Húnavaka - 01.05.1995, Blaðsíða 191

HUNAVAKA
189
Eins og títt var um unglinga á þessum árum fór Pálmi að heiman
aðeins 12 ára gamall og réðist þá að Blöndudalshólum og dvaldi
þar næstu þrjú árin. í Blöndudalshólum bjó þá Bjarni Jónasson
kennari frá Litladal og Anna Sigurjónsdóttir. Gekk hann þaðan í
barnaskóla í Finnstungu tvo vetur, þrjá mánuði hvorn vetur.
Veturinn 1930-1931 var Pálmi vetrarmaður hjá sr. Gunnar Arna-
syni á Æsustöðum og Sigríði konu hans en næstu árin var hann í
kaupavinnu á ýmsum bæjum í Langadal en heima á Vesturá á vetr-
um.
Haustið 1934 fór Pálmi í Héraðsskólann á Laugarvatni. Námið
var tveggja vetra nám en eigi lánaðist honum frekara nám að sinni
vegna fjárskorts, eins og margur unglingurinn varð að hlíta á þess-
um erfiðu árum er yfir þjóðina gengu.
En þrem árum síðar, eða haustið 1937, innritaðist hann í Sam-
vinnuskólann í Reykjavík. Nam hann þar um veturinn undir hand-
leiðslu eins áhrifamesta Islendings þeirra tíma, Jónasar Jónssonar
frá Hriflu. Lauk Pálmi prófi þaðan vorið 1938.
Sumrin 1936 - 1938 var Pálmi kaupamaður á Gunnsteinsstöðum
en haustið 1938 fluttist hann til Akureyrar og átti þar heima allt til
ársins 1947. A Akureyri var þá stopult um vinnu, en síðar á her-
námsárunum vann hann m.a. hjá setuliðinu. Vorið 1945 verður
enn breyting á högum hans er hann flytur til átthaganna og réðist
þá til Búnaðarsambands A-Hún. til vinnu á jarðýtum. Vann hann
þar næstu sumur en dvaldi á Akureyri á vetrum. Síðan flutti hann
til Blönduóss 1947 eins og áður er sagt. Vorið 1948 fluttu foreldrar
hans, er þá brugðu búskap, til Skagastrandar. Átti Pálmi heimili sitt
þar næstu árin. Réðist hann að nýju til Búnaðarsambands A-Hún.
og vann þar til ársins 1958, er hann varð að hætta vinnu, sakir van-
heilsu.
Eftir það vann hann í fiski á vetrum á Skagaströnd en hjá Vél-
smiðju Húnvetninga á Blönduósi á sumrin til ársins 1969.
Vorið 1970 flutti hann til Blönduóss þar sem hann átti heimili sitt
til dauðadags. Bjó hann næstu 17 árin hjá Ragnari Þórarinssyni og
konu hans Svanhildi Þorleifsdóttur. Á Blönduóssárum sínum vann
hann hjá Vegagerð ríkisins allt til ársins 1982. Árið 1987 flutti hann
að Hnitbjörgum, heimili aldraðra á Blönduósi.
Pálmi lést á Héraðssjúkrahúsinu á Blönduósi 78 ára að aldri.
Með Pálma Guðnasyni er horfmn sjónum vorum góður maður