Húnavaka - 01.05.1987, Síða 171

HÚNAVAKA
169
Kristján og Margrét á ellideild Héraðshælisins á Blönduósi þar sem
Kristján dvaldi til dauðadags. Margrét lést á Héraðshælinu 1974.
Eins og áður er sagt var lífsbaráttan oft hörð á landi voru fyrr á
árum og urðu menn að sjá sér og sínum farborða, oft langt út fyrir
bæjarmörk með mikilli vinnu, er lítið var greitt fyrir. Á þessum tímum
munu vertíðarferðir Norðlendinga hafa verið enn algengar og var þá
farið suður í verið oft upp úr áramótum og haldið til Suðurnesja og
Vestmannaeyja.
Mun Kristján hafa stundað margar vertíðir og fært þannig með sér
björg í bú, er heim var komið.
Hann var annálaður göngumaður. Léttur upp á fótinn og var því
oft fenginn til sendiferða, oft um langan veg.
Útför hans var gerð frá Blönduósskirkju 8. febrúar.
Magdalena Elinborg Björnsdóttir varð bráðkvödd á heimili sínu að
Hnitbjörgum, íbúðum aldraðra á Blönduósi, 6. maí.
Hún var fædd 15. júlí 1921 að Svangrund í Engihlíðarhreppi.
Voru foreldrar hennar Björn Einarsson,
trésmíðameistari á Blönduósi frá Síðu á
Refasveit og kona hans Hallbera Jónsdóttir
frá Fróðholtshjáleigu í Rangárvallasýslu.
Hún var næst yngst sjö systkina og eru fjögur
þeirra á lífi. Ein systranna, Jónína, er búsett
á Blönduósi.
Foreldrar Magdalenu fluttu til Blönduóss
1930, þar sem faðir hennar stofnsetti tré-
smíðaverkstæði og móðir hennar starfaði
lengstum sem ljósmóðir.
Ung að árum var hún í vistum á Blönduósi
og vann um skeið á saumastofu Kaupfélags Húnvetninga. Magdalena
var hannyrðakona góð, er orð fór af.
Árið 1952 réðist hún starfsstúlka á Sjúkrahúsið á Blönduósi og ári
síðar tók hún við starfi matráðskonu. En því starfi gegndi hún eftir að
Héraðshælið tók til starfa eða allt til ársins 1984, er hún lét af störfum
sökum heilsuleysis. Átti hún mikinn þátt í að móta starfsemi Héraðs-
hælisins frá stofnun þess.
Undir stjórn hennar hafa á undanförnum 30 árum starfað í mötu-
.