Húnavaka - 01.05.1987, Qupperneq 207

HUNAVAKA
205
lýsingaskiltum á íþróttavöllinn
og margt fleira.
Enn sem fyrr stendur það fé-
laginu fyrir enn betri uppgangi
að ekki skuli fást fleiri foreldrar til
starfa fyrir félagið. Ungmennafé-
lög eru félög fyrir fólk á öllum
aldri, félög þar sem allir starfa
saman að einu markmiði, eflingu
íslenskrar æsku, í vissu þess að í
hraustum líkama búi heilbrigð
sál.
Pétur Arnar Pétursson.
GOLFFRÉTTIR.
Fyrir þá sem ekki þekkja til er rétt
að rifja upp tildrög þess að Golf-
klúbburinn Ós var stofnaður.
Blönduósshreppur fékk Reyni
Vilhjálmsson landslagsarkitekt
til að gera heildarskipulag að
útivistarsvæði upp í Vatnahverfi.
Reynir lagði fram sínar tillögur
árið 1982. Var þar meðal annars
gert ráð fyrir níu holu golfvelli.
Virtust nú allir gleyma útivistar-
svæðinu upp í Vatnahverfi þar til
JC Húnabyggð boðaði til borg-
arafundar um útivistarmál í apríl
1985. Þá um sumarið fóru nokkrir
áhugamenn um golf fram á það
við Blönduósshrepp að þeir
fengju túnið fyrir austan veginn
til afnota undir golfvöll, og voru
þar gerðar fjórar brautir til
reynslu. Reyndist áhugi það
mikill að 25. september 1985 var
Golfklúbburinn Ós stofnaður.
Stofnfélagar voru 27. Fyrstu
stjórn klúbbsins skipuðu: Stefán
Þ. Berndsen formaður, Jón Jó-
hannsson varaformaður, Jóhann
Sigurðsson gjaldkeri, Ari H. Ein-
arsson ritari og Sturla Bragason
meðstjórnandi. Golfklúbburinn
Ós hélt sitt fyrsta mót 12. október
’85 og sigurvegari varð Vilhelm
H. Lúðvíksson. Eftirtalin mót
voru haldin sumarið 1986: Einn-
ar kylfu keppni; keppt var í
unglinga-, kvenna- og karla-
flokki. Meistaramót; keppt var í
unglinga- og karlaflokki. Bænda-
glíma og Punktamót. Það er
skemmst frá því að segja að Jón
Jóhannsson sigraði í karlaflokki á
öllum mótunum. Steindór Hr.
Grímarsson sigraði í unglinga-
flokki á báðum mótunum. Halla
Bernódusdóttir sigraði í kvenna-
flokki í einnar kylfu keppni.
Ennfremur var haldin bæja-
keppni milli Blönduóss og
Skagastrandar, sem lauk með
sigri Skagstrendinga. Golfklúbb-
urinn Ós fékk golfkennara hingað
um eina helgi síðastliðið sumar,
allar líkur eru á því að hann komi
hingað aftur í sumar. Varðandi
uppbyggingu á útivistarsvæðinu
fékk Golfklúbburinn Ós Hannes
Þorsteinsson til að gera breyting-
artillögu að skipulagi golfvallar-
ins. Nú er verið að teikna golf-
skála, er gert ráð fyrir því að
gamla íbúðarhúsið verði notað að