Fréttablaðið - 14.05.2015, Síða 6

14. maí 2015 FIMMTUDAGUR| FRÉTTIR | 6
Jón, á ekki ráðherra að ráða?
„Skynsemin ræður.“
Jón Gunnarsson, alþingismaður Sjálfstæðis-
flokks, er ósáttur við það álit umhverfisráðu-
neytisins að Alþingi geti ekki breytt flokkun
virkjunarkosta nema verndar- og orkunýt-
ingaráætlun hafi verið gerð.
KIRKJAN Kirkjuþing unga fólks-
ins sendi frá sér ályktun á laugar-
daginn sem sneri að afnámi sam-
viskufrelsis presta sem heimilar
prestum þjóðkirkjunnar að neita
samkynja pörum um hjónavígslu á
grundvelli eigin samvisku. Álykt-
unin verður lögð fyrir kirkjuráð
þjóðkirkjunnar og líklega tekin
fyrir á fundi í júní. Í kirkjuráði
situr Agnes M. Sigurðardóttir
biskup auk fjögurra annarra.
Sjálf tjáði Agnes sig um málið í
viðtali við DV árið 2012 þegar hún
var nýkjörin biskup. Þá sagði hún
niðurstöðu komna í málið. „Það
eru örfáir prestar sem ekki treysta
sér til að gifta fólk af sama kyni
og þá hafa þeir fullt leyfi til þess
að hafa þá skoðun,“ sagði Agnes
og bætti því við að hún teldi þetta
ekki lengur vandamál, það væri
búið að afgreiða málið að hennar
dómi.
Kirkjuþing unga fólksins er ekki
á sama máli. „Í dag gæti samkyn-
hneigt par farið í kirkju, í þeirri
sanngjörnu von um að láta gifta
sig eins og hvert annað gagnkyn-
hneigt par. Parið er þó í þeirri
hættu á að vera hafnað af prest-
inum því hann viðurkenni ekki
ást þeirra sem tveir sjálfstæðir
einstaklingar,“ segir í greinar-
gerð sem þingið sendi frá sér um
ályktunina.
Varðandi fjölda presta sem hafa
nýtt sér eða gætu hugsað sér að
nýta samviskufrelsið segir Árni
Svanur Daníelsson, verkefnisstjóri
Biskupsstofu, þær tölur ekki liggja
fyrir. Samkvæmt könnun sem 24
stundir lét gera árið 2008, þegar
ný lög um staðfesta samvist voru
samþykkt, kemur fram að níu
prestar á landinu voru á móti því
að staðfesta samvist samkynja
pars í kirkju.
Í greinargerðinni segir að
kirkjan hafi tekið stór skref á
síðustu árum í átt að jafnrétti en
að það sé ekki tilefni til að hætta
núna. „Við getum ekki farið hálfa
leið og svo hrósað okkur og sagt
þetta vera gott.“
Sigurvin Lárus Jónsson, æsku-
lýðsprestur í Neskirkju og for-
maður Æskulýðssambands þjóð-
kirkjunnar, sem heldur utan um
Kirkjuþing unga fólksins, tekur í
sama streng. Hann segir stöðuna
í dag ekki góða. „Eins og staðan
er núna er hinsegin fólk sett í þá
stöðu að þurfa að þekkja kirkju-
pólitískt landslag þegar það leit-
ar að presti til hjónavígslu,“ segir
Sigurvin. „Agnes M. Sigurðar-
dóttir biskup hefur lýst yfir því
að hún vilji standa vörð um þetta
samviskufrelsi en það er mjög
hæpið að það standist lög að opin-
ber starfsmaður eins og prest-
ur hafi heimild til að mismuna á
grundvelli kynhneigðar,“ bætir
Sigurvin við.
Í greinargerð Kirkjuþings unga
fólksins segir aukinheldur: „Prest-
ar þjóðkirkjunnar eru opinberir
starfsmenn. Ekki á neinum öðrum
opinberum starfsvettvangi geta
opinberir starfsmenn hafnað fólki
þjónustu út af kynhneigð sinni.“
thorgnyr@frettabladid.is
Samviskufrelsi presta verði
afnumið hjá Þjóðkirkjunni
Kirkjuþing unga fólksins vill afnema samviskufrelsi presta. Prestar mega neita samkynja pörum um hjóna-
vígslu á grundvelli sinnar eigin samvisku. Sigurvin Lárus Björnsson æskulýðsprestur segir stöðuna slæma.
