Húnavaka - 01.05.2002, Síða 18

16
HUNAVAKA
Rækjustríðið
Ái ið 1973 komu hingað menn úr Reykjavík og vildu fá okkur í rækju-
vinnslu. Sama ár er Særún hf. stofnuð. Stofnendur hennar voru fjórir
eigendur Hafrúnar ásamt Ottari Yngvasyni og Herði Einarssyni í Reykja-
vík og nokkrum fleiri sem komu inn í fyrirtækið. Þá var strax hafist
handa. Við leigðum vélar hjá fyrirtækinu Strönd í Kópavogi og þær voru
settar niður í sláturhúsinu. Síðar komu menn frá fyrirtækinu til þess að
kenna notkun vélanna við vinnslu rækjunnar. A haustin þurfti að taka
vélarnar niður áður en sauðfjársláU'un hófst. Þær voru svo settar upp aft-
ur að henni lokinni. Þannig gekk þetta fyrir sig í þrjú ár.
Þegar allt var tilbúið til vinnslu á rækjunni kom rækjustríðið upp og
við máttum hvorki vinna né veiða rækju. Sjávarútvegsráðuneytið hafði
sett kvóta á rækjuveiðar í Húnaflóa. Leyfilegum rækjuafla í Flóanum var
þá skipt þannig að Hólmavík og Drangsnes fengu helming kvótans,
Hvammstangi 30% og Skagaströnd 20%. Þar sem ekki hafði áður verið
rækjuvinnsla á Blönduósi höfðum við ekki fengið neitt og nú vildu þess-
ir staðir halda öllu sínu. Við áttum því ekki margra kosta völ þegar sjávar-
útvegsráðherra vildi ekki koma neitt til móts við okkur þrátt fyrir að
rækjuverksmiðjan væri tilbúin til vinnslu í sláturhúsinu 1974.
Þá var gripið til þess ráðs að fá skip úr Reykjavík sem var að leggja upp
á Hvammstanga til þess að veiða 150 kíló af rækju í Húnaflóa. Skipið
kom síðan með aflann til Blönduóss og rækjunni var nánast hent upp á
bryggjuna á frekar frumstæðan hátt. Síðan var henni ekið í verksmiðj-
una í sláturhúsinu, sett í gang og þessi 150 kíló unnin. Allt reyndist í
góðu lagi og þrjár konur voru fengnar til að pilla rækjuna. Til gamans
má geta þess að þá voru vélarnar settar í gang til að vinna 150 kíló en
nú eru þær ekki settar í gang fyrir minna en 10 tonn.
Við þetta varð allt \dtlaust syðra, ef svo má orða það, og tveimur dögurn
seinna, rétt fyrir jólin, kom lögreglan heim til mín og heimtaði að ég
kæmi í yfirheyrslu en ég neitaði. Þá hafði komið í blöðunum að hér væri
unnin rækja. Við vorum í raun komnir í stríð við ráðuneytið sem varð
býsna skrautlegt.
Úr blaðaskrifum um rækjustríðið
Þann 16. október 1974 birtist frétt í Mogganum þar sem sagt er frá því að
Sjávarútvegsráðuneytið hafí veitt 27 bátum leyfi til rækjuveiða í Húnaflóa
og veiðarnar hefjist í dag. Þá liafi ekki verið tekin afstaða til umsóknar