Húnavaka - 01.05.1987, Page 132

130
HUNAVAKA
íslenskum heimilisiðnaði, sem bæði gagn og sómi er að. Ingibjörg telur
sjálfsagt að Halldóra taki þátt í hinni miklu heimssýningu í New York
1939.
„ísland ætlar að taka þátt í henni og þá þarft þú að vera þar og sýna
hvað kvenþjóðin á íslandi getur gert“. Hún vonar einnig að Halldóra
geti haldið sýningu á Englandi er hún kemur frá Kanada.
„Það er t.d. næstum því alveg ómögulegt fyrir mig að biðja þessi
ensku félög að standa fyrir sýningu á íslenskum heimilisiðnaði meðan
islenskar konur vilja enga samvinnu hafa við þau og án hjálpar þess-
ara miklu kvenfélaga sé ég það ekki fært“.
Nú koma bréf skrifuð 1938. „Vinkona mín, sem ég bý með á hús í
Rottingdean, nálægt Brighton og búum við þar mestan hluta ársins“.
Rætt er um þann möguleika að koma til íslands. En það er órói í fólki
og ótti við að ófriður skelli á áður en minnst varir og hún spyr hvaða
stjórnmálaflokkar fari með völd á íslandi.
Halldóra er nú komin til London frá Kanada og Ingibjörg er
hennar styrka stoð.
„Góða vinkona. Þessar línur til þess að láta þig vita, að við erum
boðnar til danska sendiherrans Reventlon greifa á mánudaginn um kl.
4,30. Prinsessan Despina Karadja kemur með mér á mánudagsmorg-
uninn um kl. 10, bæði til þess að sjá þig og lika til þess að óska fröken
Grevskott til hamingju með medalíuna. Kl. 11 eigum við að vera hjá
Mrs. Watt.
Það væri best að þú borðaðir lunch í norska K.F.U.K., svo þú getir
hvílt þig vel áður en ég kem og sæki þig í teboðið. Eg þarf að vera
heima um kl. 1, þá get ég líka hvílt mig dálítið. Vertu blessuð og sæl,
þín Ingibjörg.“
Halldóra er nú komin heim og skrifar vinkonu sinni þakkarbréf. Nú
langar hana að borga góðan greiða á ferðalögum sínum og ætlar að
heimsækja foreldra Ingibjargar. Það er fallega hugsað. Hún getur fært
gömlum foreldrum góðar fréttir af dótturinni. Hvað getur glatt þau
meira?
En Ingibjörg afþakkar það góða boð. Því stór fleinn sársauka hefir
verið rekinn í sambúð þeirra hjóna. Ingibjörg hefir lítið samband haft
við föður sinn, en við móður sína hefir hún alltaf haft gott samband.
„Síðast í gær heyrði ég frá henni.“
Á nýbyrjuðu ári 1939 segist Ingibjörg vera nokkuð hress, nema hvað
hún er slæm í augunum. Veturinn hefir verið afar harður og stöðugt