Húnavaka - 01.05.1995, Side 54

52
HUNAVAKA
ingu svæðisins. Þarna stutt frá var hótel við aðalgötuna. Fyrir fram-
an það sátu gestir við gamaldags borð með trébekkjum við. Þegar
ég kom þangað vék sér að mér ung og broshýr kona og bauð mér
að líta inn í hótelið, þar væri ýmislegt að sjá. Hún benti mér á gaml-
an fornfálegan stól, leðurklæddan en nokkuð slitinn sem stóð fýrir
utan hótelið og útskýrði að hann væri sögulegur gripur. Inni á hót-
elinu væru fleiri merkilegir fornir munir til sýnis og benti hún mér
á dyrnar að veitingasalnum. Eg gekk inn en hún vék sér að næsta
gesti. Þegar inn var komið blasti við stór og einstaklega viðkunnan-
legur salur og þýðir tónar bárust um hann. Þarna sat þá stúlka við
stóra hörpu og lék fyrir gestina sem voru töluvert margir. Þarna
voru á boðstólum margs konar veitingar, allt frá einu glasi af gos-
drykk upp í veislumáltíð. Tíminn leyfði mér bara gosið. Þegar ég
gekk út var broshýra konan enn að taka gesti tali en gaf sér tíma til
að spyrja mig, hvernig mér hefði litist á inni. Eg lét vel yfir og fékk
velheppnað bros að skilnaði. A leiðinni í rútuna hugsaði ég, þeir
kunna að taka á móti gestum hér.
A leiðinni til Adelaide ókum við eftir eða öllu heldur meðfram
djúpu og sérkennilegu gili sem heitir Kengúrugilið. I því er mikill
stíflugarður og uppistöðulón. Þaðan er leitt allt neysluvatn fyrir
Adelaide. Undanfarin tvö ár hafa verið gífurlegir þurrkar á þessu
svæði og sáum við hvað vatnsborðið á lóninu var mikið neðar en
venjulega. Astralir höfðu miklar áhyggjur af þessum þurrkum og
töldu vatnsborðið í lóninu vera að nálgast hættumörk. Þurrkar á
þessu svæði voru mikið áhyggjuefni fýrir bændur. Töldu þeir að ef
ekki úr rættist og við bættist eitt þurrkasumar gætu þeir ekki hald-
ið bústofni sínum nema með aðstoð frá ríkinu.
í vínkjallaranum
Um kvöldið voru allir fundargesdr boðnir í heimsókn og sam-
kvæmi í Hardeys Reynella vínframleiðsluverksmiðju sem er sú elsta
í Suður-Astralíu. Astralir sögðu okkur að þessi staður væri fæðing-
arstaður vínframleiðslunnar í héraðinu sem nú væri orðin mikil-
væg iðngrein og vínin flutt út í stórum stíl.
Okkur var ekið þangað og var það um 45 mínútna akstur frá
fundarstaðnum í borginni.