Húnavaka - 01.05.2002, Blaðsíða 180

178
H U N A V A K A
Pálmi Gíslason var mikill félagsmálamaður og hann æfði og keppti í
íþróttum á yngri árum. Hann gekk á fermingaraldri í Ungmennafélagið
Húna í heimasveit sinni og hann var síðar formaður íþróttanefndar
USAH. Hann sat í stjórn Breiðabliks í Kópavogi og var árum sarnan
formaður frjálsíþróttadeildar þess félags. Hann var í stjórn Ungmenna-
sambands Kjalarnesþines og sat í mörgum landsmótsnefndum fyrir
UMSK og UMFÍ,
Pálmi tók við formennsku Ungmennafélags Islands árið 1979 og var
formaður dl ársins 1993 en hafði áðurverið í varastjórn félagsins. Eftir að
hann lét af formennsku gegndi hann ýmsum trúnaðarstörfum fyrir
ungmennahreyfinguna. Pálmi var duglegur og hugmyndaríkur sem
formaður og undir hans stjórn efldist starf UMFI verulega, nýir áherslu-
þættir komu dl sögunnar urn leið og lilúð var að hinu hefðbundna starfi.
Pálmi var hugsjónamaður og átti hugmyndina að göngudegi fjölskyld-
unnar enda var hann mikill fjölskyldumaður. Náttúruvernd var honum
hugstæð og hann var einlægur áhugamaður um að efla innlenda at-
vinnuvegi og beitd sér fýrir átakinu: EFLUM ISLENSKT.
Pálmi og Stella kona hans voru afar samhent og þau ferðuðust mikið
um landið ekki síst gangandi. Fyrir nokkrum árum keyptu þau og
fjölskyldan land í Heydal í Mjóafirði við Isafjarðardjúp og unnu þar m.a.
að skógrækt en hún var Pálma afar hugstæð.
Pálmi sat árum saman í stjórn norrænna ungmennafélaga og í stjórn
samtaka samvinnuhreyfingarinnar á Norðurlöndum. Hann sat í stjórn
Landsambands íslenskra samvinnustarfsmanna svo fátt eitt sé nefnt af
nefndar- og stjórnunarstörfum hans. Fyrir sín miklu leiðtoga- og forystu-
störf var hann m.a. sæmdur riddarakrossi hinnar íslensku fálkaorðu og
gullmerki UMFÍ. Pálmi var hlýr og vel lyntur, hnyttinn í orðum og
orðheppinn. Hann hafði gott auga fyrir því glaða og góða sem setur lit
og líf í stundirnar og átd gott með að yrkja og skrifa sögur. Pálrni var svo
gerður að hann leitaði eftir því jákvæða og góða í fari fólks enda var
hann laginn í samskiptum. Hann kom sér hvarvetna vel en samhliða því
var hann fylginn sér og öflugur í því að koma málum fram.
Pálmi lést í bílslysi og útför hans fór fram frá Víðistaðakirkju þann 30.
júlí að viðstöddu geysimiklu fjömenni.
Sr. ÆgirFr. Sigurgeirsson.