Fréttablaðið - 26.01.2015, Blaðsíða 10

26. janúar 2015 MÁNUDAGUR| FRÉTTIR | 10
JAPAN Talið er að liðsmenn Ísl-
amska ríkisins hafi tekið af lífi
annan tveggja japanskra gísla sem
þeir höfðu í haldi Áður höfðu verið
uppi kenningar um að myndband,
sem sýnir lík mannsins, hafi verið
falsað en nú þykir nær öruggt að
svo sé ekki. Barack Obama Banda-
ríkjaforseti vottaði Shinzo Abe,
forsætisráðherra Japans, samúð
sína í símtali vegna þessa.
Obama þakkaði Abe fyrir
framlag Japans í þágu friðar í
Miðaustur löndunum. Bandaríkin
og Japan stæðu hlið við hlið í þess-
ari baráttu og myndu halda áfram á
sömu braut við að vinna að lausnum
á vandamálum um heim allan.
Abe sagði við fjölmiðla að aftak-
an væri skammarleg og krafð-
ist þess að ISIS léti hinn gíslinn
lausan. Á þriðjudag birtu samtök-
in myndband sem sýndi liðsmann
ISIS, vopnaðan hnífi, standa yfir
tveimur japönskum ríkisborgurum.
Hann sagði að ef samtökunum bær-
ist ekki greiðsla upp á 200 milljón-
ir dollara innan þriggja daga yrðu
mennirnir líflátnir.
Maðurinn sem tekinn var af lífi
hét Haruna Yukawa, 42 ára, og
hafði verið fangi samtakanna síðan
í október. Sá sem enn er talinn á
lífi heitir Kenji Goto og er 47 ára
blaðamaður. Talið er að hann hafi
upphaflega farið til Sýrlands til að
reyna að fá Yukawa lausan úr haldi.
Í þetta skiptið sýndu ISIS ekki
aftökuna sjálfa á upptöku heldur
brugðu á það ráð að sýna aðeins
höfuð Yukawa sem búið var að losa
frá búknum. Hljóðið sem fylgdi
með var yfirlýsing sem Goto las.
Í yfirlýsingunni sagði Goto að
þar sem stjórnvöld hefðu ekki orðið
við bón skæruliðanna um lausnar-
gjald hefðu þau aðeins átt einn
kost mögulegan. Það væri á þeirra
ábyrgð að Yukawa væri nú látinn.
„Rinco, elsku kona mín, og dætur
mínar tvær. Ekki leyfa þeim að láta
mig fara sömu leið. Ekki gefast
upp,“ segir í yfirlýsingunni. Kröfur
ISIS virðast hafa breyst því síðar
segir Goto að samtökin vilji aðeins
að Sajida al-Rishawi verði sleppt úr
haldi.
Al-Rishawi er í haldi í Jórd-
aníu eftir sjálfsmorðssprengju-
árás árið 2005. Hún, ásamt hópi
manna, ætlaði að sprengja sig
í loft upp í Amman, höfuðborg
landsins, en ekki vildi betur til en
svo að belti hennar sprakk ekki.
Hún hefur verið í fangelsi síðan.
Hópur fólks hefur mótmælt fyrir
utan hús Abe og krafist þess að
hann beiti sér betur í málinu.
johannoli@frettabladid.is
Rinco, elsku konan
mín, og dætur mínar tvær.
Ekki leyfa þeim að láta
mig fara sömu leið. Ekki
gefast upp.
Kenji Goto,
47 ára gamall blaðamaður.
Kipptu liðunum í lag með Omega 3 liðamíni
• Omega 3 liðamín vinnur gegn stífum liðum og viðheldur heilbrigði þeirra.
• Liðamín inniheldur Hyal-Joint® sem einnig má finna í liðvökva, seigfljótandi
vökva sem smyr og viðheldur mýkt í liðamótum.
• Það hjálpar líkamanum einnig að fyrirbyggja stirða liði, sem getur skipt
höfuðmáli í þjálfun og líkamsrækt.
SKJÓTARI EN
SKUGGINN
www.lidamin.is
PI
PA
R
\
TB
W
A
•
S
ÍA
NÍGERÍA Íslamskir vígamenn úr
röðum Boko Haram gerðu árás á
borgina Maiduguri í norðaustur-
hluta Nígeríu í gær.
Nígeríski herinn svaraði með
loftárásum og almennt útgöngu-
bann var sett á. Maiduguri er
heimili tugþúsunda manna sem
hafa flúið árásir Boko Haram.
Goodluck Jonathan, forseti Níger-
íu, heimsótti borgina á laugardag-
inn. Boko Haram, sem þýðir Bann
við vestrænni menntun, hóf hern-
aðaraðgerðir árið 2009 í þeim til-
gangi að stofna íslamskt ríki. Sam-
tökin hafa orðið þúsundum manna
að bana, aðallega í norðausturhluta
Nígeríu. Íbúar í Maiduguri segj-
ast hafa vaknað upp við háværar
sprengingar og byssuhvelli aðfara-
nótt sunnudagsins. Þeir urðu þess
svo áskynja að hersveitir lokuðu
vegum og fyrir tækjum.
BBC-fréttastofan segir að svo
virðist vera sem átökin hafi hafist
í Njimtilo-hverfinu, sem er í útjaðri
Maiduguri. Einn íbúanna kallaði
eftir því að beðið væri fyrir íbú-
unum. „Vinsamlegast biðjið fyrir
