Húnavaka - 01.05.2002, Page 187

H U N A V A K A
185
Árið 1977 andaðist Kristján eiginmaður hennar en nokkrum árum
áður hafði hann látið búið í hendur syninum, Heiðari og konu hans,
Kristínu Jónsdóttur. Árið 1991 fór Þorbjörg á Heilbrigðisstofnunina á
Blönduósi, fyrst á ellideild, síðan á sjúkradeild en þar andaðist hún.
Utför hennar var gerð frá Blönduósskirkju 13. október.
Sr. Sveinbjörn Einarsson.
Ingibjörg Bjarnadóttir,
Eyjólfsstöðum
Fœdd 8. júní 1923 - Dáin 19. nóvember 2001
Ingibjörg var fædd á Breiðabólstað í Vatnsdal. Foreldrar hennar voru
Jenný Rebekka Jónsdóttir, fædd að Kornsá í Vatnsdal og Bjarni Guðmann
Jónasson, fæddur í Sauðanesi í Torfalækjarhreppi. Þau hjón eignuðust
þrjú börn er upp komust, elst þeirra var Ingibjörg, þá Jón sem er bóndi
á Bakka og yngst er Jóhanna.
Ingibjörg ólst upp hjá foreldrum sínum sem bjuggu á nokkrum jörð-
um þar til þeir keyptu E)jólfsstaði í Vatnsdal. Árið 1944 útskrifaðist hún
frá Kvennaskólanum á Blönduósi. Á afmælisdegi Ingibjargar, þann 8.
júní 1949, giftist hún Ing\’ari Steingrímssyni
frá Hvammi í Vatnsdal.
Þau hófu búskap á Eyjólfsstöðum árið
1954, fyrst í sambýli með foreldrum Ingibjarg-
ar. Þar bjuggu þau allt til ársins 1995 að þau
hættu búskap og fluttu að Mýrarbraut 33 á
Blönduósi
Ingibjörg og Ingvar eignuðust fjögur börn í
þessari aldursröð: Hulda Aðalheiður, Jenný
Theódóra, Steingrímur og yngstur er Bjarni.
Á Eyjólfsstöðum varð starfsvettvangur Ingi-
bjargar þar sem hún bjó nær alla æ\i sem hús-
móðir og bóndakona. Heimili og fjölskylda
var áhugamál hennar fyrst og fremst. Hún hélt fjölskyldu sinni fallegt og
snyrtilegt heimili sem einkenndist af gestrisni.
Ingibjörg hafði yndi af blómum. Hún naut þess að sjá sig um og ferð-
ast. Hún hafði líka ánægju af söng. Meðan hún bjó í Vatnsdalnum söng
hún með kirkjukór Undirfellskirkju um langt árabil. Þegar hún flutti til
Blönduóss gekk hún til liðs við kirkjukór Blönduósskirkju og var þar góð-
ur félagi enda félagslynd og með létta lund og þægilega nærveru. I
kirkjukórnum var hún virkur þátttakandi allt þar til hún veiktist.