Morgunblaðið - 22.06.2015, Blaðsíða 32

MÁNUDAGUR 22. JÚNÍ 173. DAGUR ÁRSINS 2015
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 460 ÁSKRIFT 4995 HELGARÁSKRIFT 3120 PDF Á MBL.IS 4420 I-PAD ÁSKRIFT 4420
1. Hundur beit ungbarn til dauða
2. Hafa ekki stundað kynlíf …
3. Myndband af slagsmálum …
4. Ráðherrasonur hótaði að …
»MEST LESIÐ Á mbl.is
FÓLK Í FRÉTTUM
 Eftir rúma viku verður opnuð stór
ljósmyndasýning um Ísland í Smith-
sonian Institute í Washington sem
nefnist Primordial landscapes – Ice-
land revealed. Þar getur að líta ljós-
myndir eftir Feodor Pitcairn og texta
eftir Ara Trausta Guðmundsson, en
þar er bæði um að ræða ljóð og
fræðitexta á ensku. Samhliða sýning-
unni kemur út bók með sama titli
með enn meira efni en því sem rúm-
ast í sýningarrýminu.
Morgunblaðið/Eggert
Ísland í brennidepli
í Washington
 Tríó ástralska saxófónleikarans
Daniels Rorkes leikur á djasskvöldi
Kex hostels í kvöld kl. 20.30. Með
Rorke leika Valdimar Kolbeinn Sig-
urjónsson á kontrabassa og Magnús
Trygvason Eliassen á trommur. Rorke
bjó á Íslandi fyrir tíu árum og snýr nú
aftur. Tónleikarnir verða um tvær
klukkustundir að lengd með hléi og
er aðgangur að þeim ókeypis. Kex
hostel er á Skúlagötu 28.
Tríó Daniels Rorkes
leikur á djasskvöldi
Á þriðjudag, miðvikudag og fimmtudag Austlæg átt, 3-8 m/s.
Skýjað að mestu sunnan- og austantil og stöku skúrir syðst, en
annars léttskýjað á köflum. Hiti 8 til 16 stig, svalast austanlands.
SPÁ KL. 12.00 Í DAG Hæg breytileg átt eða hafgola og léttir
smám saman til N-lands, skýjað með köflum vestan- og suðvest-
antil. Hiti 5 til 12 stig, en 10 til 18 stig S- og V-lands.
VEÐUR
Jafntefli varð í báðum leikj-
um gærdagsins þegar 9.
umferð Pepsí-deildarinnar
hófst í gær. Mikil dramatík
var í Kaplakrika þar sem
Kassim Doumbia jafnaði
fyrir FH gegn Breiðabliki í
uppbótartíma. Um tíma var
útlit fyrir að ÍBV kæmi á
óvart og næði í þrjú stig á
Hlíðarenda en þar tryggði
Kristinn Freyr Sigurðs-
son Valsmönnum eitt
stig. »2 og 4
Jafntefli í báðum
leikjunum í gær
Axel Bóasson úr Keili og Heiða
Guðnadóttir úr GM urðu í gær Ís-
landsmeistarar í holukeppni á Jað-
arsvelli á Akureyri. Axel sigraði Bene-
dikt Sveinsson, Keili, í úrslitum en
Heiða vann Ólafíu Þórunni Krist-
insdóttur úr GR í úrslitaleik. Ólafía er
ríkjandi meistari í höggleiknum og
átti því möguleika á að verða hand-
hafi beggja titlanna. » 8
Axel og Heiða meistarar
í holukeppninni á Jaðri
Ásdís Hjálmsdóttir og Hafdís Sigurð-
ardóttir unnu sínar greinar þegar ís-
lenska landsliðið í frjálsum íþróttum
hafnaði í 6. sæti 2. deildar EM sem
fram fór í Búlgaríu. Kolbeinn Höður
Gunnarsson var sá eini í íslenska
hópnum sem fór á verðlaunapall í
meira en einni grein. Var það í 200 og
400 metra hlaupum þar sem hann
hafnaði í 3. sæti í báðum tilfellum. »6
Kolbeinn fór á pall í
tveimur greinum
ÍÞRÓTTIR | 8 SÍÐUR
Skannaðu
kóðann með
símanum þínum
og fylgstu með
veðrinu á
Sigurður Bogi Sævarson
sbs@mbl.is
„Sendibréf eru undantekning en
skammtur dagsins er samt alltaf
drjúgur. Úti á landi hefur pósturinn
talsvert annað hlutverk og meira en
raunin er fyrir sunnan. Sumir pakkar
eru risastórir; stundum heimilistæki,
húsgögn eða annað slíkt. Fólk leggur
traust sitt á þessa þjónustu,“ segir
Anna Benkovic Mikaelsdóttir á Pat-
reksfirði. Á fréttaferð um Vestfirði í
síðustu viku hitti Morgunblaðsmaður
Önnu þar sem hún hafði lagt bílnum
út í kant við byggðina á Bíldudal.
