Húnavaka - 01.05.2002, Blaðsíða 14

12
HUNAVAKA
atriði, voru við innganginn í samkomuhúsið og sáu um annað er gera
þurfti. Þessir menn höíðu alla vikuna aðstöðu á hótelinu, bæði á skrif-
stofu og herbergi til gistingar. Einnig kom fyrir að einstaka menn úr sveit-
inni og víðar að, þar á meðal bændur, leigðu herbergi á hótelinu nokkra
daga og jafnvel upp í viku meðan Húnavakan stóð. Þá var Húnavaka
sannkölluð gleðivika og allt á fullu á hótelinu. Eg vann ýmis störf þar,
m. a. við skúringar og þvott og var næturvörður í nokkur ár.
Að vísu skrapp ég stundum burtu og vann önnur störf, t.d. einn vetrar-
part í Sandgerði. Einnig fór ég á sjóinn í þriggja mánaða túr á togaran-
um Olaíi Jóhannessyni frá Patreksfirði sem var á veiðum við Grænland.
Það var fískað í salt og saltað um borð og skipið fyllt. Stundum fískaðist
svo vel að við urðum að hætta veiðum og Hggja í tvo sólarhringa til að
gera að aflanum og salta. Við vorum á veiðum við vesturströnd Græn-
lands þegar við fengum þennan mokafla af stórum og góðum físki. Eftir
að hafa fyllt skipið var siglt til Danmerkur með aflann en komið við á
Patreksfirði og helmingur skipverja settur í land en við vorum 42 um
borð, hinir sigldu áfram til Danmerkur. Eg kunni ágætlega við mig á
sjónum og fór aftur um haustið nokkra túra frá Patreksfirði með togaran-
um sem þá landaði í heimahöfn. Einnig var ég eitt sumar á síld hjá Gylfa
Sigurðssyni, skipsyóra á Húna frá Skagaströnd sem Björn Pálsson kaupfé-
lagsstjóri gerði út. Síðar var ég vetrarpart í Grindavík á bát sem var á neta-
veiðum. Kolbrún kom þangað í heimsókn með börnin okkar sem þá
voru orðin fjögur og réði sig þar sem ráðskona hjá fyrirtækinu sem við
Iögðum upp hjá.
Hænsnin voru fyrst í líkhúsinu
Kári tekur sér málhvíld og Kolbrún tekur við.
Eg er fædd 31. ágúst 1938 í Eskifirði. Foreldrar mínir eru Ingjaldur Pét-
ursson vélstjóri, fæddur að Skálateigi í Norðfirði og Brynhildur Björns-
dóttir frá Pálsgerði í Höfðahverfi. Foreldrar mínir fluttu til Akureyrar
árið 1944 og þar ólst ég upp. Eg gekk í Barnaskóla Akureyrar og síðan
tók við fjögurra vetra nám í Gagnfræðaskóla Akureyrar og gagnfræða-
próf þaðan.
Sumarið 1955 vann ég á símstöðinni í Króksfjarðarnesi en um haustið
réðst ég til starfa á hótelinu á Blönduósi og J^ar með voru örlög mín ráð-
in. Næsta sumar fórum við Kári til Reykjavíkur, ég til starfa á Hótel Garði
en Kári vann í Gróðrarstöðinni Alaska. Síðla sumars fórum við til Raufar-
hafnar til þess að vinna við síldarsöltun. Þar bjuggum við í tjaldi því að
hvergi var hægt að fá inni. Að síldarvertíð lokinni fórum við til Blöndu-
óss og hófum búskap (Dar í gamla hreppshúsinu.