Húnavaka - 01.05.1987, Side 74

72
HUNAVAKA
— Þú átt gott að eiga þetta allt eftir. Það er munur eða ég og mín
kynslóð. Við erum eins og kveikur sem er að brenna upp. Allt búið,
engin stefna. Lifa og láta endana ná saman. Svona er það þegar maður
er orðinn gamall. Krakkarnir löngu farnir og maður er margfaldur afi.
Þá er ekkert eftir nema ellin.
— Vitleysa.
— Maður hefur auðvitað gaman af ýmsu. Það er gaman að fylgjast
með börnunum. Einn sonur minn er flugmaður. Hann býr vel. Annar
er í venjulegri verkamannavinnu. Það er ekki nógu gott. Hann þarf að
vinna allt of mikið og samt gengur ekkert hjá honum. Það verða víst
allir að hafa menntun núna. Þessi venjulega vinna er svo illa borguð.
En það gerði ekkert til, ef fólk fengi eitthvað fyrir krónuna. Bilstjórinn
er sammála en segir ekkert. Þetta er rétt. Það er ósköp lítið sem fæst
fyrir þá peninga sem fólk getur aurað saman. En aðrir hafa meira en
nóg.
Þeir eru komnir á Breiðholtsbrautina.
— Dóttir mín vinnur hjá sjónvarpinu. Það er víst ágæt vinna.
Konunni minni finnst alltaf svo gaman að sjá hana þegar hún er að
taka viðtöl við fólk. Mér finnst það samt alltaf dálítið skrítið. Á
eiginlega bágt með að venjast því að horfa á telpuna í þessum
„imbakassa“, eins og þið segið víst.
— Jæja, númer hvað er íbúðin þin.
— Númer 18. Dæmalaust gott. Einn stigi og svo er ég kominn. Það
þýðir heldur ekki annað. Konan mín er svo slæm í fótunum. Hún
getur ekki gengið upp marga stiga.
Bifreiðin rennur inn á planið og staðnæmist. Bílstjórinn stöðvar
gjaldmælinn. Honum finnst gjaldið of hátt. Hann sér gamla manninn
taka snjáð og lúið veski upp úr vasa sínum.
— Hvað er þetta mikið, góði minn.
Bílstjórinn hikar við. Hann veit ekki hvað er að koma yfir hann.
Hann langar hreint ekkert til að taka við peningum frá þessum manni.
Þetta er ótrúlegt, hann sem vantar þá svo tilfinnanlega.
— Ég held ég taki ekkert fyrir þetta. Ég veit eiginlega ekki hvers
vegna. Mig langar til að gera þér greiða. Þér veitir sjálfsagt ekki af
þessum peningum.
— En drengur minn, þú ert að vinna.
Ungi maðurinn brosir. Jú hann er í vinnunni og hann er líka að
byggja. Hann veit að félögum hans í bransanum myndi aldrei detta
J