Þetta var morgunpásan, tilvalinn tími
fyrir kók og samloku.
Allt fór í svelginn
„Ég hef unnið við margt, en eftir
tæplega tvo mánuði í þessu starfi get
ég sagt að fátt hefur mér fallið eins
vel. Bíltúrinn hér á milli fjarðanna,
um Mikladal frá Patreksfirði til
Tálknafjarðar og svo áfram yfir Hálf-
dán til Bíldudals, er skemmtilegur
enda er leiðin stórbrotin,“ segir Anna
og heldur áfram:
„Á Bíldudal tekur landpósturinn
við en sjálf sinni ég bréfburði innan-
bæjar á Tálknafirði og finnst það
hressandi göngutúr. Það er svo sem
ekki lengi gert að rölta milli húsanna í
250 manna þorpi. En nú er fólkinu að
fjölga og þá væntanlega bréfum og
bögglum.“
Anna er efnatæknir að mennt og
starfaði sem slíkur meðal annars í
Danmörku, en sneri heim þegar allt
virtist vera í blóma á Íslandi.
„Ég taldi okkur son minn komin í
örugga stöðu en þetta fór allt í svelg-
inn í hruninu. Myntkörfulánið hækk-
aði endalaust og bankinn hirti íbúðina
okkar í Kópavogi. Auðvitað var þetta
sárt, eins og þúsundir Íslendinga sem
gengu í gegnum svipaða reynslu
væntanlega þekkja. En það var ekki
annað í stöðunni en skapa sér framtíð
á nýjum slóðum og því lá leiðin hing-
að vestur þangað sem ég rek ættir
mínar að hluta.“
Píanókonsertar og Armstrong
Vestra hefur Anna sinnt kennslu,
en byrjaði í póstinum nú í maí.
„Í þessu starfi er tónlistin góður
bónus. Ég legg upp frá Patreksfirði á
tíunda tímanum á morgnana, set þá
disk í geislaspilarann í bílnum. Í
morgun hef ég hlustað á undurfagran
söng portúgalskra kvenna en oft er
ég með The Smiths, eðalrokkið frá
Led Zeppelin eða þá Svíana í Abba
undir geislanum. Píanókonsertar
Mozarts eru í sérstöku eftirlæti hjá
mér – fallegir og góðir fyrir sálina.
En ekkert slær þó út Louis Arm-
strong með It’s a Wonderful World,“
segir Vestfjarðapósturinn.
Spilar Mozart á Mikladalnum
 Vestfjarðapóst-
urinn skapaði sér
nýja framtíð
Morgunblaðið/Sigurður Bogi
Bréfið „Sumir pakkar eru risastórir,“ segir Anna Benkovic sem finnst ferðalög um fjöll milli fjarða skemmtileg.
Í föðurætt er Anna Benkovic Júgó-
slavi. Faðir hennar, Mikael Gabrí-
elsson, sem er látinn, kom hingað
til lands meðal flóttamanna árið
1958. Móðir hennar, Sigríður Ósk
Guðmundsdóttir, er hins vegar
Vestfirðingur í fjórða lið, afkom-
andi þeirra Steinunnar Sveins-
dóttur og Bjarna Bjarnasonar á
Sjöundá á Rauðasandi, sem talin
voru hafa myrt maka sína árið
1802. Margir hafa lagt út af þeirri
örlagasögu, sem Anna vill þó að sé
sýnd full virðing.
„Þessi saga hefur alltaf verið
mér nálæg. Móðir mín setti mig
unga inn í málið, og skáldsögu
Gunnars Gunnarssonar um þessa
atburði, Svartfugl, las ég sem
barn. Þótt liðin séu rúm tvö hundr-
uð ár síðan þetta gerðist rífur sag-
an enn í og því mikilvægt að hún
sé sögð af varfærni,“ segir Anna
Benkovic.
Svartfuglssagan er nálæg
Á ÆTTIR AÐ REKJA AÐ SJÖUNDÁ Á RAUÐASANDI