Fréttablaðið - 12.05.2015, Blaðsíða 14

12. maí 2015 ÞRIÐJUDAGURSKOÐUN
HALLDÓR
FRÉTTABLAÐIÐ Skaftahlíð 24, 105 Reykjavík Sími: 512 5000, ritstjorn@frettabladid.is ÞRÓUNARSTJÓRI: Tinni Sveinsson tinni@365.is HELGARBLAÐ: Erla Björg Gunnarsdóttir erla@frettabladid.is MENNING: Magnús Guðmundsson magnus@frettabladid.is
LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is ÚTLITSHÖNNUN: Silja Ástþórsdóttir siljaa@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI: Sævar Freyr
Þráinsson ÚTGEFANDI OG AÐALRITSTJÓRI: Kristín Þorsteinsdóttir kristin@frettabladid.is AÐSTOÐARRITSTJÓRAR:
Andri Ólafsson andri@365.is, Hrund Þórsdóttir hrund@stod2.is, Kolbeinn Tumi Daðason kolbeinntumi@365.is.
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er
hægt að fá blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í
stafrænu formi og í gagnabönkum án endurgjalds. ISSN 1670-3871
FRÁ DEGI
TIL DAGS
Það er mjög mikilvægt að tala ekki mikið
við annað fólk. Annað fólk getur verið
annarrar skoðunar en maður sjálfur. Ef
annað fólk hefur rétt fyrir sér, þá þarf
maður að breyta öllu sem maður hefur
ákveðið. Það er vesen.
Ég held að tilhneigingin til þess að nálg-
ast mannlífið svona sé rót margra vanda-
mála hér á landi. Það er skoðun Bjartrar
framtíðar að flest mál sé hægt að leysa
með því að tala saman. Krafa um samráð
í stjórnmálum hefur verið rauður þráður
í málflutningi okkar frá stofnun.
„Þið viljið bara að öll dýrin í skóginum
séu vinir. En lífið er ekki Dýrin í Hálsa-
skógi!“ Á þennan hátt hefur krafa Bjartr-
ar framtíðar oft verið léttvæg fundin. Það
er ekki á nokkurn hátt krafa okkar að fólk
sé vinir. Fólk má vera óvinir. Við gerum
hins vegar þá kröfu, að fólk – bæðir vinir
og óvinir – líti á það sem skyldu sína í
siðmenntuðu samfélagi að tala saman.
Við viljum að fólk reyni sífellt, í samein-
ingu, að finna álitlegar leiðir til lausnar
á vandamálum og koma í veg fyrir hörm-
ungar. Í stjórnmálum er þessi krafa ein-
staklega mikilvæg. Þar er verið að sýsla
með hag almennings og framtíð barna
okkar.
Hvað ætli samráðsleysið sem ríkir í
samfélaginu núna kosti? Ástæða þess að
Björt framtíð boðar samráð er ekki sú að
við séum hippar. Hún er þessi: Samráðs-
leysi og botnlausar deilur leiða til sóunar
á tíma, hæfileikum og peningum. Alþingi
er dæmi um þetta og það sem meira er:
Íslenskt samfélag í heild sinni er um þess-
ar mundir átakanlegur vitnisburður um
þann gríðarlega kostnað sem langvarandi
samráðsleysi hefur í för með sér. Það eru
verkföll úti um allt. Stálin stinn mætast
með óheyrilegum skaða fyrir samfélagið.
Því miður.
Hvernig gerðist þetta? Aðrar þjóðir
hafa náð að höndla deilur um kaup og kjör
með miklu farsælli hætti en við. Hvernig
er hægt að stýra svona velmegunarsam-
félagi út í þvílíkar ógöngur? Mér finnst
svarið blasa við: Með þvermóðsku. Stífni.
Einræðistilburðum. Svikum. Skætingi.
Dylgjum. Með því að tala ekki saman.
Höldum því áfram, endilega. Ekkert
fjandans Dýrin í Hálsaskógi.
