Húnavaka - 01.05.1989, Blaðsíða 46

44
HUNAVAKA
Veisla í dalnum
Mér var sagt að það hafi verið gestkvœmt hjá þér á sjötugsafmælinu?
Nokkuð svo. Ég hafði dálítið undirbúið það og sett upp pall hérna
úti og ætlaði að vera með borð þar. Það var 14. júlí 1985, sem ég ætlaði
að halda upp á afmælið en þá kom einn versti dagurinn sem komið
hefur að sumrinu öll árin okkar hér. Það var hvítt af snjó hingað niður
um hádaginn. Um nóttina á undan var vonskuveður en fjörutíu
manns, sem var nær helmingur af fólkinu, voru þá næturgestir og
sváfu sumir í tveimur stórum ferðabílum. Þrátt fyrir veðrið kom stór
hópur af Sauðárkróki og viðar að i afmælið og voru þann dag hér
rúmlega 90 manns. Þótt ég sé enginn sérstakur selskapsmaður hafði ég
gaman af þessu. Það var ánægjulegt að fá gamla vinnufélaga í heim-
sókn, en ég á margar og góðar minningar frá þeim árum sem ég vann í
Reykjavík og á Sauðárkróki.
Nú beini ég sþurningu að Valnýju, um leið og hún býður okkur að kaffiborði
hlöðnu af alls kyns krœsingum. Hvernig hefur þér nú líkað hér á Laxárdalnum?
Alveg ágætlega. Ég hef nú kannski ekki verið jafntengd honum og
Höskuldur, því að ég er ekki alin upp hérna, en ég kann vel við mig á
Illugastöðum á sumrin og við förum alltaf hingað saman.
Og nú bætir Höskuldur við. Það hefur ekki komið fyrir að ég hafi
farið hingað einn og ég er ekki viss um að ég myndi fara hingað ef
Valný væri ekki með. Þó sé ég ekkert annað en Illugastaði, en það er
raunar í lagi núorðið. Ég hef ekkert annað að gera.
Höskuldur hefur gert fróðlega lýsingu á örnefnum í landi Illuga-
staða og fléttað þar fleiru inn i. Þessi lýsing Höskuldar fylgir hér á eftir.
Örnefni á Illugastöðum
Illugastaðir á Laxárdal í Engihlíðarhreppi eru að vestanverðu í
dalnum norðarlega. Landareignin er nokkuð stór eftir því sem þarna
gerist og aðallega fjalllendi. Það er langt síðan jörðin fór í eyði en
þarna bjuggu foreldrar minir allan sinn búskap. Bæjarhúsin og önnur