Húnavaka - 01.05.1989, Side 199

HÚNAVAKA
197
Margrét fékkst við sitthvað um ævina fyrir utan heimilisstörfin.
Hún stundaði búskap ásamt manni sínum, afgreiddi bensín á bakka
Blöndu, sinnti mörgum gestum, lék í áraraðir með leikfélaginu á
Blönduósi og saumaði marga leikbúninga. Margrét var einn af stofn-
endum Leikfélags Blönduóss. Þá söng hún í kirkjukórnum á Blönduósi
í nærri hálfa öld og var heiðursfélagi hans.
Lítillát og hógvær gekk hún til starfa og vann öll verk sín af natni.
Síðasta ferð Margrétar var til fæðingarbæjarins. Þar ætlaði hún að
rétta systur sinni hjálparhönd. Það er góð og sönn mynd til minningar
um Margréti Jónsdóttur. Hún var jarðsett frá Blönduósskirkju 25.
júní.
Sr. Stina Gísladóttir.
Ingibjörg Signý Frímannsdóttir,
Blönduósi
Fœdd 31. október 1932 — Dáin 24. júní 1988
Ingibjörg Signý Frímannsdóttir fæddist á Vigdísarstöðum í Vest-
ur-Húnavatnssýslu, þar sem hún ólst upp hjá föðurfjölskyldu sinni.
Foreldrar hennar voru Jón Frímann Sigurðsson, sem er látinn, og
Signý Ólafsdóttir, sem býr í Reykjavík.
Eftir skólaskyldu vann Ingibjörg Signý
ýmis störf hér og þar á landinu. Veturinn
1958-9 stundaði hún nám við Hús-
mæðraskólann á Löngumýri.
Þann 31. október 1962 gekk hún að eiga
eftirlifandi eiginmann sinn, Ola Aadne-
gard frá Sauðárkróki. Fyrstu búskaparár-
in bjuggu þau á Sauðárkróki, en fluttu til
Blönduóss árið 1966. Þar var Ingibjörg
Signý ötull og áhugasamur starfsmaður í
Kaupfélagi Húnvetninga um margra ára
skeið. Kraftar og hæfileikar voru vel
nýttir, svo samstarfsmenn lærðu af henni
hvað samvinna er og hvernig ganga ber til starfa með gleði og fúsleika,
því hvar sem Signý lagði lið, var hún sönn, einlæg og áhugasöm, bæði
gagnvart starfi og samstarfsfólki.