Ekki tala saman
SAMFÉLAG
Guðmundur
Steingrímsson
formaður Bjartrar
framtíðar
➜Aðrar þjóðir hafa náð að höndla
deilur um kaup og kjör með miklu
farsælli hætti en við. Hvernig er
hægt að stýra svona velmegunar-
samfélagi út í þvílíkar ógöngur?
FA
S
TU
S
_H
_3
3.
05
.1
5
Fastus ehf., - Velkomin í verslun okkar. Opið mán - fös 8.30 - 17.00
Resorb Sport

Fæst í fjölmörgum apótekum
S
ú ákvörðun stjórnarmeirihlutans að breytingar á
rammaáætlun verði teknar á dagskrá þingsins í dag á
eftir að hafa mikil áhrif á störf þingsins. Ekki stóð á
viðbrögðum stjórnarandstæðinga í gær. Þetta var sagt
fullkomin vitfirra, handsprengju hefði verið varpað inn
í þingið og gott ef þetta jafngilti ekki ákvörðun Heródesar um að
láta drepa öll sveinbörn í Betlehem þarna um árið. Látum hefð-
bundna gengisfellingu íslenskrar orðræðu liggja á milli hluta, en
það þarf enginn að velkjast í vafa um að með þessari tillögu er
ekki beint verið að stuðla að sáttum. Hvorki innan þings né utan,
þar sem þetta mun vekja upp deilur um náttúruna á ný.
Rammaáætlun ber það hljóm-
þýða nafn Áætlun um vernd og
orkunýtingu landsvæða. Það
var ríkisstjórn Davíðs Odds-
sonar sem ýtti henni formlega
úr vör árið 1999, en fyrsti áfangi
hennar náði til ársins 2003. Fleiri
áfangar hafa fylgt í kjölfarið og
árið 2011 samþykkti Alþingi lög
um verndar- og orkunýtingaráætlun. Deilur um rammaáætlun
settu síðan sterkan svip á síðasta kjörtímabil.
Fyrsta grein umræddra laga er svohljóðandi:
„Markmið laga þessara er að tryggja að nýting landsvæða þar
sem er að finna virkjunarkosti byggist á langtímasjónarmiðum
og heildstæðu hagsmunamati þar sem tekið er tillit til verndar-
gildis náttúru og menningarsögulegra minja, hagkvæmni og
arðsemi ólíkra nýtingarkosta og annarra gilda sem varða þjóðar-
hag, svo og hagsmuna þeirra sem nýta þessi sömu gæði, með
sjálfbæra þróun að leiðarljósi.“
Hér er djarflega mælt. Samræma á hagkvæmni og arðsemi og
náttúruvernd og menningarsöguleg sjónarmið og ýmislegt fleira
smálegt. Öll dýrin í skóginum eiga sem sagt að vera vinir. Síðasta
ríkisstjórn fór síðan ekki í grafgötur með það að markmiðið væri
að sætta í eitt skipti fyrir öll þá sem vildu annars vegar virkja á
ákveðnum svæðum og hins vegar vernda þau svæði fyrir nokkru
raski.
Það er ekki auðvelt verk. Og það má velta því fyrir sér hvort
hugmyndirnar um víðtæka sátt á milli virkjunar- og nátt-
úruverndarsinna hafi ekki verið helst til háleitar. Mun nokkru
sinni nást sátt um ókomna tíð um að einhverju svæði verði ekki
raskað? Á að binda hendur afkomenda okkar hvað það varðar?
Er sú, um margt ósanngjarna, staða ekki uppi að einu varanlegu
ákvarðanirnar sem hægt er að taka í þessum efnum er að skella
uppistöðulóni á eitthvert svæði?
Það er ofmælt að sátt hafi ríkt um rammaáætlun á síðasta kjör-
tímabili. Ekki þarf pólitískt langminni til að rifja upp þá stöðu
sem síðasta ríkisstjórn var í. Hvernig hún var í vandræðum með
að koma rammanum í gegnum þingið, hvernig ákveðin atriði
breyttust á síðustu metrunum, hvernig þurfti að semja til að ná
öllu í gegn. Og léttinn sem ljóst var að stjórnarliðar fundu þegar
ný lög voru samþykkt í janúar 2013, á síðustu mánuðum stjórnar-
innar. Eins og ekki væri hægt að breyta lögum.