okkur, við sætum miklum árás-
um og erum í bráðri hættu,“ sagði
Rach el Adamu. - jhh
Vígamenn Boko Haram gera enn eina árásina:
Útgöngubann sett á
FLÓTTAMENN Margir borgarar flúðu til Maiduguru eftir að ráðist var á borgina
Bama í september. Nú sæta þessir sömu borgarar árásum. FRÉTTABLAÐIÐ/AP
PAKISTAN Milljónir heimila í Pakist-
an urðu rafmagnslaus á sunnudag-
inn eftir að hryðjuverkamenn réð-
ust á rafveitukerfið. Talið er að um
80 prósent þjóðarinnar, hafi verið
án rafmagns snemma morguns á
sunnudegi. Síðar um morguninn
var helmingur þeirra kominn með
rafmagnið aftur.
Þá komu upp rafmagnstruflan-
ir á alþjóðaflugvellinum í Lahore
og tvö kjarnorkuver voru án raf-
magns. Orkumálaráðherra Pakist-
ans sagði á Twitter að ríkisstjórnin
myndi ekki ganga til náða fyrr en
vandamálið væri leyst. Talsmaður
ríkisstjórnarinnar sagði jafnframt
að árásin á rafveitukerfið væri
skemmdarverk.
Þetta er ekki í fyrsta sinn sem
Pakistan glímir við vanda vegna
rafmagnstruflana. Til að bæta
gráu ofan á svart glímir þjóðin svo
við mikinn skort á eldsneyti. Vegna
þess vanda ákvað forsætisráðherra
Pakistans að aflýsa ferð á fund
Alþjóðaefnahagsráðsins í Davos í
síðustu viku. - jhh
Um áttatíu prósent Pakistana urðu rafmagnslaus vegna skemmdarverka:
Rafmagnið slegið út í Pakistan
FORSÆTISRÁÐHERRANN Nawaaz
Sharif frestaði ferð til Davos vegna olíu-
vanda sem þjóðin hefur glímt við.
NORDICPHOTOS/AFP
SVÍÞJÓÐ Yfir þriðjungur Svía
telur að hætta sé á hryðjuverkum
í Svíþjóð. Fylgjendur Svíþjóðar-
demókrata hafa mestar áhyggjur,
samkvæmt niðurstöðum nýrrar
skoðunarkönnunar Sifo, fyrir-
tækis sem tekur að sér markaðs-
og skoðanakannanir.
Fylgjendur bandalags mið- og
hægriflokka hafa meiri áhyggjur
en rauðgrænir kjósendur.
Fleiri karlar en konur telja að
hætta sé á að hryðjuverk verði
framið í Svíþjóð. - ibs
Ný könnun gerð í Svíþjóð:
Karlar hræddari
en konur
NOREGUR Menntamálaráðherra
Noregs, Torbjørn Røe Isaksen,
vill sameina nokkra háskóla í Nor-
egi. Hann er reiðubúinn að beita
þvingunum til þess ef með þarf.
Á nýlegri ráðstefnu benti ráð-
herrann á að menntamálaráðu-
neytið væri eigandi skólanna.
Samtök vísindamanna segja
ráðherrann uppteknari af stærð
en gæðum.
Fulltrúi í samtökum stúdenta
segir gæðakröfurnar ekki nógu
greinilegar. - ibs
Norskur ráðherra ákveðinn:
Vill sameina
nokkra háskóla
Öruggt að annar er látinn
Annar japönsku gíslanna, sem voru í haldi íslamska ríkisins, hefur verið líflátinn. Samtökin krefjast þess að
kona í haldi Jórdana verði látin laus í skiptum fyrir síðari gíslinn. Málið kemur forsætisráðherra Japans ekki vel.
SLYS Sex eru látnir eftir snjó-
flóð sem féll í frönsku Ölpun-
um í fyrradag. Hinir látnu voru
franskir ríkisborgarar, tvær
konur og sex karlar, á aldrinum
50-70 ára. Þau eru öll sögð hafa
verð þaulreyndir skíðamenn.
Leit að fólkinu hófst seint á
laugardagskvöld eftir að það
hafði ekki skilað sér heim.
Skömmu síðar fundust lík
þriggja og þrjú fundist snemma
í gærdag.
Alls hafa sautján farist í snjó-
flóðum í Frakklandi í vetur. Á
fimmtudag létust tveir skíða-
menn, annar þeirra leiðsögu-
maður. Degi síðar, eða á föstu-
dag, féll breskur skíðamaður
tæpa 100 metra og lést við fall-
ið. Alls hafa þrjátíu manns látist
í Ölpunum öllum í vetur.
- sks
30 látist í Ölpunum í vetur:
Sex fórust
í snjóflóði
ÞAULREYND Fólkið sem fórst í snjóflóð-
inu er allt sagt hafa verið þaulreynt skíða-
fólk. FRÉTTABLAÐIÐ/GETTY
MÓTMÆL-
ENDUR Fólk
hefur safnast
saman fyrir
utan hús
Shinzo Abe
með spjöld
sem á stendur
„Frelsið
Goto“.
FRÉTTABLAÐIÐ/AP
0
3
-1
2
-2
0
1
5

2
3
:5
4
F
B
0
5
6
s
_
P
0
5
0
K
.p
1
.p
d
f
F
B
0
5
6
s
_
P
0
4
7
K
.p
1
.p
d
f
F
B
0
5
6
s
_
P
0
0
7
K
.p
1
.p
d
f
F
B
0
5
6
s
_
P
0
1
0
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
7
7
E
-5
7
B
C
1
7
7
E
-5
6
8
0
1
7
7
E
-5
5
4
4
1
7
7
E
-5
4
0
8
2
8
0
X
4
0
0
7
A

F
B
0
5
6
s
_
2
5
_
1
_
2
0
1
5
C
M
Y
K