Húnavaka - 01.05.2002, Síða 178

176
HUNAVAKA
Helga Einarsdóttir
frá Grænuhlíð
I'œdd 27. desember 1915 -Dáin 16. júlí 2001
Helga var fædd í Selhaga í Stafholtstungum í Borgarfirði. Foreldrar
hennar voru hjónin Helga Jónsdóttir og Einar Helgason. Þau eignuðust
sex börn og var Helga þriðja elst systkinanna. Hún ólst upp í Selhaga til
níu ára aldurs en þá flutti fjölskylda hennar að bænurn Grísatungu í
Borgarfirði og átti þar heima þrjú næstu árin. Vegna alvarlegra veikinda
móður sinnar fór Helga tólf ára gömul í vist
og til vinnu að bænum Svarfhóli í Borgar-
firði og var þar um sex ára skeið.
Atján ára gömul fór Helga til vinnu að
Bergsstöðum í Svartárdal og var þar til
heimilis í tæpan áratug. Hún var við nám í
Kvennaskólanum á Blönduósi veturinn
1936-1937 ogféll henni námið ogveran þar
afar vel. Eftir að Gísli Pálmason bóndi á
Bergsstöðum missti konu sína bjuggu hann
og Helga saman í nokkur ár eða þar til hann
lést snemma árs 1942. Þau eignuðust soninn
Pálma Sigurð er lést í bílslysi fáum dögum
eftir lát móður sinnar. Eftír að Helga fór frá Bergsstöðum vann hún m.a.
sem ráðskona á Reykjaskóla í Hrútafirði og á Hótel Blönduósi.
Þann 3. október árið 1946 giftist Helga Kristmundi Stefánssyni
búfræðingi frá Smyrlabergi. Þau eignuðust fimm börn sent eru: Einar,
Guðrún, Anna, Helga og Bergdís. Helga og Kristmundur b)’rjuöu búskap
sinn á Blönduósi en fluttu árið 1948 að Grænuhlíð, nýbýli sem þau reistu
úr landi Smyrlabergs. Þar unnu þau hörðum höndum næstu árin og
áratugina við ræktun og uppbyggingu jarðarinnar. Þau hjón brugðu búi
árið 1980 og fluttu í Hnitbjörg á Blönduósi og þar gafst henni góður tími
til hannyrða og föndurs. Þau hjón reistu sér sumarhús í Grænuhlíð og
nutu þess að dvelja þar og rækta blóm og tré. Helga missti Kristmund
mann sinn í ágústbyrjun árið 1987.
Helga bjó yfir miklum sty'rk og hún var afar vinnusöm og dugleg við
allt það sem hún tók sér fyrir hendur. Hún var mikil búkona og hafði
alla tíð vakandi áhuga á búskapnum og tók virkan þátt í lionum. Hún
var glaðlynd og vel skapi farin, skemmtileg í viðræðum, trygg vinum
sínum og góð heim að sækja.