Húnavaka - 01.05.2002, Qupperneq 161

IIUNAVAKA
159
Ef íslendingar vilja kynna hestinn fyrir nýjum hópum er sterkasta
markaðssetningin að væntanlegir kaupendur og eigendur íslenskra hesta
komi til Islands og kynni sér af eigin raun þær aðstæður sem hér ríkja
við hestahald. Ekki er laust við að misskilnings og vankunnáttu gæti í
mörgum tilfellum hvað varðar það að eiga og halda íslenskan hest og
eina leiðin til að leiðrétta þann misskiling og bæta úr vankunnáttu er
fræðsla og aukið upplýsingastreymi. Það væri góð leið að setja saman
stuttar náms- og skennntiferðir til Islands, t.d. yfír vetrartímann þegar
flugfargjöld eru ódýrari og vera með vandaöa og persónulega kynningar-
starfsemi til þess að opna augu fólks og kenna því að skilja þann bak-
grunn og aðstæður sem hesturinn býr við.
Þetta myndi þjóna allt öðrum tilgangi en hinar hefðbundnu „túrista-
ferðir“ og hafa það fyrst og fremst að markmiði að eyða fordómum og
misskilingi varðandi hestahald á Islandi og koma á beinum, persónuleg-
um tengslum við markaðinn.
Það er á ábyrgð okkar Islendinga að tryggja velferð og rétta meðferð
hestanna eftir að þeir fara frá Islandi. Það er skylda okkar að fylgjast með
því að þeir fái góða meðhöndlun hjá nýjum eigendum og það tryggjum
við best með því að vera í góðu sambandi við markaðinn, veita þjónustu
og fylgja hlutunum vel eftir.
Hvernig á að sinna markaðnum?
Bandaríkin eru óumdeilanlega stórt land og vissulega er mikið í fang
færst að fara inn á þann markað. Nú þegar eru íslensku hestarnir dreifð-
ir vítt og breitt um flest fj'lkin þó stærstu kjarnarnir séu á austur- og vest-
urströndinni. Það er mikilvægt að rækta allan markaðinn og þjónusta þá
sem nú þegar eiga og hafa áhuga á að eignast íslenska hesta. Þetta getur
virst óyfírstíganlegt verkefni í byrjun og erfítt að skipuleggja en gæti í
framtíðinni skilað miklu ef vel er að verki staðið. Kaupendur og eigend-
ur hestsins, hvar svo sem þeir eru, þurfa að fínna að við finnum til á-
byrgðar og sinnum þeirri skyldu okkar að fylgjast með og veita þá
þjónustu sem er í okkar valdi.
Einnig er mikilvægt að eigendum íslenskra hesta í Bandaríkjunum tak-
ist, með aðstoð Islendinga, að rnynda nreð sér virk samtök sem geta starf-
að að hagsmunamálum þeirra og komið á skipulagi og samskiptum á
landsvísu og því virkari sem okkur tekst að vera á þeim vettvangi því meiri
ítök getum við haft varðandi þróun mála í framtíðinni.