AFNÁM SAMVISKUFRELSIS Agnes M. Sigurðardóttir, biskup Íslands, hefur ekki
viljað tjá sig um afnám reglu um samviskufrelsi. FRÉTTABLAÐIÐ/GVA
Eins og
staðan er núna
er hinsegin
fólk sett í þá
stöðu að þurfa
að þekkja
kirkjupólitískt
landslag þegar það leitar
að presti til hjónavígslu.
Sigurvin Lárus Jónsson,
æskulýðsprestur.
SVEITARSTJÓRNIR „Ekki var annað
að skilja en að ráðherra skildi
mikil vægi þess að tryggja fjár-
muni til aðgerða nú þegar og einn-
ig í rannsóknarverkefni sem varða
Grynnslin og innsiglinguna um
Hornafjarðarós,“ segir í fundar-
gerð bæjarráðs Hornafjarðar um
fund bæjarstjórans með innan-
ríkis ráðherra.
Björn Ingi Jónsson bæjarstjóri
fór yfir fundinn með Ólöfu Nordal
innanríkisráðherra á bæjarráðs-
fundinum. Kvaðst Björn hafa farið
„yfir alvarleika málsins og þá
stöðu sem upp er komin“ varðandi
innsiglinguna í Hornarfjarðarós.
Hafi Ólöf sagst mundu funda strax
með forstjóra Vegagerðarinnar og
starfsmanni siglingasviðs stofnun-
arinnar og fara yfir möguleikana.
Bæjarráð tók undir þungar
áhyggjur hafnarstjórnar. „Nú er
komin upp sú staða að takmarka
þarf djúpristu skipa sem sigla inn
til Hafnar í Hornafirði,“ sagði
hafnarstjórnin. „Þetta ástand
setur sjávarútveg og aðra flutn-
inga til og frá Hornafirði í upp-
nám. Því er framtíð heils byggðar-
lags undir í þessu máli.“ - gar
Bæjarstjóri Hornafjarðar hitti innanríkisráðherra vegna vanda í innsiglingu:
Skildi mikilvægi fjárveitingar
BJÖRN INGI
JÓNSSON
ÓLÖF NORDAL
ÍRAK Næstæðsti leiðtogi hryðju-
verkasamtakanna Íslamska ríkis-
ins (ISIS), Abdul Rahman Mustafa
Mohammed, var drepinn í loftárás
Bandaríkjahers í gær. Þetta stað-
festi talsmaður íraskra yfirvalda.
Loftárás Bandaríkjahers var á
mosku í Tal Afar vestur af Mósúl
í Írak. Í moskunni var leiðtoginn
á fundi, ásamt tugum liðsmanna
ISIS-samtakanna sem létust einn-
ig í loftárásinni.
Í frétt BBC seg ir að sam kvæmt
óstaðfest um heim ild um hafi leið-
toginn leitt aðgerðir Íslamska rík-
isins síðustu vikur. - ngy
Tugir liðsmanna ISIS létust:
Leiðtogi ISIS
fórst í loftárás
STJÓRNMÁL Ríkisstjórnin hefur
samþykkt að leggja á næstu fimm
árum 80 milljónir árlega til verk-
efnisins Matvælalandið Ísland.
Verkefninu er ætlað að treysta
orðspor og móta ímynd Íslands
sem upprunalands hreinna og heil-
næmra matvæla og auka með því
móti gjaldeyristekjur þjóðarinnar.
Í tilkynningu frá atvinnuvega-
ráðuneytinu kemur fram að
íslensk matvæli og matarmenning
Íslendinga séu ein af grunnstoðum
ferðaþjónustunnar. - ngy
Styrkir matarmenningu á Íslandi:
Ríkið styrkið
matvælaverkefni
SKÓLAMÁL Íbúasamtök Hvanneyrar
og nágrennis skora á sveitarstjórn
Borgarbyggðar „að halda starf-
semi grunnskóla áfram á öllum
stöðvum í núverandi mynd,“ eins
og segir í ályktun samtakanna.
