Húnavaka - 01.05.1989, Side 237

HUNAVAKA
235
Pósti og síma. Það er einróma álit
að húsnæðið sé bæði vistlegt og
fallegt.
Með tilkomu þessa húss er nú
hægt að bjóða íbúum að fá leigð
pósthólf sem eru opin alla virka
daga frá kl. 8 til 19.
Póstfax var tekið í notkun
snemma á árinu, notkun þess fór
heldur hægt af stað, en hefur
aukist í hverjum mánuði, er nú
orðinn nauðsynlegur þáttur
þjónustunnar. Faxkröfur er einn-
ig ný þjónusta sem er í mótun.
Umskráning bifreiða í formi
gíróþjónustu er nýr liður, einnig
pöntun númeraspjalda frá Bif-
reiðaskoðun íslands.
Nú hefur verið hægt að verða
við öllum símabeiðnum. Enn er
fyrirhuguð stækkun símstöðvar-
innar og sameining Bólstaðar-
hlíðarstöðvar og Blönduóssstöðv-
ar.
K. Á.
FRA húnavallaskóla.
Starfsemi Húnavallaskóla hófst
að afloknu jólaleyfi þann 4.
janúar 1988 við nokkuð óvenju-
legar aðstæður þar sem 4 kenn-
arar skólans fóru til réttindanáms
í Kennaraháskóla Islands og
stunduðu þar nám í tvær vikur.
Ágætlega gekk með forfallakenn-
ara og varð því ekki um verulega
truflun á skólastarfi að ræða. Að
öðru leyti má segja að skólahald
hafi verið með hefðbundnu sniði
á árinu.
Þann 14. janúar stóð USAH
fyrir íþróttamóti skólanna í A-
Hún. og fór það fram í íþróttasal
Húnavallaskóla. Þátttakendur
voru um 200 og fór mótið hið
besta fram og var öllum er að
stóðu til sóma og ánægju.
Nemendur í 4.-9. bekk fóru í
leikhúsferð til Akureyrar 22.
janúar og sáu leikritið Pilt og
stúlku eftir Jón Thoroddsen.
Árshátíð skólans var haldin
föstudaginn 2. febrúar og vakti
framlag nemenda mikla athygli.
en meðal annars sýndu þeir þætti
úr leikritunum Machbeth eftir
Shakespeare og Gullna hliðinu
eftir Davíð Stefánsson.
Þá komu nemendur Hafra-
lækjarskóla í Aðaldal í heimsókn
og dvöldu í skólanum 4. og 5.
mars. Slíkar heimsóknir eru jafn-
an til mikillar gleði, eykur á kynni
nemenda og vikkar sjóndeildar-
hring þeirra.
Samræmd próf í 9. bekk fóru
fram dagana 25.-28. apríl og í
framhaldi af þeim hófust vorpróf
og var skólanum slitið laugar-
daginn 21. maí. Útskrifaðir voru
úr 9. bekk 22 nemendur og hlutu
verðlaun fyrir góðan námsárang-
ur: Ágústa Þorsteinsdóttir
Reykjum, Berghildur Stefáns-
dóttir Kagaðarhóli, Monica