárdal. Var því verki lokið um veturinn. Aðalfundur um vorið
samþykkti þessar gerðir stjórnarinnar allar og lýsti yfir ánægju sinni
um þessar framkvæmdir. Var timburverkið unnið um vorið undir
umsjá þeirra Brynjólfs Lýðssonar á Ytri-Ey og F. H. Berndsens á
Bergi. Hefir bryggja þessi orðið að ómetanlegu gagni bæði við upp- og
framskipun vara og þó einkum við úthald til fiskjar. Bryggjan fullgerð
kostaði félagið kr. 7.674,76. Styrkur fékkst til þessa verks bæði úr
sýslusjóði og ríkissjóði. Þótti mörgum það sæta tíðindum að styrkt var
af ríkisfé verk sem enginn verkfræðingur hafði nærri komið hvorki til
rannsókna eða fyrirskipana. Styrkurinn kr. 6000,00 var lagður til
hliðar og látinn mynda fyrningarsjóð.
Síðan hefir mikið verið rætt um hafnargerð á Skagaströnd og sam-
þykkt hafa verið lög og reglugerð um væntanlega höfn en með því að
verslunarfélagið hefir engan beinan þátt átt að því verður það mál
ekki rætt hér frekar.
Eins og fyrr segir réði félagið yfir allmiklum húsakosti eftir að það
hafði náð eignarhaldi á húsum Höephnersverslunar. Þó fór svo að