Og það er einmitt það sem hefur gerst. Ný ríkisstjórn hefur
nýjar áherslur varðandi vernd eða nýtingu svæða. Ríkisstjórn
sem hefur sýnt að hún skirrist ekki við að fara í deilur. Og ljóst er
að þær mun hún fá. Ramminn hélt í tvö ár. Deilurnar gætu staðið
lengur.
Enn á ný stefnir í uppnám á Alþingi:
Rammi um deilur
Kolbeinn
Óttarsson Proppé
kolbeinn@frettabladid.is
Þegjandi samkomulag?
Vigdís Hauksdóttir, formaður fjár-
laganefndar og þingmaður Fram-
sóknarflokksins, sagði í þættinum
Eyjunni á sunnudag að samkomulag
hefði verið við lýði hjá verkalýðs-
félögunum að fara ekki í verkföll á
meðan vinstri stjórn var við völd.
Þegar þáttarstjórn andinn Björn Ingi
Hrafnsson spurði hana hver hafi gert
það samkomulag svaraði Vigdís:
„Það var þegjandi samkomu-
lag, við vitum það alveg.“
Kaldar kveðjur
Vigdís mætti í þáttinn
ásamt Birni Val Gíslasyni,
varaformanni Vinstri
grænna. Björn
Valur var allt annað en
sáttur við þessa full-
yrðinu Vigdísar. „Þetta eru köldustu
kveðjur sem launþegar í þessu landi
hafa fengið lengi vel, þetta er mjög
alvarleg staða sem uppi er og okkur
ber skylda til að leysa hana í stað
þess að hnýta í fólk með þessu orða-
lagi sem Vigdís Hauks fór yfir áðan.
Gera lítið úr fólki sem er í kjaradeilu
og er að leita réttinda sinna,“ sagði
Björn Valur.
Á ekki orð
Gylfi Arnbjörnsson,
forseti Alþýðusam-
bandsins, sagði
þessi ummæli
Vigdísar fráleit í
hádegisfréttum
Bylgjunnar
í gær. „Að
slíkt sam-
komulag hafi verið til er náttúrulega
bara út í Hróa hött. Í landinu eru
æði mörg stéttarfélög og hver ætti
eiginlega að geta gengið frá slíku
samkomulagi?“ spurði Gylfi forviða.
„Mér finnst þetta svo fjarri lagi að ég
á varla orð yfir þetta.“ Gylfi sagði þó
slík ummæli ekki koma á óvart frá
Vigdísi en segir þau alveg úr lausu
lofti gripin. „Nóg var nú tekist á við
fyrri ríkisstjórn,“ segir Gylfi. „Með þá
ríkisstjórn var, hvað varðar velferð
og skattamál, einfaldlega meiri sátt
í landinu með það.“ Gylfi taldi þá
ríkisstjórn hafa lítið með það að gera
hvernig komið er fyrir kjara-
málum á Íslandi í dag. „Ég
held að þessi ríkisstjórn
hafi verið fullfær um
það sjálf,“ sagði Gylfi.
fanney@frettabladid.is
0
3
-1
2
-2
0
1
5

2
3
:3
7
F
B
0
4
0
s
_
P
0
2
7
K
.p
1
.p
d
f
F
B
0
4
0
s
_
P
0
2
2
K
.p
1
.p
d
f
F
B
0
4
0
s
_
P
0
1
4
K
.p
1
.p
d
f
F
B
0
4
0
s
_
P
0
1
9
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
7
5
E
-D
3
D
C
1
7
5
E
-D
2
A
0
1
7
5
E
-D
1
6
4
1
7
5
E
-D
0
2
8
2
8
0
X
4
0
0
4
B

F
B
0
4
0
s
_
1
1
_
5
_
2
0
1
5
C
M
Y
K