„Íbúar Hvanneyrar og nágrenn-
is telja mikilvægt að viðhalda
grunnstoðunum til þess að efla
íbúaþróun á svæðinu. Svo áfram-
haldandi íbúafjölgun verði á svæð-
inu teljum við mjög mikilvægt að
grunnskóli sé á Hvanneyri. Skól-
inn er forsenda þess að fólk komi
í sveitarfélagið og velji Hvanneyri
sem framtíðarheimili,“ segja íbúa-
samtökin. - gar
Íbúasamtök álykta um skóla:
Grunnskólinn
sé á Hvanneyri
HVANNEYRI Heimamenn vilja fjölga
íbúum. FRÉTTABLAÐIÐ/HÖRÐUR
TÓRSHAVN Norræna ráðherra-
nefndin hélt fund í Tórshavn í
Færeyjum í fyrradag, þar sem
menningarmálaráðherra Norður-
landa gáfu út sameiginlega yfir-
lýsingu um ólögleg viðskipti með
menningarminjar frá Írak og
Sýrlandi.
Í yfirlýsingunni er fólk sem
umgengst og höndlar með forn-
muni beðið að sýna sérstaka
aðgát. „Það er grafalvarlegt að
menningar- og sagnfræðilegar
minjar séu teknar ófrjálsri hendi
í Írak og Sýrlandi og smyglað út
úr þessum löndum. Við biðjum
norræna fagaðila, listaverka-
safnara, listaverkasala, fornsala
og starfsfólk safna að sýna sér-
staka aðgát.“
Á fundinum var rætt um sölu
menningarminja á ólöglegum
mörkuðum til að fjármagna starf-
semi hinna ýmsu öfgahópa en þann
12. febrúar á þessu ári samþykkti
öryggisráð Sameinuðu þjóðanna
ályktun um að skylda aðildarlönd
til að grípa til aðgerða til að koma
í veg fyrir slík viðskipti. Í fram-
haldinu vilja menningarmálaráð-
herrar Norðurlandanna að sett
verði af stað átaksverkefni um
málið í haust. - kbg
Grafalvarlegt að menningar- og sagnfræðiminjar séu teknar ófrjálsri hendi:
Vilja aðgát á Norðurlöndum
MENNINGARMINJAR SELDAR Ólögleg sala menningarminja er áhyggjuefni. Sett
verður af stað átak í haust. NORDICPHOTOS/GETTY
DÓMSMÁL Konan sem ákærð er
fyrir að hafa banað sambýlis-
manni sínum á heimili þeirra við
Skúlaskeið í Hafnarfirði í febrúar
neitaði í gærmorgun sök við þing-
festingu í Héraðsdómi Reykjaness.
Talið er að banamein mannsins
hafi verið stungusár, en lögregl-
unni barst tilkynning um manns-
lát í fjölbýlishúsi í Hafnarfirði í
gegnum neyðarlínuna.
Konan er á sextugsaldri og var
strax úrskurðuð í gæsluvarðhald
fram að dómi. Hún gæti átt yfir
höfði sér allt að sextán ára fang-
elsi verði hún ákærð og fundin sek
fyrir manndráp af ásetningi.
Konan hafnaði einnig öllum
bótakröfum en móðir og faðir
mannsins fara hvort um sig fram
á þrjár milljónir króna í miska-
bætur.
Aðalmeðferð málsins hefst 18.
júní. Dómari málsins ákvað, vegna
afstöðu ákærðu, að hafa dóminn
fjölskipaðan. - sáp
Ákærð fyrir að hafa banað sambýlismanni sínum í Hafnarfirði:
Konan neitaði sök fyrir dómi
NEITAR
SÖK Konan
er ákærð
fyrir að hafa
orðið sam-
býlismanni
sínum
að bana í
febrúar.
FR
ÉT
TA
BL
AÐ
IÐ
/S
TE
FÁ
N

SPURNING DAGSINS
0
3
-1
2
-2
0
1
5

2
3
:3
8
F
B
0
6
4
s
_
P
0
5
9
K
.p
1
.p
d
f
F
B
0
6
4
s
_
P
0
5
4
K
.p
1
.p
d
f
F
B
0
6
4
s
_
P
0
0
6
K
.p
1
.p
d
f
F
B
0
6
4
s
_
P
0
1
1
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
7
6
2
-4
2
B
C
1
7
6
2
-4
1
8
0
1
7
6
2
-4
0
4
4
1
7
6
2
-3
F
0
8
2
8
0
X
4
0
0
5
B

F
B
0
6
4
s
_
1
3
_
5
_
2
0
1
5
C
M
Y
K