Húnavaka - 01.05.1995, Page 201

HUNAVAKA
199
„Þá fór ég að hvarfla að vinnu á ýmsum stöðum,“ eins og Ágúst
orðaði það. Honum uxu snemma kraftar og áræði enda vanur mik-
illi vinnu og átökum. Fyrst var hann ráðinn að Sauðanesi til Páls
Jónssonar þar sem hann átti að stunda silungs- og laxveiði. Var
hann þar fram eftir sumri en þá snéri hann aftur fram í Svartárdal.
Ungur að árum fór Ágúst til Sauðárkróks og réðist til Kristjáns
Gíslasonar kaupmanns, sem var föðurbróðir hans. Var hann þar
vetrartíma. Var hann að nokkru við nám við unglingaskólann á
staðnum og jafnframt við járnsmíðanám hjá Halldóri Þorleifssyni.
Hjá Kristjáni Gíslasyni á Sauðárkróki var jafntímis Ágústi, Stefán
Guðmundsson, síðar Islandi. Ágústi sem var mjög söngelskur og
hafði góða söngrödd duldist ekki að þar fór afburða maður á sviði
söngsins. Sungu þeir oft saman og má vera að Ágúst hafi átt sinn
þátt í því að uppgötva Stefán sem söngvara.
Er Ágúst sneri aftur heim til átthaganna var hann í vinnu-
mennsku á ýmsum bæjum í Svartárdal og víðar. M.a. réðist hann að
Gunnsteinsstöðum til Hafsteins Péturssonar og konu hans. Dvaldi
hann þar tvo vetrarparta og gekk þar meðal annars starfa á beitar-
hús. Lauk hann jafnan lofsorði á Hafstein og heimili hans.
Minnistæðasta heimili, er hann dvaldi á að því hann sagði, var
Bollastaðaheimilið. Þar bjó þá Pétur Pétursson, kunnur ágætismað-
ur, en kona hans var Sigurbjörg Guðmundsdóttir. Taldi Ágúst
heimili þeirra mikið fyrirmyndarheimili þar sem ríkti góðvilji til
manna og dýra, eins og hann orðaði það.
Ágúst var mikið náttúrubarn og stefndi hugur hans mjög til
heiða. Hann fór fyrst 14 ára í göngur á Eyvindarstaðaheiði. Kunni
hann frá mörgu að segja frá þeim göngum bæði af mönnum og
þeim ævintýrum er víðáttur öræfanna búa jafnan yfír. I göngur fór
hann í áratugi.
Veiðimennska var honum í blóð borin. Fór hann snemma að fara
með byssur og stundaði rjúpnaveiðar um árabil. Hann mun vera
einn af fyrstu mönnum er reyndi stangveiði í Blöndu, að því er vit-
að er.
Ágúst var greindur maður og margfróður og minni hans trútt til
hinstu stundar. Var hann mjög góður sagnamaður og sagði vel og
skipulega frá svo unum var oft á að hlýða. Hann var og lesinn vel og
fylgdist með mönnum og málefnum allt til hinstu stundar.
Ágúst var söngelskur og söngmaður góður. Hann var einn af