Húnavaka - 01.05.1995, Síða 83

HÚNAVAKA
81
Þannig var mál með vexti að Þorgeir hafði reitt ljá íyrir framan sig
á hestinum og hafði ljárinn skorið frá sér það sem um hann var
bundið og stungist í nárann á honum. Hvað verður til ráðs fyrir tvo
unglinga, 12 og 15 ára gamla, yfír slösuðum manni langt frá
mannabyggðum? Eitthvað varð að aðhafast. Mér varð það fyrst fyrir
að ég fór fram í engið og sótti fólkið sem þar var eftir. Það voru
Guðrún systir mín og kaupamaðurinn sem hjá okkur var þennan
dag, Lárus Guðmundsson. Lárus fór að stumra yfir bróður mínum
en ég þeysti af stað á hestinum eins og ég gat komið honum að
bænum Kálfshamri því þar var sími. Gekk ferðin vel og hringdi ég í
lækni og brá hann skjótt við og lagði strax af stað út að Tjörn.
Lór ég þá að smala saman mönnum til að bera bróður minn
heim. Systir mín kom til hjálpar og fengum við nóg af mönnum á
nágrannabæjum til fararinnar. Engar sjúkrabörur voru til taks en
þeir báru hann í pramma sem var við vatn skanunt frá slysstaðnum.
Var það að jöfnu að þegar mennirnir komu heim að Tjörn með
slasaða manninn, kom læknirinn ríðandi í hlaðið.
Ekki var kominn vegur heim að Tjörn á þessum tíma.
Þegar læknirinn fór að skoða bróður minn sagði hann það ein-
skæra heppni að ljárinn náði ekki slagæðinni því að þá hefði ekki
þurft að binda um sárið. En hann hafði misst mikið blóð og var
mjög máttfarinn.
Nú víkur sögunni til móður minnar. Hún var inni á Blönduósi
eins og fyrr er frá sagt. Varð hún lækninum samferða út að Hofi
þangað sem bílvegur var kominn. Þar fékk læknirinn hest og fylgd-
armaður hans en enginn hestur var til handa móður minni. Þurfti
hún að fara á annan bæ til að fá hest. Þegar hún kom heim var
læknirinn búinn að gera hinum slasaða manni til góða. Dáðist ég
rnjög að stillingu og ró móður minnar þegar hún kom heim og vissi
ekki hvernig aðkoman yrði. Sagði læknirinn henni að mjóu hefði
munað að lífið fjaraði út. Vakti móðir mín yfir syni sínum um nótt-
ina. Morguninn eftir var hann fluttur á sjúkrahúsið á Blönduósi.
Hann var borinn í prammanum góða niður að sjónum þar sem
trillubátur tók hann og flutti á sjúkrahúsið. Hann var viku á
Blönduósi og hresstist smátt og smátt.
Eftir þetta fékk hann góða heilsu.